#لـن_أتخلى_أبدا
#الحلقة_الثالثة_عشر
أني : و عليكم السلام دكتور تفضل مسحت وجهي و قمت راسي 😨 لقيت عامر وااااااااااكـ شن تبي
عامر : جيت نبي نشوفكـ قالتلي نور أنكـ أمس كله تعبانة و أتصل بيا صاحبي يخدم هني و شايفكـ قالي خيركم شن فـي جيت نجري
أني : عامر أنت توا مش خاطب و عندكـ بنت تحبها و تحبكـ علاش جااي
عامر : قصدي شن نبي ندير هوا الطلاق مش حـ يطلق
أني : باهي خلاص علاش جاي
عامر : نبي نشوفكـ شن حالكـ شن صايرلكـ
أني : عامر أطلع خير ما يشوفكـ شهاب
عامر : مش حـ نتحركـ و خليه يجي و نقوله هيا الى نادت عليا
أني : مريض هههههههههههـ أقعد
عامر : علاش المعاملة هيا
أني : خلاااص عامر أنساني 😡 عادي عدا الله ما حبيناش بعض كل واحد و نصيبه لكن مش معقولا تقعد تلحق فيا من مكان لـي مكان
عامر: أني خفت عليكـ
أني : عندي من يدير باله عليا 😒 و أطلع
عامر : طلع من غير نقاش
و قعدت نساوي فـي روحي و حاولت نشد نفسي و ما نبكيش ..
و بعد ربع ساعة خش شهاب
شهاب : السلام عليكم
أني : و عليكم السلام
شهاب : هي الدكتورة تجي تكشف عليكـ وكان حالكـ باهي تروحي
أني : حاضر
و قعد يشوفلي من غير تعابير بس يشوفلي حسيت جسمي برد تمنيت الموت ولا الشوفه هاذي
أني : شهاب عندكـ عمل صح ؟
شهاب : هوا الى يعرفكـ مزال يخدم لالا واخد أجازة
أني : وينها الدكتورة ؟ هيا
شهاب : باهي شن تخدم عليكـ بروحكـ
أني : باهي خيركـ تكشخ
شهاب : ما كشختش بلا حساسية
أني : به أسفة
و على خشت الدكتورة شافت الحرارة و بعد التحليل ما طلع قدرت نطلع
الدكتورة : سلامتكـ و أن شاء الله ما تشوفي شر
أني : سلمكـ
الدكتورة : و عاد أنت رد بالكـ عليهاا 😉
شهاب : ولا يهمكـ دكتورة 😉 وطلعت أني وياه من الحجرة
أني : نقدر نمشي بروحي حول أيدكـ
شهاب : خيركـ
أني : لا شي
شهاب :أسمعي نعامل فيكـ أحسن معاملة و أنتي تردي عليا هكي مش راي ره 😡
أني : تعامل فيا أحسن معاملة ما قلنا شي بس أنكـ تغمز للدكتورة الصراحة هاذي أبدااع
شهاب : الى يسمع يقول تغاري 😠 هي أركبي
و ركبت من غير نقاش و طول الطريق قعدت نشوفله
شهاب : خيركـ رايح منكـ شي فـي وجهي
أني : لا سلامتكـ خيركـ أنت رايح قريب تسب
شهاب : خيرني يعني شي
أني : باهي خلاص خير ما نتعاركو
ووصلنا لـي الحوش و طول بدلت و رقدت
شهاب : لا فطور لا هم يحزنون
أني : حي نسيت أسفة توا أنوض
شهاب : لالا أرتاحي شكرا كملي نوم
أني : أسفة دايخة
شهاب : خلاص أرقدي أصلا طالع و ما نسمع غير الباب تقربع
أني : واااااااكـ ناقصة أني يا ريتني ما تزوجت ما جبت لـي روحي غير المشاكل
و بعد مرور أسبوع جونــي خواتي
عائشة : أني مش عارفة كيف حوشكـ هادي هكي سعدودكـ أني ما نسمع غير صوت راوية تصيح 😒
رأوية : لما نحلس فيكـ بابا
عائشة : أسكتي نهاركـ كان تقولي كلمة نديرلكـ الفلفل فـي فمكـ
راوية : شبحتلها بعدين عصبت مشناكـ 😠
زينب : ما قعدت غير أني حتى الى تزوجت بعدي قريب تجيب
عائشة : ردي باااالكـ ردي بالكـ تجيبي بكري حـ تتريشي و تتشردي و الجو الرومنسي معاش فـي تلقي روحكـ غير تجري
