#يومآ بعد يوم باللهجه العراقيه(مكتمله) احلام السعدي

البارت 23

يومآ بعد يوم....

للكاتبه احلام السعدي...

هذا البارت هديه الكم......بمناسبه العيد.....كل عام وانتو بخير....

😂😂 هو باجر انشالله العيد...بس مااكدر انتضر...نشرتلكميا اليوم

....استمتعو......

والي يكول شوكت انزل بعد...وره محرم...لان اني دااكمل بالقصه....وكملت بارتين فقط.....بسبب اصابه اخو نجوم بالكورنا...ادعوله بالشفاء.....

ونجوم حالتها صعبه هسه.....فانشالله راح اكملها للقصه كلها وره محرم.....

البارت.....6258

اريدكم تبدعون بهذا البارت بالتعاليق.....
ــــــــــــــــــــــــــــ

فتحتلها مجال تفوت....

واني عاقده حواجبي.....منو هايي...

......عوفآ بس منو انتي....

رسل.....اني مجرد صديقه لشبر.....جيت احضر السبعه مال عمار.....هم ابارك لعمار علزواجه....وهم ابارك لشبر عله زواجه...

باوعت عليها......الچلبه كلش حلوه....مااعرف يمكن المكياج الي مخليته....ماادري....
اني متآكده....هيه هاي الي حجت عليها ميرال...وكالتلي تحبه..ويحبها....ماادري....

فاتت...وسلمت عالكل...

وكعدت يم ام شبر...تضحك وتسولف وياها....

طلعت بهدوء.....وشويه عزلت الحوش....

احس بغيره تاكلني اكل.....

اول مره بعد زواجنه.....احس بغيره....

فتت لغرفتي.....بدلت.....لشي ثاني اكصر....وهوايه منعني شبر البسه.....لان كلش قصير....وحصر.....ويرادله بنطرون ينلبس ويا....

هو مايقبل البس بناطير ابد...

لبستهن ثنينهن......وسشورت شعري بسشواره....

ورفعته فوك.....ونزلت خصل من شعري.....

باوعت عالمرايه...كلش حلو....

بس بعدين ذبيت كلشي...ولبست فستاني القديم....

هذا هم حلو وبسيط كلش....

لبست حجابي......واني احجي.....امدايه....بسرعه تهزج مره....هيه كلها مكياج......

من كملت...خليت مكياج اطوخ.....

باوعت برضه عله نفسي....

وبتسمت....

توني دااطلع....فات شبر....

باوع عليه..من فوك.ليجوه......هلا هلا......شعدنه.....شنو هالمكياج هذا.....

......شكو يعني...تره سبعه....ولازم اخلي مكياج....

شبر.....وليش هالطوخ كله......وشنهل الحمره هاي.....طالعه وحده ساق.............

باوعت عليه بعصبيه......يعني اني ساق.........