هانيي ولييت باش تعرفو شحاال نحبكم 💖و الله غير نشتيكم يا قمروشاتي نشالله يعجبكمم 💕💕
❤بسملله ❤
ياسمين:احمم لي يسمعك تقول براد بيت راه قدامي😑
ريان:جبتك لهنا باش تخدمي ماشي باش تكحلي.😎
ياسمين:بفففف منوض البنادم مرقاد و مصبح بوجهك يزيد بلخدمة الله يسلك هاد النهار يخير😣😣😣
ريان:بلعيه و جمعي تخدمي😐😐😐
قعدت قدامو و بداو يخدمو و يتناقشو عالصفقات
~~~~~~~ريان يحكي~~~~~
لبارح حسيت روحي راح نطرطق معلاباليش علاش نتقلق منها و نحب نفرغ زعافي فيها بصح وعلاه نندم و انا لي طوول حياتي ماندير حساب لحتى واحد
رحت للدار منارفي و مقلق كنت نشوف فيها مالبالكون حتى لقيتها خارجة و تبان مقلقة تبعتها و كنت موراها و بلا بلا بلا بلا تعرفو واش صرا ههه
زدت تقلقت من روحي بعد لي درتو بلا سبة بصح كي نتفكر ريحتها نتكالما وحدي و نهدا
وليت للدار مكالمي تعشيت و رحت لبيتي و قعدت نشوف فيها حتى نلقا الطفل تاع مقبيل تحت البلكون تاعها نار شعلت فيها كيفاه هبطتلو و لعبو كيفكيف حتى ضربتلي حاجة فراصي
هاداك الطفل هو جارنا الجديييد هو خووها
معلاباليش علاش هاد لحاجة ريحتني كنت نشوف فيهم و غايص مع ضحكتها حتى نلقاها تشوف فيا دخلت و خليتها تفيبري
غدوا من داك كنت قاعد فالصالون حتى سمعت صوت الباب تاعهم عرفتها بلي خرجت طليت عليها و عينيا خرجو كانت تهبل تمشي و تتزعبل عيطتلها و ريتلها الدار و كوبيت عليها
(بون الجماعة شفتو واش هدر ريان كااامل حسيتو بلا فايدة ماقنعنيش اسمحولي والله 😣😣)
كانو يخدمو و يتناقشو حتى ضربت النح
شاف فيها لقاها حلطة يدها تحت خدها و راقدة و شعرها طايح فوق وجها
فلحظة حس بحاجة انورمال حاجة خلاتو يحس بدمو يجري داخل عرقو غاص معاها و نسا كامل الورق
ريان:اححححححم اححححم و خبطلها راصها بستيلو
ياسمين:اهه ايه هاد الشرط وافقو عليه و عيطتلهم و هدرت معاهم
ريان بتبسيمة خبيثة:واشمن شرط
ياسمين:اااه هاداك لي كنت تحكي عليه
ريان:نوضي نروحو لرينيو تاع الادارة لازم نتفاهمو عالبروجي الجديد
ناضت و لمت الورق و خرجت موراه لقات محمد خارج كي شافها جا ليهم
محمد :مارحتيش و واش راكي ديري هنا
ياسمين:سيي رحت و هاداوين كنت نخدم
محمد:مافهمتش
ريان:انا هو المدير تاعها
محمد:اوو اسما جارنا هو الديريكتور الحلو... اايي
ههه "عفستلو فوق رحلو بصباطها"
ياسمين:ههه قصدو الحلوو الهاييل
ريان:اممم المهم صاحبي اسمحلنا عندنا خدمة رانا نتلاقاو اومبعد نشالله
محمد:بسلامة و نتي يا لبينازة حسابك من بعد
خرجتلو لسانها و هربت لبرا
ركبت معاه فطوموبيل و ديماراو سكاات هي حابة تقرعج بصح كي تتفكر واش قاللها لبارح تشد فمها
و هو كان مرة على مرة يرمي عينو ليها يستناها وقتاش تهدر
بصح هي واالووووو و هاد الشي قلقو
ريان:احمم بالنسبة لرينيو تاع الادارة نحبهم كامل يكونو تما و لازم غلطة ماتصرا خاطرش هاد الفترة حساسة و اي حاجة تضر تصرا لازم يكون عندك علم بيها
