لن اتخلي ابدآ ( روايات ليبية )

حلقة 1🔥

#لن_أتخلى_أبدا
#المقدمة

يســرى : بالشويا عليـك 😍 فــاطمة حــبيبتي مــعاش تبكي هذا النصيب الله غالب أنسيه أنسي أن فـي الدنيا فـي حاجة أسمها عامر و تـوا خلي كل تفكيركـ شــهاب 💗
أني  : مـش قادرة نطلعله مـا نبيشي لازم تفهمو
يسـرى : و الله فاهمة علـيك يا قلـبي لكن شـن تبي أديري تـوا أنتي مرته
عائشة : فــاطمة هـيا الراجل فـي السيارة مــن بكـري
أني  : أفهمو ما نبيشي 😠 ما نحــباش بالسيف بـالسيف
راوية : تومتي دالكـ رازل تيا ( الترجمة : فطومتي قالك الراجل هيا )
أني : حاضر
يسرى : هـي أمسحي دموعكـ
أني : بـه و مسحت دموعـي و نزلت الطرحة و طـلعت
لقيت مـامـا
أمي : ربـي يحفظكـ و يهنيكـ و يبعد عليكم شر الحساد يااا رب 💓
أني : :'( حـبيبتي و حضنتها و من غير ما نحس على روحـي رجعت نبكي من جديد
أمي : خلاص يا بنتي معــاش تبي هـي أطلعي الراجل من بكري يستنا
تلفتت لقيت البنات كلهم يشوفولي و عيونهم معبيات دموع
طبست راسي و طلعت قدام الصالحة جاني بوي و حضني و يقولـي ربي يحفظكـ و يهنيكـ ما تبكـيش
أني : بست على راسـه و خاني خوي الصغير علي
علي : بطلي بكـي و بري مع الراجل و باس على راسي
أني : مش تنساني :'(
علي : مـش حـ ننساك غـير بري
و كيف نـبي نركب السيارة تجمدت فـي مكــاني :'(
زينب بصوت واطي فـي وذني : ديري روحكـ ما شفتي شي أركبي
أني : قعدت نشوفله و دموعي نهر😭
عامر :  😭 و حاول يبتسم و ركب السيارة و مشـي
شهاب : فاطمة خيركـ
أني : لا شي و ركبت جنبه حسيت نفسي بنموت ما قدرتش نقيم عيني فـي شهاب بكل 💔
شويا حسيت حد شدلي أيدي قمت راسي 😳
شهاب : أني مـش حـ ناكلكـ و أماليكـ مش حـ نحرمكـ منهم خيركـ مكبرة القصة حبيبتي
اني غمضت عيوني و قعدت نبكي فـي سري
و بعـد شوي
شهاب : هـي حبيبتي
أني : نزلت و هوا نزل و شد فـي أيدي
شهاب : قولـي بسم الله
أني : بسم الله 😔
و فتح باب الحوش و خشيت أني وياه و كانو كلهم فرحانين الا أنـي 💔 و أول ما سكر الباب
شهاب : نـبي نفهم علاش الدموع و طول قرب على رقبتي
أني : عفوا نبي الحمام شوي
شهاب : أهو نوصلكـ و شد فـي أيدي و رفعني لـي الحمام و قالي تفضلي بـس كيف تبي تخشي بالفستان هذا ؟
أني : هاذي الدار صح ؟
شهاب : أي 😍
خشيـتلها و جبدت الباب ورأي و قعمزت على السرير و قعدت نبكـي نبكـي فرغت الى فـي قلبي كله 💔 حسيت جسمي مكسر و راسـي يوجع فـيا شويا معاش حسيت بـ شي رقدت 💤
خلــي نعرفكم علـى نفسي أسمي فـاطمة عمـري 24 سنة نخدم مهندسة ديكور طبـعا زي ما شفتو الـيوم عرسـي 💔 تزوجت زواج تقليدي مـن شخص مـا عنديـش ليه ولا ذرة مشاعر و مخليه الشـاب الى حبيته مـن و أني صغيرة :'(  الله غــاب نصيب
زوجـي أسمه شهاب عمره 28 سنـة طـيب و محترم و الى يبان أن يحبنـي 💔 يخدم فـي المطار
و خلـي نعرفكم على عامر 💔 هذا ولد خـالتي و حبـيبي كنا عايشين مع بعض لا بيا ولا علينا لـين جو خطبوني و أماليا وافقو 😔 و تفرقنا
و أمي منيرة
و بوي عبد الكريم
عندي زوز خوات عائشة و زينب
عائشة : عمرها 27 متزوجة و عندها بنـت أسمها راوية عمرها 3 سنين
و زينب : عمرها 29 حتى هيا متزوجة و ربي مزال ما رزقها بـي بـيبي
و علي هذا خوي الصغير و عمره 20 سنة لا متزوج ولا خاطب بـس ما فيش بنت مش مكلمها 😂
و صاحباتي  كلهم فـي نفس عمري😍 : يسرى و خولة و الاء و دانيا كلهم مـن أيام المدرسة و قعدو معـاي لـي توا
و تـوا نرجع لـي القصة خـش عليا شهاب لقأني راقدة و قعدة بـ فستان و الكندرة و مش مغيرة شـئ و واضح عليا ان كنت نبكـي
شهاب : فاطمة حبـيبتي نوضـي بدلي
أني : ها شن و طبعا ما نحكيـش منظري عيونـي حمر و مرهقة
شهاب : نوضـي بدلي و أرقدي بـاهي
أنـي : تمام و خديت حوايجي من الدولاب و خشيت الحمام بدلت و غسلت وجهي و لميت شعري و طلعت
شهاب : 😍 أحم تـبي تذهبي شيرتي يا بنت ولا كيف
أنـي : هه :)
شهاب : أستاحشتكـ
أني : شكرا و قعمزت على السرير
شهاب : بكيتي هلـبا اليوم لـين عيونكـ دابلات
أني : أي تصبح على خير
شهاب : اا شن تبي ترقدي ؟
أني : أملا شن
شهاب : أها به تصبحي على خير
أني : و أنت من أهله و حطيت راسي على المخدمة و عيوني دموع شويا حسيت حاجة تلتف على خصري و جبدنـي لـي عنده
شهاب : نوم العوافـي يا قلبي
أني : ولا حرف لـين نعسني النوم