ADDICTION (IBANESE STORY)

TUSUN KE LAPAN

"Kay, A, ndaiii... sama ditu seduai ney. Udah ga pintu lelenga enda ditambit." Ailona baru datai alu nyenguk ke dapur laban bisi ninga munyi nyawa urang berandau. Mucau laban ya datai tadi, meda pintu bilik besai lenga-lenga. Sangka te bisi urang duduk ba ruai dia. Nemu tak ba dapur seduai ya.

"Hehe... ku baru tembu muat gari tadi. Lak ke ku dulu, laban pua bedau rangkai. Ala, gate udah kunci deh. Nadai ngawa la." Udahnya mata seduai Audrey nggau Kayleigh focus meda plastic ke dibincing Ailona.

"Nama utai bai d ngemaioh nya, Lona? Seduai Ben agai kedai printer ka seduai d supping tadi?" Pia ko Kayleigh nanya.

Ailona enda alu nyaut. Plastic ba jari ya dengkah ya atas mija makai. Maioh lauk beli seduai ya Ben tadi. Kebatang endar ya, Ben ke bebeli ke lauk asuh mami ya. Alang-alang udah bebeli, alu nyangkung sida Ailona, Kayleigh, nggau Audrey.

"Lauk. And, this." Ailona nunjuk ke plastic KFC ke simpan ya ba dalam shopping bag tadi. Set besai agi nya. Audrey nggau Kayleigh ke baru tembu ngirup lemai, beperening pangan diri.

"Lona, besai amai set KFC nya? Kitai ka tiga iku aja aok. Sapa ka nembu ke nya legi?" Kayleigh bediri alu nyerungkai plastic KFC nya.

"Ben nya aah. Ya ke sponsor aok. Lauk tu pan ya magang mayar. Ala, part makai nya anang irau. Ini Ailona lah-..."

"Ya. Ailona kereta sapu terbaik sepanjang zaman." Bedau abis Ailona bejaku, udah dulu Audrey mutung jaku ya. Alu rerinyik aja tudah Ailona.

"Ben sigi tau. Kitai ke nda nyamai dipelanja ya belama. Udah ga mami Ben nya... urghhh... enti ya nemu Ben sponsor kitai, nadai pala magang kitai tiga kerja ke ya pelabaku." Ailona nggau Audrey beperening. Udah nemu ndar reti jaku tundi Kayleigh pasal mami Ben.

"Aku tu enda nemu ya ke nyangkung kitai sekali tadi aok. Patut la setiap barang dambi ya, mesti double or triple. Nemunya nyangkung kitai. Tu tadi, nyangkai ke aku baru ya nyua ke semua barang. Ka pan nda, sambut aja ga. Meda ya ke berumbai ka pulai tadi." Ko Ailona nerang ke situasi seduai Ben tadi.

"By the way, sapa nganjung kitai sebuat agai hotel demalam neh?" Tanya ari Ailona ngasuh sida tiga beperening pangan diri.

"Hurmmm, I am wondering about that too." Ko Audrey pia ke nyeling Kayleigh. Nyu tebatuk tudah Kayleigh. Audrey udah nemu, tang sengaja ka nundi Kayleigh. Ari certa ke ditusi Kayleigh tadi, ya yakin cerita Kayleigh nya amai-amai nyadi. Ukai mina mimpi Kayleigh aja. Bakani Audrey pasti?

"Anyway, kitai pun nadai nama-nama kan? So, let's pray for the kindest person in the world that willing to save us and be our hero last night. May God bless him. Amen."

"Amen." Nunda ga Ailona, ngamin ke sembiang Audrey. Kayleigh aja enda bemunyi.

"Oh ya, sebedau aku lupa. Tadi Ben madah, ya ka mai kitai keluar pegila. Bisi event ba hotel ndur kitai demalam."

"Event nama?"

"Tattoo's art." Alu seretai seduai Ailona nggau Audrey nguing merening Kayleigh. Kayleigh sigi minat ba senentang pantang. Ya rindu meda macam-macam chura dilukis digaga nyadi pantang. Tang ya takut ka bepantang. Takut jarum. Hahaha...

"Bah, nulung nusun semua tu legi aok? Aku ka mandi dulu. Nda nyamai ndar asai isi tu, balat bepeluh. Don't forget. Tomorrow sharp 10am Ben datai ngambi kitai." Sempat Ailona ngirup segelas ai celap ngena masah ke rekung sebedau ya tama agai pangking.

"A." Ko Kayleigh, udah Ailona tama nutup pintu pangking. Udahnya ya alu bediri ngelawa singki, mai plastic lauk. Bisi kaki manuk, ikan sultan, sayap manuk, ati manuk nggau kerang ba dalam plastic ke dibaie Ailona tadi.