"بعد مرور عامين"
يستحق ذلك التعديل :"بعد حديثي من جديد "..........
_بس انتِ كمان خونتيني ياموده ،يعني ليه مقولتليش انك تعرفي علاقه حبيبه بي يوسف مثلا ؟
_انت مدتنيش فرصه اكلم ،وبعدين فاكره احنا عرفنا حبيبه ازاي .
_ايوه طبعا ،بباها يعرف بابا وكده ......
_حلو ،بصي بقي فكره نظرتي ليها لما عرفت أن بباها يبقي "عدنان "
_ايوه وقتها بصتلك اوي ، قولتلك في ايه هو انتوا تعرفوا بعض ،بس وقتها كان ردك بالنفي ،وايه علاقه كل الكلام ده بنفتح في قديم ليه ........
_اهو القديم ده أساس كل حاجه ، عوزاكي تفهمي كويس أن بباكي كويس جداً ، وانت عرفه ده كويس ، متخليش موقف وله اتنين يخليكي تنسي كل لحظة حلوه مع والدك ، يعني بباكي ملوش يد في الي حصل ده غير أن عدنان ده هو السبب في أن حبيبه تبقي عرفه يوسف ......
_ايه ،ازاي ده ؟؟؟
_هقولك ،والد يوسف كان معترض علي جوازك من يوسف في البدايه صح ...
_ايوه ،بس اخته كانت واقفه معاه واقنعت والده ، ولما عرف شخصيتي تقبلني ، ده غير أنه لما عرف بهدل يوسف ده ، ده غير أن اخته مازالت بتسأل عليه طول الفتره دي ، يعني مش فاهمه قصدك ايه ؟؟؟
_حلو ،في الاول والد يوسف كان عاوز يجوزه حبيبه من قبل مايحبك والكلام ده كله ، بس يوسف مكنش بيحبها ولكن الشطان اشطر ، وقدر يضحك عليه ، وكمان غير أن بباكي يعرف عدنان عشان بباكي محامي وكده فيعرف ناس اشكال والوان ف لما عرف أن احنا نبقي في سن بعض،قرر أنه يعرفنا على بعض ده غير أننا في نفس الجامعه والكلام ده، بس انا كنت اعرف حبيبه من قبل ما بباكي يعرفنا وكمان كنت الصراحه اعرف علاقتها مع يوسف الي هي بالغلط .......
_يعني كمان كنتي عرفه ومحولتيش تقوليلي ، وايه بالغلط دي ، هو انت لسه بتدافعي عنه ؟؟؟
_اسمعيني الله يخليكي للاخر .....
_هو لسه في آخر ،انا جبت اخري منكم اصلا ،انت كمان كدابه زيه .....
_هتسمعي ، سعتها كنت اعرف علاقه حبيبه فعلا بيوسف بس انت مكنتيش في علاقه بينك وبينه يعني مخطرش على بالي أن المفروض تعرفي ، محبتش اشوه سمعتها ، ولكن حولت اقولك في اليوم الي كنتي بتقولي أن يوسف وقع فحبك ودخوله معاكي المحاضره وكل الكلام ده فاكره طبعا ، وبعد كده رحت قولت ليوسف واتكلمت معاه وخدت قرار أن هاجي في اليوم الي قولتلك فيه اني عوزه اجي اسلم علي مامتك ، قولت اقولك وانت جمبك مامتك يعني ، بس هو سعتها قالي أنها كانت غلطه في الماضي وهو تاب ،عشان كده انا صدقت ومازلت مصدقه ي
_يعني ايه كلامك ده ،عوزه تقولي أن انا مجنونه يعني !!!
_لا مش هقول كده اكيد ،عوزه اقولك أن كلنا عندنا أخطاء في الماضي ، يعني هو اه غلط بس غلط قبل ما يعرفك ،يعني علي يدك انت قرر أنه يتوب ياسهيله ، ويبدأ حياه معاكي ، يعني علي سبيل المثال انت الي خلتيه يبطل السجاير ، زي ما خلتيه يعرف أنه عمل حاجه غلط وحرام ........
انت عقبتي كل حد في حياتك علي غلط قديم ،يوسف كان عقوبته علي ليله مع حبيبه وكانت تحت شرب وقله ادب ، ولكن من وقت ماعرفك وهو مش بيعمل حاجه حتي السجاير مبقاش يشربها .....
وكمان والدك تحت تأثير عدنان عليه الي مش بيحبوا الخير لحد ، ف مكنش عاوزك تطلقي من غير سبب ، وكمان تعب مامتك فكل ده كان حمل عليه ياسهيله وقرر ينفصل عن مامتك ، ولكن كل ده ليه ؟ لازم تسامحي ، ده انت الي خلتيني اتقرب من بابا وانت اكتر واحده تعرفي بابا كان عامل ازاي ، ف بلاش تحكمي علي حد من غلطه قديمه ف حياته بلاش ياسهيله ....
_اسكتي بقي ،كفايه بقي كفايه ........
لم ألجأ الا للبكاء في ذلك الحين ولكن أيعقل ماهو شعورك عندما يبكي جميع أعضاء جسدك ماعدا شي واحد هو "عينك" نعم لقد تعلمت الكبرياء لم استطع ان اجعل عيني تتوجع أمام شخص ما ، ولكني في الحقيقه لم يصبح لي وجود بعد .............
_كفايه ياموده ، وانت ياسهيله خلاص بقي ،مينفعش كده ........
_سبيها ياطنط ،خليها تعرف انها غلطانه .
لم أكن أتألم لأنني أخطأت كما يقولون ولكنني كنت أتألم لأنني تذكرت تلك الليله مره ثانيه بل هذه المره تعد بليالي العامين ، لقد بكيت هذه المره وانا اشعر وكأنه أمامي هو وحبيبه ، تلك الخائنه ........
_سهيله .....
_نعم ياأمي ،عوزين ايه مني ،سبوني في حالي بقي .......
_تعالي ياموده نطلع بره ، سبيها يابنتي ....
_عوزه اقولك ياسهيله أنه كلمك كتير وبعت رسائل وغيره ، انا مش هقولك انك غلطانه بس هو كمان مش غلطان هو كمان مش هيدفع تمن حاجه حصلت في الماضي .....
_اطلعي بره ، بره مش عوزه اشوف وشك تاني ، بره .....
_تعالي في حضني يابنتي ، تعالي .
**************
أنت تقرأ
أحببتك كثيراً.
Romanceروايه أحببتك كثيراً،روايه رومانسيه من وحي خيال الكاتب ،ولكن هذا لا يمنع أنه من المتوقع أن يحدث ذلك معك .........