أني : أنتي عندكـ واحدة و بنوته حلوة و عاقلة
عائشة : ديري زي ما يقولو عليكـ يا بنت
رأوية: :P ما فيش بابا قال ديلي شطانة
زينب : هههههههههـ سلمها دلوعة بوها
عائشة : اهو يا فاطمة كان شهاب ما خط عليكـ لما تجي البنت ما نتسمى عائشة
زينب : كان أنتي زي عائشة تشيبي الراس طبيعي حـ يخط عليكـ
عائشة : باهي شن نبي ندير لـي روحي هاذي أني و على شويا جتها رسالة من راجلها و طول أبتسمت
أني : اووووووه حسيته كلام أني هاتي ترا نشوف شن كتب
عائشة : أسرار
زينب : ههههههههههـ تي هاتي و جبدت منها و بدت تقرا و تنوض صار خط عليكـ وين يا كبدي شكله خط تحتكـ مش عليكـ مشااء الله
أني : شن مكتوووب ترا 😂 وبعد ما قريت
زينب : خلاص يا كبدي اليوم راوية تروح مع خويلة
راوية : تبو تمشو و تخلوني ولا نعلفكم 😒 بلو ملحو نقعد عند خويلة زينب و قعمزت فـي حجرها
عائشة : أقعدي و أخيرا يوم نرقد من غير ما ترفسيني
راوية : لا حول ولا قوة الا بالله نسكت خلاص أني ره و حطت يد على يد و دارت روحها حرجانة
أني : ههههههههههههـ بري هاوينا خالو شهاب برا و نضت أني وياها و طلعنا لـي الجنان
شهاب : أحم أهلا يا حلوة و مد يده
راوية : قعدت تشوفلي و متحشمة
شهاب : سلمي كان هذا بنتي مش حـ تسلم عليكـ و مش حـ تلعب معاكـ
راوية : لالا ها سلمت
شهاب : هههههههههـ سلمها شن أسمي
راوية : نقول
أني : أي قولي
راوية : أنت شهوب صح
أني : الله غالب الى يسمع أسمكـ شهاب يقولكـ شهوب
شهاب : أي مش عارف علاش و باسها على راسها و خشت تجري
أني : ريتها تهبل
شهاب : مشاء الله عليها
أني : ههههههـ هي تبي شي
شهاب : سلامتكـ
أني : و بطل من ها الدخاان 😠 و خشيت
عائشة : تعالي شوفي شن قالت
أني : هههههههـ شن قالت
زينب : جت تجري و شاده خدودها و قالت يهبل شهوب يهبببل
أني : هههههههـ و متحشمة منه و جو
راوية : حلو و غطت وجها
و قعدنا نضحكو و جونا حلو و الحق ما حاولت نقوللهم شي عارفة أحتمال يذبحوني
و مشو الايام و جـــي موعد الولادة و كنت مدايرة دخول من قبل الموعد بـ يوم و كان فـي الليل
شهاب : هههههههههـ خيركـ خايفة و قعد يقول بصوت واطي و يخوف غدوا غدواااااا
أني : علاش نبي نخاف من قال خايفة 😒 ها ها ها
شهاب : ههههههههـ تي أنتي قريب تبكي 😂
أني : شهااب خيركـ :'(
شهاب : حي عليها ناضت تبكي 😂 خلاص نبصر فطوم بلا جو أهو تعالي نحكيلكـ حاجة تخليكـ تضحكي
أني : شن هيا
شهاب : هيا يعني أحتمال تنصدمي مش تضحكي
أني : علاش قول
شهاب :........................................................................................
أني : تبصر هههههههههههههـ أنت جو من الاخير
شهاب : لا نحكي بجديات و الله ما نبصر :D
أني :شنننننننننننن 😨 شهاااااااب نادي على الدكتورة 😨 ............
بالامس كان فـي أحشائها قريب من نبضات قلبها
و اليوم أصبح فـي أحضانها ~~~~
#يتبع
أنت تقرأ
لن اتخلي ابدآ ( روايات ليبية )
Romanceزواج حصل من غير موافقة و لا رضاء و لكن بعد الزفاف بلحظات تكتشف شي غريب يغير مجري حياتها ؟ رواية من داخل المجتمع الليبي 🔥 للكاتبة : الاء
