#يومآ بعد يوم باللهجه العراقيه(مكتمله) احلام السعدي

.. البارت الاول..

يوما بعد يوم.

للكاتبه احلام السعدي.

ـــــــــــــــــــــــــــــــــــــــــــــ

مثل كل يوم جمعه... العصر..

نطلع للحديقه..ونكعد كلنه..واحد بصف واحد.والي شايل التلفون.نكوم نعيط عليه.

كلشي ولا هاليوم.احد يلزم التلفون..لان نحب هالاجواء.وخاصه من يجن خواتي المتزوجات.

كعدت اني بصف اختي المتزوجه.

ليله..دكوم..يكلبي.مو احترك الجاي هسه.

تأفأفت وكمت.يبووو.مايخلون الواحد كاعد.

صدك حلوه الاجواء العائليه..ومااحب افوت الجمعه ولا دقيقه..ولااحب اسوي اي شي..كل الي اريده اسمع...شيحجون...وبما انو اني الصغيره.دائما يبعدوني.

وحته من كبرت وعمري هسه ١٨ سنه..الاشياء الممنوعه ماتنحجي كدامي.اله يطلعوني.وضل انافخ...واكلهم كبرت تره.

عرفت اكو شي دايحجون بي.

بس جنت دائما اسمعهم.من يم الاستقبال.

الاستقبال  وره الحديقه.وااكدر اسمع كل كلمه يكولوها.

اني اضحك.

ليله.....عاد يمه شسويتي علي كتلج عليه..

ماما.....والله مااسويت شي.اخابر عمج اول شي..حته يحجي ويه ابوج.لازم يعرف هو.يله اكلها لنجوم.

علي.....يمه..مو بعدها صغيره.

ماما.....لا...كبرت عاد..صار لازم تتزوج..وبعدين مو همزين جالها عريس.اخواتك تزوجن بسرعه.لان ابوهن موجود..بس من تطلكت من ابوك..وهيه بقت يمي..فكافي خلي تزوج..ليش نكطع بنصيبها.

حسيت ثكل عالصدري.

وكلبي يدك سريع..يمه.شدايحجون..شنو عريس..ياربي.

علي.....والله ماادري بكيفج بعد.

فاطمه...مرت علي..عمه.بس مااعرفنه شيشتغل ميشتغل.وين عايش..يعني هو بس جانه.كلنه نطلب ايد بنتكم.وفوكوها وحده.

علي....لعد اني ليش دااحجي.شمدرينه هذا شنو..والله يمه..اني مانطي نجوم.اريد اول شي اعرف منين هذا.

ماما....اي اكيد..لازم نعرف.لعد منو كلك انطي نجوم لوين مجان.

ليله....يمه اني صالي شكد من كتلج.تره عيب الولد داينتضر.

ماما.....يمه والله داافكر لساني.يعني الولد اكبر منها ب١٠ سنوات...بس هم مريد اكطع بنصيبها.

ليله....بكيفج بعد.

شهد...اختي الثانيه..احجي ويه عمي.وكليله..حته هو يشوف.هذا الرجال شلونه.

ماما.....تنهدت.انشالله.

دخلت للمطبخ.وبلكوه امشي..منو الي جاييني عريس.وفوكوها وحده..واكبر مني ب١٠ سنوات.