لن اتخلي ابدآ ( روايات ليبية )

حلقة 7🔥

#لـن_أتخلى_أبدا
#الحلقة_السابعة

و قعدنا نتفرجو شويا نضت درت فوشار 😍 طبعا الاستاذ شهاب يحبه بشكل غريب
شهاب : اووووه الصونيه هاذي ليا بروحي بري ديري وحدة تانية
أني: توا جبتلكـ وحدة معبية بسم الله تمت خلاص حـ ناكلو مع بعض و قعمزت جنبه
شهاب : 😒 هاذي بس خلاص
أني : وحدة ! أعطيني حتى كمشه
شهاب : الا و قعد ياكل
أني : انلااا أنلا و قعدت نعجب فيه و سارحة وما نشوف غير 😂 الكف جاي 👏
شهاب : حيوانة 😠
أني : شهااب 😠 معاش تمد يدكـ عليا
و يــمكن من غير وعــي منه يضربني كف تاني 👊
أني : :'( :'( و نضت نجري خشيت لـي الدار و سكرتها بالمفتاح و قعدت نبكي ناقصة هم أني نااقصة 😵 يعني طحت طحت طحــت طيحه باهية زي الناس مش عند معاق 😠 وقعدت نفكر فـي بقية حيــاتي معاه هوا هكــي يعتبر حاله باهي و كان مرض 😳 لالالا مستحيل نقدر نعيش معاه حــي عليك يا فاطمة 😭 شويا نسمع فيه ينادي فااطمة
أني : نعم شن تبي :(
شهاب : تعالي
أني : و مسحت دمــوعي و مشيتله
شهاب : زعلتي مني ؟
أني : لالا
شهاب : كنت نبصر عليكـ أني
أني: خلاص قلتلكـ ما زعلتش 😡علاش منادي عليا
شهاب : لا بس أنتي خشيتي تبكي و قلت أكيد زعلانة
أني : حتى أني نبصر 😒
شهاب : قعمزي خيركـ واقفة
أني : لا نبي نرقد
شهاب : توا !
أني : أي عندكـ مشكلة 😒
شهاب : باهي خلاص قلتلكـ أسف مش بقصدي خيركـ هكي
أني : و أني شن قلت 😡
شهاب : خيركـ أنتي ناوية مشكلة ؟
أني : لالا و بعدين خلاص الساعة 10 و أنت سلامتكـ زي العيل الصغير ما تعرفش تتحكم فـي نومكـ خش أرقد توا باش تفيق للعمل بكري
شهاب : 😳 خيركـ يا بنت تتكلمي هكي
أني : خيرني ! مشاء الله عليا
شهاب : تكلمي باهي خير ما نرفسكـ توا
أني : أنت بذات لـي مليكـش الحق تتكلم على الناس تمام و هــي تصبح على خير
شهاب : و أنتي من أهل الخير
و خشيت من غير ما نشوفله طــول حيطت راسي على المخدة و خداني النوم
و فــي صبح تــاني يوم 🌸
نضت شفت لـي الساعة لقيتها 10 حــي على فاطمة زعما شهاب ناض ؟ و تلفتت لقيته مهناش طلعت نجري لقيت الحوش فاضي فهمت أن مشي ظميت شن نبي نظم و بعدها قعمزت نتفرج على التلفزيون
شهاب : صباح الخير
أني : بسسسسسسسسسسسسسسسسسسسسسم الله الرحمن الرحيـــم أعوذ بالله من الشيطان الرجيم 😱 أمتى جيت ؟
شهاب : أصلا ما طلعتشo.O
أني : بطل الكــذب دورتكـ ما لقيتكش
شهاب : كنت فـي دار الخزين 😒 و أنتي الكذابة
أني : مصحكـ
شهاب : اليوم عرسنا 😍 نبيكـ تلبسي كانه عرسكـ بجديات
أني : ههههه تبصر
شهاب : أي و اليوم حـ يكون بالنسبة ليا أن تزوجتكـ 💗
أني : ههع 😒 شهاب نبي نحكي معاكـ فـ موضوع مهم
شهاب : شــن نسمع
أني : شوفلــي لازم ما تكون متفهم
شهاب : أي أني متفهم ☺ أصلا
أني : الصراحة يعني قعدة نبي الطلاق :)
وفجــاءة شهاب ينفلق ضحكـ 😂 هههههههههههههـ باهي صدقتكـ
أني : ما نبصرش
شهاب : تــي نعرفكـ يا قلبي مستحيل تباعدي عليا و تحبيني 😂
أني : مش ضروري تضحكـ و أني قعدة نحب عامر 😒
شهاب : مبردكـ نوضي ديري قهوة
أني : شهاب ما نبصرش ره و على فكرة لــو ما طلقتني حـ نمشي لـي المحكمة و تم
شهاب : تتكلمي بجديات 😳 و الله فاطمة حبيبتي تتكلمي بجديات 😨 نكلم فيكـ ردي عليا
أني : أي نتكلم بجديات 😠
شهاب : فطوش شن تقولـي و الله الكف نبصر عليكـ مش بجديات 😨
أني : الموضوع مش فـ الكف أني ما نبيكش
شهاب : شن تقولــي مش أمس كنتي نحبكـ و نبيكـ و مش حـ نباعد عليكــ 😳 خيركـ
أني : شهاب هذا الى عندي
وناض شهاب يجري فتح الدولاب و طلع فستان العرس و جابة لـي عندي و قــالي الساعة 9 نلقاكـ لابسه وواتيه
أني : مش حـ تجبرني
شهاب : أني مش حـ نكثر الدوه يا  تلبسي و تستني و تلقي شهاب حبيبـك جنبكـ يا مش عارف الحق و طلع
أني : مصح وجها و خلاص 😡