شافت فيه و دارلتو براصها تاع فهمت و دورت وجها للتاقة
ياسمين مع روحها
اااااع راح نهبل حابة نقرعج وعلاش ماقاليش بلي يسكن قدامنا و وعلاش قالي لبارح هكاك و وعلاش لبارح خلعني ااااع ياااسمييين شدي لسااانك لي يصبر ينال ااوووف اوووف اوووف
كانت تهدر فقلبها ناسيا كامل هاداك لي حبس طوموبيل عند الباب تاع الشركة يشوف فيها كيفاه تبوجي فيديها و تضرب في فمها
حتى لقات روحها تتكركر كي الشريطة موراه
ياسمين:اااه اطلقني نعرف نمشي
شاف فيها و طلقها و كمل طريقو و هي موراه لي تجوز عليه عينيه يلصقو فيها
دخلت للبيرو عيطلها باش تجي عندو
ريان:قوليلهم عالعشرة الرينيو
ياسمين دارتلو براصها تاع اوكي و خرجت و خلاتو منارفي
مافهمش علاش تنارفا و لا حتى عليمن تنارفا على روحو كي قاللها هكاك ولا عليها كي راهي رامياتو فالتقيل
بدا يطبل بصباعيته فوق البيرو كان مقلق فوق اللازم
وهي كانت تشوف فيه و مستغربة و قلبها يغلي حابة تقرعج
ياسمين:اووووف لوكان نزيد دقيقة نطرطق
و ناضت دخلت عندو و بدات تهدر :علاش ماقتليش بلي تسكن قدامي و وعلاش خوفتني لبارح و وعلاش هدرت معايا هكاك و وعلاش راك هكا تفيبري واش صرا واش كاين راح نطرطق اهدر جاوبني حابة نعرف.
قابلها يشوف فيها كي الكلب المكلوب
ماجاتش كاامل فوقتها وقف قدامها و بدا يعيط:مالكي نتي ماكان ما دخلك ندير شا نبغي و نقول لي وبغي و يزيد لاه جيتي عندي و منين جاك الكوراج باش توقفي قدامي و تهدري هكا قولي شا راكي حاسبة روحك دصرتيني ولا كيفاه نسيتي بلي لي راه واقف قدامك هو المدير تاعك بمعنى وحدوخر سيدك عينيك هادو كي توقفي قدامي تهبطيهم فهمتي و مايشقاش نعاود هدرتي خاطرش المرة الجاية غادي ندفنك فهمتيييي
زاد علا صوتو مع اللخر و هاد الشي خلاها تفيبري حابك تعرشلو و ديفوندي على روحها بصح ماقدرتش لسانها نعقد و قلبها تزير بعدت عليه كي لحقت للباب حسبت و قاتلو بلا ماتشوف فيه :عندك الحق نوعدك ماتتعاودش
و خرجت مخليتلو الدخان يخرج من وذنيه
راحت عند تقوى دخلت لعندها و قعدت فالبيرو مقابلتها
تقوى:واشبيك ماشي من عوايدك تسكتي ههه
ياسمين:من دوك تولي هكا عوايدي
ناضت ليها تقوى و قعدت على طرف الكرسي و عنقتها
تقوى:واشبيك ياسمين كاش ماصرالك بروبلام
ياسمسن تبسمت بوجيعة:هه لي صرا اني سكت لبنادم كان لازم عليا نضربو وجهو نريبهولو نرجعو مايجيبش دراري الجهاز التناسلي تاعو نحيهولو
نرجعو هو و ختو كيفكيف
تقوى حكمت ضحكتها بعد لي سمعاتو من ياسمين لي كانت تفيبري بتقلاق
تقوى:و شكون هادا لي خلاك ترعشي هكا
ياسمين:خوك لكلب الحلوف ولد لح.... احمم خوك
تقوى:ايييه كان لازم نعرف اصلا نتي واحد ما يقدرلك غير هو
ياسمين:اصبري بلا يماها غيرا ما شنشفتو باش نريح و لا مانتسماش ياسمين بنت عيشة بنت الهوارية بنت..
