ADDICTION (IBANESE STORY)

TUSUN KE ENAM

Pedis amai ati ya!

Udah ga muntah ba baju ya. Nadai minta ampun, terus lari enda temu agi dini penunga seduai nya! Ka pen nda, dulu ya pulai ke rumah. Ka mansang kin baru sigi nadai jalai. Taja rumah ya enda jauh ari ndur club tadi, nggai meh ya mansang baru. Nadai mood agi. Tiap kali ingat ke muntah ke lekat ba baju ya, ya ke nyu ka muntah.

Datai tadi ya alu berumban tama jamban. Buka baju alu simpan ya dalam bakul gari. Bakul nya alu anjung ya agai ruang laundry. Enda sanggup ka ngelak ke bakul nya dalam bilik ya semalam-malam. Diatu udah mandi pan idung ya semampai asai ke nyium bau muntah nya belama.

Jam udah pukul 1am. Handphone ba atas katil dijengkau. Bisi lima miscalls ari Elec. Baru teringat ke diri nadai madah diri empu udah dulu pulai. Laban kelalu pedis ati. Nadai utai bukai ba untak ya tadi. Sigi asai ke ka ngirit seduai indu nya agai balai pulis. Enda nemu lah ka nuduh atas kesalahan nama. Nya belakang cerita. Asal meh seduai nya masuk lokap.

Giga ya nama Elec ba contact dalam handphone. Lalu call agai Elec. Baru dua kali bebunyi alu bisi didinga nyawa Elec nyaut.

Elec : Where are you?

Adrian : Home. Don't ask me why. Aku call tu just ka madah aku udah ba rumah. Enda alah d ngeriput ba pulis legi laban enda tetemu ke dini ndur aku. Okay lah. Aku ka tinduk dulu. Bye.

.

.

.

"Adrian?" Alex ulih mengagak. Meda aja ekspresi mua Elec, sigi temu ya. Elec nagun ke pala.

"Lex, it's already late. You know tomorrow will be hectic for me." Elec alu angkat. Ber-bro fist and hug nggau sida ke bukai.

"Okay. See you at office tomorrow. Drive safe."

Nemu diri empu sigi maioh pengawa pegila, Elec udah tumu madah agai bala kaban ya. Ya sigi enda nggau sida ngirup. Ngirup ga ya tadi deh. Ngirup ai Carlsberg, bisi la ngelima tin. Kira ke ngecur mimit enggai ke puni.

Pansut ari bilik VIP, laju ya bejalai mansa bala mensia ke benung happening amai laban lagu benung pasang DJ ba stage dia lagu rancak. Sekut bala mensia. Pedis amai ka nyelepak. Bala indu ke dipansa ya, bisi dua tiga iku ngenan ke ya. Mai ngirup. Ni ke minta lumur telipun meh. Tulak Elec manah ga. Digilik ke ya pala pia ke nyebut 'sorry, I'm taken'.

Datai ba endur paking, maioh diri ga mensia ba luar dia. Bisi ke berandau nggau pangan diri. Bisi ke nginsap. Bisi ga ke benung diting. Dalam kerita enda ibuh sebut. Ulih dipeda benung besium. Akaiii... tuchum ngilik ke pala aja Elec mansa. Cermin kerita ke nyu baka akuarium. Ni nda segenda dipeda urang ari luar. Pancar ke spotlight club nya. Lagi lah terang.

.

.

.

Udah lari ari laki nya, Kayleigh nggau Audrey alu mai Ben seduai Ailona pulai. Tang Ben bedau ibuh ke jaku Kayleigh. Majak ngelanggak. Sempat agi ya narit sida tiga nya bejugit ba dance floor.

Ka bakani Kayleigh rerauh mai pulai, enda meh telaban ke tenaga lelaki Ben. Sida tiga nya, muntang aja ditarit ya. Audrey nggau Ailona terengkah aja ba dance floor te alu bejugit meh. Ya ke Audrey nadai agi ingat ke nama utai nyadi ba seduai Kayleigh tadi.

Kayleigh aja ke tembu gegining. Irau nggai ke laki nya tetemu ke seduai ya Audrey. Nasib ga malam nya sigi maioh urang. Ka engkebut pan pedis. Enti enda nilik mua pangan diri nggau semak, sigi nadai ulih tetemu ke pangan diri maia nya. Pa pemaioh urang.