#لن_أتخلى_أبدا
#الحلقة_الثانية
شهاب : خيركـ 😲 حبيبتي
أنـي : قــاللتك أستاحشتكـ وينكـ ولا تزوجت نسيتني 😒
شهاب : 😲 من هيا ؟
أني : حبيبتكـ 😡 ربي أحفظها لــي
شهاب :ههههههههـ أول شي تستاهلي لانه قريتي الرسالة و طبعا هذا أسمه تقصقيص 😂 تاني شي هاذي أمــي يا غبية واضحة يعني بالاسم و توا تعالي قوليلي من تحسابيها ؟
أنـي : وين نندري نحسابها صاحبتكـ ولا حبيبتكـ
شهاب : و الله هههههههـ متخافيش أنتي بس الى فـي حياتي
أني : أي أي الى يسمع يصدق
شهاب : أملا شدي هاك أفتحي التليفون و بري فتشيه برا نبي نبدل
اني : خلاص توا شن نفتش
شهاب : و الله لما تطلعي و تقعمزي تفتشي باش ترتاحي
أني : خلاص حبيبي واثقة فيكـ حتى أني نبصر عليكـ ره
شهاب : أني ما نبيش حدود بيني و بينكـ بري فتشيه أصلا ما فيشي رمز و مدلي التليفون و طلعت من الدار و هوا قعد يبدل
أني قعدت نشوفله و خلاص تحشمت نفتحه مع أن جايني فضول نفتح و نشوف شن فيه و على شويا طلع
أني : هاكـ و معاش أديرهم الحراكاات هاذي جو نهزبكـ بطريقة غير مباشرة
شهاب : و الله لا بس حسيتكـ شاكه قلت نلغي كل الشكوك الى فـي راسها بس اها نستنا فيك فـي السيارة
أني : وين يا بابا خلي نمشي نجيب الحافظة بـس
وفعلا مشيت طلعت الحافظة و طلعت أني وياه
و فـي السيارة ..
شهاب : وين سارحة التليفون من بكري يشرين
أني : اااااااه شن وينه ؟
شهاب : ههههههههههـ بالشويا عليكـ حبيبتي التليفون فـي الشنطة وين يبي يكون
أني : دايخة و الله ما نندري على شي و فتحت الشنطة و شفت المتصل لقيته عامر فصلت عليه
شهاب : ما تبيش تردي
أني : ما عنديش خلوق هاذم البنات
شهاب : هههههههـ تعرفي منظركـ خياااال
أني : شهاب ممكن شوية أسالة هكي
شهاب : أسالي من غير أذن حبيبتي
أني : أحكيلي على نفسكـ شوي يعني كيف كنت مداير مثلا علاقاتكـ بما أن كنت عايش برا و هكي نبي نعرف
شهاب : هههههههـ توا يحكولك عليا أماليا ما تخافيش من حين ما نقعمزو و هما يفضحو و بعدين أني ما عنديش علاقات مع حد حتى الصحاب درتهم و أني كبير
أني : بجديات 😲 كيف كنت عايش
شهاب : عادي على حيلي
و وصلنا لــي حوش أهله و نزلت طبعا هوا الى طق
هشام : منــو
شهاب : أفتح هههـ
هشام : شهاااب أوووه و فتح الباب و طول سلم عليه
شهاب : هذا هشام خوي الصغير ☺
هشام : أهلا كنتنا و يهرب عليه الضي الولد تخضر و تصفر 😲
أني : طبعا أني كنت عادي لين شفته 😳 خلاااص حسيتها الدنيا ظلمت و قعدت واقفة مصدومة
شهاب : هــي يا هو أنت وياها خيركم :/
هشام : اااااااا اي أهلا كنتنا كيف الحال
أني : اااا الحمد الله و أبتسمت أبتسامه خفيفة و خشيت
هشام : تفضل ولا تبينا نعزموكـ 😂
شهاب : ههههههـ لالا و خش طوول خييير
أني : وقفت فـي الممر قعدت نستنا فـي شهاب يخش معاي و ما شفت غير بنت تجري
شهاب : هههههـ بالشويا يا هبلة 😂 شن الجو
جود : أمسي حسبي الله و نعم الوتيل فيت ( الترجمة : أمشي حسبي الله و نعم الوكيل فيكـ )
شهاب : من باااهي هكي تقولــي على عمو شن درتلكـ أني 😘 اها قولي
جود : مس ليك اليها ( مش عليك عليها )
شهاب : من هيا هاذي و أشر عليا
جود : أي حبهاس
شهاب : علااش هاذي مرت عمو شهاب و حبيبته
جود : قعدت تشوفله و عيونها تعبو دموع :'( نزلت من غمره و مشت تجري لــي دار التقعميز
شهاب : هههههههـ وتي روحكـ
أني : ما درتلها شي هههههههـ خيرها هاذي
هشام : عاد ندفوكم دفان خشوو
و خشيت أني و شهاب مع بعض
(خلي نعرفكم على عيلة شهاب طبعا كبيرة هلبا مشاء الله 😘 أمه نوارة و بوه سالم
نجو لـي الولاد : خالد و هشام
خالد خوه الكبير عنده بنت وحدة اسمها جود عمرها 3 سنين و مرته أسمها هاجر 😍
و هشام خوه الصغير مش متزوج
و توا البنات : سندس و عفراء 👱
سندس أخته الكبيرة و متزوجة و مطلقة و عندها ولد أسمه أديب عمره حتى هوا 3 سنين بس جود أكبر منه بشهر
و عفراء كيف متزوجة وما سكرتش 7 شهور و هيا أخته الصغيرة )
أنت تقرأ
لن اتخلي ابدآ ( روايات ليبية )
Romanceزواج حصل من غير موافقة و لا رضاء و لكن بعد الزفاف بلحظات تكتشف شي غريب يغير مجري حياتها ؟ رواية من داخل المجتمع الليبي 🔥 للكاتبة : الاء
