💕 زواج 💕 بعد☜حب💍معوق 😜2

حلقة14😄💕

سلااام قبل مانداو الحكاية حابك نقوللكم بلي كاينة روايك جديدة و هااايلة مانيفيك
تلقاوها فلبروفيل هادا
_meryouma_
روحو ادعموها و استمتعو بيها و ماتنساوش تقوللها بلي نتوما من عندي هههه و راني متاكدة بلي تعجبكم
ايا بنبداو
بسملله
       ريان:اوووووووف اوووف كرهت منها ماتعقلش غير المشاكل اوووف
راح كل واحد فيهم لدارو ياكل فلحمو
ياسمين دخلت لبيتها ديركت غلقت البالكون و رقدت
(العباد كي يتقلقو يكسرو و يندبو و هي ترقد كي دب هه يعني كيفي 😁💕💕)
اما هو راح يفش زعافو فالخدمة
ياسمين هاد المرة الدوزيام لي يديرلها هدة كيما هادي
و هاد الخطرة غاضتها عمرها و معلابالهاش علاش
اما هو زعف على روحو كتر من لي زعف عليها

ΠΠΠΠΠΠΠΠنديرو تسريع للاحداث شوية 😄
جاز شهر على هاد الضربة ياسمين ولات باااردة بمعنى الكلمة يعني ماولاتش تهدر معاه كيما كانت
يعني ولات تعاملو كيما كان يعاملها هو
تهدر معاه غيير على الخدمة برررك
و بالمناسبة ياسمين كي عرفت بلي تقوى زعفت منها
شدت محمد من يدو و داتو لعندها
Flash back
تقوى و هي زعما زعفانة:امم وي
ياسمين:تقوووشتي منقوشتيي اسمحيلي بليييز
تقوى:ياااه انا قلبي لزق لصباعي تاع رجلي و نتي جاية تقولي اسمحيلي بحناكك
ياسمين ضحكتلها:امم و شكوو قالك جيت بحنامي هاني جبتلك قووجا كادو
تقوى:هااه صح وين راه
ياسمين:هاوليك
و حكمت محمد و طبعاتو عليها
ياسمين:هادا احلى كادو ممكن يمدوهولك صدقيني
سلعة دوريجين ماكاش كيفها فالسوق يعني حرك ماشي فالصو و انا كان عندي بلا فايدة تسمى مديتهولك هكا باش نفرحك و نفرح و نفرحو
تقوى كانت هي و طوماطيش خاوة ماشي صحاب
و محمد كان غير يشوف فيها و عينيه يطلقو فالقلوبة
محمد:اححم صحيتي دوكا تقدري تروحي
ياسمين:راااني رايحة نتوما ديرو لافار و انا نبقا بايرة
تقوى:هاو ريان كامل عندي و نتي تبقاي بايرة
ياسمين شافت فيها وحد الشوفة رجعتها تفيبري بلخوف لدرجة تخبات مور موح
ياسمين:بالااكي تزيدي تجبديلي على هاداك الباطاطا الفاسدة الحمار فهمتي والله غير نمرمدك و دوك راني رايحة و نتوما ابقاو تتمعشقو
E. F. B

كانت قاعدك فالبيرو تخدم و عينها عليه و لا نقولو عليهم
سمية كي فاقت بلي ماراهمش متفاهمين ولات لسقت فريان كتر و كل مرة تسمع ياسمين هدرة بصح ياسمين ولات دايرتها فوذنها كي هي كي ريان
لي ولا كي الغول زاد صعاب كتر ولا لي يغلط غلطة صغيرة يخرج زعافو فيه
و حتى ياسمين اثر فيها هاد الشي يعني مابقلتش تضحك كيما كانت نقصت شوية هبال و تبهليل يعني قليل غير مع دارهم و تقوى لي تضحك
بعد ما خرحت سمية عيطلها
ريان و هو يشوف فالورق:وحدي روحك الافتتاح تاع المشروع الحديد راح تكون حفلة فبومرداس غير غدوة نروحو صباح و غدوك عندك كونجي باش توجدي روحك نبقاو تما سمانة
ياسمين:اوكي
و راحت و كل واحد كمل خدمتو و راحو للدار
و كي العادة طريق كامل و هوما ساكتين