بعد ماخرجو من عندو طرطقو بضحك
تقوى:هههههه بصح كيفاه ضربتيها مسكينة علتها دخلت
ياسمين:هكا راني نفعتها خيرمن تبقا تعاني بريجيم ههههههه
تقوى:اييي بصح ريان كان مخلوع جامي شفتو هكاك
ياسمين:يندب امشي نخرجو
تقوى:هههه ارواحي معايا ندورو شوية
ياسمين:امممم اوكييي
و ها ديوان الصالحين و هاديوان الصالحين و ها ديوان الصالحين على ربي والوالدين
بلا شوككك هادي غير صونري الجديدة تاع ياسمين
ياسمين:الووو وي الحاجة
......
ياسمين:صحاا صحا وين راكي
........
ياسمين:اوكي دوك نشوف كيفاه
تقوى:شا كاين
ياسمين:ههههعه ماما راحت لوحد لمارشي و تبحرت ههههههه
تقوى:اووي ههه و كي غادي ديري
ياسمين:راح نتبحر انا تانيك حتى نلقاها
تقوى:هههه بهلولة امشي ق‘ليلي وين راهي انا نعتلك
ياسمين:امممم نن ماتنعتيليش ارواحي معايا
تقوى:هههه اوكي اصلا فارغة شغل انا
راحو يمشو و يتبهلو و ياسمين مقلبة الدنيا بالضحكعيشة:يااسمين
ياسمين:عشعوووشة واش جابك لهنا و هاداك البغلون وين راه
عيشة:البنات كي يشوفو يماهم يسلمو عليها و انا بنتي تحقق معايا
تقوى:مسلخير خالتي
عيشة:مساء نور بنتي
تقوى:كي راكي غاية
عيشة:لاباس الحمدلله نتي صحبة هاد المخلوقة
ياسمين:راني حاسة روحي كائن فضائي و عندي قرون خظورة مور ودنيا
تقوى:هههههههه بلعيه امشو نروحو ايدا كملتي خالتي
عيشة:انا كملت
ياسمين:ماما خفي شوية عندي شغل
عيشة:ااه يا بنتي نتي و شغالاتك
تقوى:ايا اسمحولي انا لارم نروح ختي راهي تعيطلي بااي
ياسمين و عيشة:في لامان
لحقو للدار هوما غير وصلو لحقت م‘راهم طوموبيل كحلة كامل فومي
عيشة:اييه هادا لي يسكن قدامنا
ياسمين:يااخااه هادا لاه مكوفري روحي هكا
عيشة:بلعي بلعي و ادخلي للدار
ياسمين:هاني دخلت بيييييينووووووووو بيينووووشيييييي بينبين
بينو:مياااو مياااو
جا يجري ليها و هي رفداتو و بدات تلعب بيه
ياسمين:ماما بينو راه مشياان
عيشة:راه لاباس بيه حبسي الخلعة تاعك
ياسمين:شوفييه ولا قد الكمشة
عيشة:ياااسمييين مابيه والو بنتي
ياسمين:صحا راني طالعة نرقد
عيشة:والشغل لي قلتي عليه
ياسمين:ها راني طالعة نديرو
طلعت لبيتها و رقدت جوايه 7 فطنت
هبطت لتحت
ياسمين:مححححححمممممممممممممممممممددددددد
محمد:يااا ربي اغفرلي و رحمني و صبر يما يااا ربي
ياسمين:ليوم موتك
محمد:هههه احكميني ايدا قدرتي
دوك نقوللكم واش دار هادا لبغل كلالها الشيكولا لي حابتها المرة اللخرة لي كانت مخبيتها داخل صاشي داخل باطة مور الشلاضة داخل قجر فالفريجيدار
و بداو يجرو حتى خرجو لبرا
ياسمين و البلغة تاع يماها لي خلاتهالها مانها لي شراتها كي زاد خالها
ياسمين:محمد ليوم نتفك ليوم نشرشمك ليوم نبعجك
محمد و هو يجري:ياا طفلة يهديك ربي ياك انا خوك
ياسمين:يخوي جنابك و يحطو قدامك يا وجه الكوكوطة
كانو يجرو حتى طاح و هي طلعت فوقو و شدتلو وذنيه
محمد:اااااااااع
ياسمين كانت تدور فيهم كلي راهي تعجن فالكسرة:نتا با وجه الطاوة تاع الفطير تسرقلي شيكولتي ماتحشمش انا نشري و نتا تاكل
محمد:ااااع حكايتها شيكولة يا المشرارة يا بو كرش
ياسمسن و هي تجبدلو فشعرو:انا بو كرش يا القرقبو يا لي تشبه لعمي جعفر لي يبيع الباطاطا فالدورة تاع الحومة القديمة
محمد:ااااع خلاااص خلااااص اطلقيني و دوك نديك نشرووووووو
ياسمين:تدييينيييي نشرييي واااش نحب
محمد:ااااااععع واش تحبييي اطلقيني برك
ناضت من فوقو و سقمتلو حوايجو :اييه خويا العزييز كنت تهدر هكا قبل مانمرمدك فالرض تسلم على البعاعش
محمد:وعلاه نتي خليتيني نهدر هجمتي عليا ديركت
و راح وقف مقابلها و عطالها ظهرو باش تطلع فوق
ياسمين:اياااا وووووووووه ووووووووووو
كان يحري بيها و هي فوق ظهرو و تعيط و هو يصوطي
و هاداا كااامل كان تحت نظرات ريان لي مسكين تشوكااا منها تاع الصح مي حسهم عايشين حياتهم كيما يلزم يضحكو و يلعبو و يضحكو
ريان:بببف دراري.