تقوى:خلاص راكي جبدتيلي راصتك كامل
ياسمين:هه اصلا هادا واش نعرف
تقوى:احممم نسقسيك
ياسمين:علابالي. اش راح تسقسي ايه هاداك خويا محمد لي خربشتيلو وجهو
تقوى:اه احم ههه ماشي بلعاني
ياسمين:نورمال بصح علابالك لوكان وحدوخرا دارتلو هكاك راني دفنتها فسابع لرض بصح مزية جيتي نتي.
تقوي:هههههه مالا ماكاش بروبلام.
ياسمين:من بكري ماكاش ايا انا دوك نروح نكمل شغل مانيش حاباتو يعيط عليا و ماتنسايش الاجتماع اومبعد
تقوى:اوكي كوني هانية
راحت ياسمين دارت على كاامل الشركة تفكرهم بالاجتماع
لحق وقت الرينيو هاداك و جااز بلا مشاكل و ياسمين كانت غير ساكتة و تبع تهدر غير قليل و ما دخلش روحها
جاز هاداك النهار بدون اصابات و لا اضرار مادية
كان كل مايشوف فيها يتنارفا بلا سبة
و هي كانت تسب فيه داخليا نعلت الزريعة تاع الزريعة تاع زريعتو لحقت
راحت للدار كارهة حياتها عطالها خدمة قد السخط
عيشة:يااااسميييين اروااحيي تتعشاي
ياسمين:اااه ماما تفكرت راهي جاية تقوى تعاوني فالخدمة تبات عندي.
محمد غير سمع تقوى وذنيه ولاو بارابول
عيشة:ايه ماكاش مشكل
دييينق دوووونق
محمد حسابتلو تقوى راح يجري تقول سليماني كي يكون فالسطاد.
محمد:اااه جارنا مرحبا
ياسمين:تقوى ادخليي اههه واش جيت دير لهنا ايا برا اخرج
ريان:ماجيتش لعندك
ياسمين:راك فدارييي ايااا اخرج عفط زفط قرفط منا.
عيشة:ياسمين ماتحشميش تحاوزي الضياف
ياسمين:هادا ضيف غير مرغوب فيه هادا مستر تشناف مايدخلش
ريان:اصلا ماجيتش باش ندخل يا لبهلولة
ياسمين:لاه جيت مالا
ريان:جيت ندي خوك ندورو شوية و نعطيك هادو ليدوصيي باش تجيبيهم غدوا مع لوخرين
ياسمين:واااش هادو كااامل قالولك روبو نكملهم كامل هادا لوكان يتحاماو عشرة و ياربي يكملوهم
عيشة:بلعي فمك نني وخدك فيك عشرين تسما تكمليهم وحدك
ياسمين:ماما نتي ماما.ولا ماماه.
عيشة:اودي شي واشمن ذنب درتو فحياتي باش بلاني ربي و وليت يماك
محمد:اسمعي يما حنا نروحو و نتي يا لبهلولة روحي لبتي تلقاي تحت البونك صاشي كي تجي صحبتك اجبديه و اتقاسموه
تقوى:هاني جييت اووه خويا ريان واش راك دير هنا.
محمد:خوك
ريان:خوها و ديجا نتي لي واش جابك لهنا.
ياسمين:هادي ختي تاع الصح جات تعاوني
محمد:منيين جات ختك اصلا انا ماعنديش خواتات عندي غير نتا تكفيني ياسو
ياسمين:تفووو عليك عليك في فمك نعل والديك. عيشة:تفوو عليك نتي تنعلي فوالدين خوك لي هو وليدي بهلولة
ريان:اممم مادامها جات تقوى تعاونك تسما غدوا نقبلهم عندي بلا غلطة لوكان نلقا غلطة وحدة برك تعاودي الخدمة وححدك
ياسمين:ااااااه حرااام عليك والله
عيشة:الشح فيك تستاهلي
ياسمين:اووااااه دوك راني سوور بلا نتي ماشي يما سووور
عيشة:.......
هاني وليييت اسمحولي البارت هادا مافيهش صوالح بزاف مي والله هادا واش قدرت نوعدكم نعوضهالكم
باااي 💕💕💕💕💕💕
أنت تقرأ
💕 زواج 💕 بعد☜حب💍معوق 😜2
Siêu nhiênبييييب بييي بيييييي هاد راح يكون الجزء2 لرواية حب بعد زواج معوق 😂 بصح حكاية. جديدة و احداث جديدة نتمنى تعجبكم كيما عحبتكم اللولة 😁💞💞💞💞
