ADDICTION (IBANESE STORY)

TUSUN KE DUAPULUH

TUSUN KE DUAPULUH

Elec tetuchum maia mandi. Maia begari. Maia besugu. Sempat agi ya tegi-tegi ba beranda luar bilik. Enti enda tegal call ari receptionist tadi, sigi nyuka enda ingat ya da semaia seduai Kayleigh ke ka makai.

Tang, mikir baru utai ke dipadah ke receptionist nya tadi nyu ngerusak mood ya. Nasib ya udah dulu mekat Anding tadi. Anding tu staff resort dia. Gawa ba bahagian Front Office. Kira ke baka Supervisor nya meh pengawa ya laban ke udah maioh pengalaman ba senentang pengawa nya. Nya pan Elec meh ke rekomen ya gawa nggau Mr. Milano.

Nambah ke pemedis ati ya, Anding engkakah ketawa maia call agai ya tadi. Ngumbai tudah ya nulak rezeki. Tang Elec nemu nya mina jaku tundi ari Anding. Siku nya udah ngelala ndar perangai Elec. Ukai bansa ke rindu ke utai urang. Nama agi enti indu baka Carla nya. Jauh sekali.

Carla... huh!

Benung runding ya jauh terebai, tunjuk jari ya udah nekan lucing pintu bilik Kayleigh. Ya empu tekenyit, ngasai ke jari diri empu nyu udah nekan lucing. Baru sedar diri empu udah bediri ba mua pintu bilik Kayleigh. Nya pan bedau pulai ndar semengat, meda mua Kayleigh udah ba depan mata.

Tegepang, tegenung tudah Elec. Mata enda tekilap. Indu ba depan ya diatu, indu ke kala rapat nggau ya suba kah?

Puput ke angin ari bilik, ngesuh bau rengut. Nyuka ngasuh runding tepejuh.

'This... can't be happening. Earth to, Elec!'

"Elec? I'm done."

'Shit.'

"Haaa-ye-yeah. Come." He smiles awkwardly.

Malu kediri. Kantoi merati ke anak dara urang.

Pejalai agai restaurant pan asai ke lama. Kekalat asai ati bujang. Dikesuh ke rengut indu dara ari depan, laban ya ke bejalai entudi ari belakang Kayleigh. Ngasai ke diri asai ke majak ka tepejuh runding, beguai ya napat ke pejalai Kayleigh. Nda ulih entudi agi.

Datai ba restaurant, umbas ya ragak ga dia. Sida staff nggau krew benung sibuk gawa. Taja pan empai entu tembu utai dia, tang ndur seduai makai ndang udah disedia ke magang. Special order from Mr. Milano for both of them, ko Anding.

Tu baru amai enda nulak rezeki. Duduk aja, seduai alu makai. Nadai bejaku nadai betanya agi. Pengelapar perut maia nya asai ke ulih nelan chapi siku. Sema jaku aja aok. Sema aja.

Udah tembu makai, seduai alu mutus ka pulai ke bilik. Enti nitih ati Elec, ya ka mai Kayleigh bejalai ba pantai. Nadai niat bukai, mina kena ngapus ke malam. Laban ke udah teleba laun tinduk. Jam maia nya baru pukul 8.45pm. Selalu paling tumu ya tinduk pan, pukul 1am.

Tang ngenang ke pemendar sida meeting saritu tadi, nda kempang ga ya. Irau ke Kayleigh lelak. Udah ga seduai ke bemalam dia langsung enda dirancang. Feeling guilty, he decides they should go back to their room and rest early.

'Mesti best enti ngambi angin ba pantai maia tu...'

Nda Elec nemu, dalam ati, Kayleigh sigi benung berunding ka lepak ba pantai. Ukai selalu ulih bejalai agai tempat bakanya. Tang maia berunding baru, enda berani ga ya ka bejegau kediri. Udah ga indu, tempat urang agi nya. Ukai nya kala kia. Last-last, ya pasrah aja. Niat ba ati tadi ka nguji mai Elec. Sekali meda mua Elec baka ke serius ja, nda berani ga ya ka nanya. Engka lelak. Pia ko anak ati ya.

Sepanjai pejalai pulai ke bilik, sunyi baru ga seduai ya. Masing-masing nggau pikir diri empu.

Kira setengah udah pejalai seduai ya, dia bisi siku indu tiba-tiba ja ayan pia ke tuchum merening seduai.