ودخل لبيتو و كمل خدمتو
بينما هي و خوها راحو لدار لبسو كيفكيفو محمد كيفها برك تاع دراري
و خرجو يجرو ديسيداو يديرو سبور و يشرو فنفس الوقت
دخلو للسوبيرات
ياسمين:ندي هادي و هااادي و هادي
محمد:ياطفلك كليت زوح مغارف من باطة تاع شيكولا راكي خلفتيهم 3 بايط
ياسمين:تستهل و يزيد اصرف شوية على ختك عام كامل و نتا تدكس فيهم كي العجايز المشحاحين
محمد:هاو حاب نتزوج ماشي كيفك باير
ياسمين:بايرة و نبقى بايرة تسالني
محمد:امشي نروحو
كملت ياسمين تشري و محمد يندب فحناكو بالمقولب
عاودو ولاو لدارهم يجرو
عيشة:وين كنتو بطيتو
محمد:شوفي بنتك لي داتني لطرف الدنيا باش تشري شيكولا.
ياسمين:بلع و دوك امشي نروحو نتعشاو راني جعت.
قعدو يتعشاو. ياسمين فوست الكوزينة و طلعت لبيتها لبست شورت و تريكو تاع محمد تاع الويال و دارت شعرها طوماطيشة مخبلة بلاصات الكاسك غنية تاع Forever yong
و خرجت للبالكون و بدات تضر فالشكارة تاع البوكس
بالاك تجيكم بيزار بصح هاد الطفلة بنات شخصيتها وحدها و قواتها و رجعتها جريئة و ماتخافش
بالاك ماتامنوش كي يقوللكم البنادم يتغير بصح كاين عيباد يصراولهم صوالح تخليهم يتبدلو بلا مايحسوقعدت شحال و هي تبوكسي فديك الشكارة حتى عيات ولات دخلت دوشت و خرجت لبست
وعاودت خرجت قعدت فوق الكرسي لي كان تم
جاي كيشغول معلق فالصور
ههه ماتنخلعوش نقولها و نعاودها لimagination تاعي بزاااف كبيرة تسما والفوني هههه
جا عندها بينو و طلع فوق كرشها و تكسل و هي قعدت تلعب بشعرو و تكونيكتي حتى 3 تاع الصبح
داتها عينها ولات رقدت تم شعرها شامخ و مش مغطية و يزيد فالبالكون
و بلا مانعاودلكم هاد الوقت كامل و ريان يشوف فيها و يحمد فربي لي خواتاتو ماشي كيفها هوما صح يخدمو خذايم و سورتووو تغريد بصح كومام مش كيما هي
ريان:ههههههه غدوا تتحاوز
و قعد يخدم حتى لحقت 5 وجد روحو و خرج للبالكون لقاها مازالها تما راقدة ضحك بشر و عاود دخل يفطرو راح للشركة هي ماشي بعييييدة يعني بالمشية تضرب ساعة غير ربع و بالطوموبيل ربع ساعة
هااني ولييييت مابطيتش عليكم ههه نشالله يعجبكم البارت سييت نقص شوية ضحك. باش نديرو كيما طلبتو مني ماتنساوش تدعموني و تشجعوني بفوط و كومنت و بارطاجيو الرواية و اعرضو صحاباتكم عليها هكا باش يزيد التفاعل و نزيد نحطلكم بارتات شابين كيما نتوما
باااي نحبكمم
أنت تقرأ
💕 زواج 💕 بعد☜حب💍معوق 😜2
Paranormalبييييب بييي بيييييي هاد راح يكون الجزء2 لرواية حب بعد زواج معوق 😂 بصح حكاية. جديدة و احداث جديدة نتمنى تعجبكم كيما عحبتكم اللولة 😁💞💞💞💞