و مشــي الوقت و جــت الساعة 7 و كــنت موتية خطة 😡 تخــلي شهاب يقعد طــول عمره يندب على معرفته بيــا ☺👊 بديت نوتي فــي روحــي و كله على البسيط و ما جــت الساعة 8 و نــص كنت واتية و نستنا فــيه 👸
و شــويا خــش شهاب :فااطمة
أني :ولا حرف
شهاب : هــا وتيتي ؟ و فـــتح الباب 😍
أني : 😔
شهاب : علاش الدموع حبـيبتي
أني : شهاب خلاص أطلقني ها ريتني هكي ولا و كيف نبي نتلفت
شهاب : أصبري شن هيا هكي خيركـ يا بنت
أني : شي 😭
شهاب : شدني من يدي و قعمزني على السرير و قعد يشوفلي متع أأمتى تبي تكملي
أني : نكرهكـ
شهاب : 😠 خيركـ
و قعد يحاول يقرب مني و أني نباعد فيه
شهاب : مش كنا مششاء الله علينا خيركـ شن قلبكـ
أني : مــعاش نحبكـ
شهاب : بس أني نحبكـ و نموت فيكـ و مش قادر نعيش بلاكـ
أني : طلقني تربح
شهاب : ما نقدرش فاطمة علاش ما تقدريش تفهمي ان ما نقدرش نعيش من غيركـ
أني : و أنت علاش ما تقدرش تفهم أن ما نقدرش نعيش من غير عامر
شهاب : و علاش عامر مش أني
أني : و علاش أنت مش عامر
شهاب : أني راجلكـ و أني نصيبكـ فـي الدنيا شن تبي أديري
أني : عليكـ نصيب يهبل 😒
شهاب : خلاص فاطمة
أني : 😭 😭 😭
و ناض نحى الجاكيت متاعه و رقد على السرير
أني : ما تبيش تاكل
شهاب : مش ضروري تقدري تنوضي تبدلي
أني :و نضت بدلت و لبست لبس النوم و رقدت جنبه
شهاب : أمس لـما قلتي أن تبي الزواج اليوم فرحت قلت البنت تبيني و تحبني و الله فرحت ما كنتش نندري أن تبي تغيري رايكـ و تصدميني تصدقي نحسابكـ نسيتيه عامر ااه  باهي شن غير رايكـ هكي شن هوا الى مش عاجبكـ فيا شن هوا الى مخليكـ تكوني بعيدة عليا اها ؟
أني : أني حـ نرقد تصبح على خير
شهاب : أما خير خليتي فيها خير أنتي و طلع من الدار
أني : طول نضت نجري سكرت الباب بالمفتاح و خديت الجاكيت متاعه و قعدت نفتش فـي جيوبها لقيت تليفونه  تــاكدت أن شهاب طلع من الحوش و أتصلت بـ عامر
عاامر : ألو
أني : الو عامر
عامر : فاطمة 😳
أني : أستاحشتكـ
عامر : شكلكـ متعاركة مع راااجلكــ
أني : خيركـ حبيبي
عامر : قريب 6 شهور توا حبيبكـ ؟ توا
أني : أني قعدة عند وعدي ليكـ مستحيل نتخلى عليكـ
عامر : ههههههههه لا شكلكـ بجديات متعاركة معاه
أني : قصدكـ صدقتني وقت قلتلكـ أن معاش نبيكـ
عامر : وين نندري عليكـ خليتيني نشرب شهر
أني : بجديات
عامر : و الله أنصدمت قصدي نستنا فيكـ و كله و تجي تصدميني
أني : خلاص حبيبي هذا رقم شهاب مش قادرة نتكلم أكثر من هكي خنباته خنبه
عامر : لو متصله على خاطر باش تقوليلي هذا أني قاعد نستنا فيكـ و قاعد عندي فيكـ أمل
أني : شوف شهاب مسكر راسه ما فيش طلاق
عامر : لا حول ولا قوة الا بالله و كيف الحل توا
أني : أني عندي خطة و مظمونة
عامر : ياساتر أستر شن
أني : لكن لازم تساعدني
عامر : عارف يعني أنتي محبوسه فـي الحوش كيف حـ تنفذي الخطة الخطيرة هاذي
أني : غير نتزوجكـ بس سنة بلا ماكلة على الكلام هذا
عامر : ااااااااااا خيركـ حبيبتي أني نبصر قولي  أني مستعد ندير أي شي باش تكوني جنبي
أني : متاكد ؟
عامر : متأكد
أني : أملا شد عندكـ ...................................................
عامر : أنتي شيطان رجيم 😳 ..................

#يتبع