🎌🎌🎌البارت الرابع والعشرون 🎌🎌🎌
⛅اللهم صل وسلم وبارك علي سيدنا محمد وعلي اله وصحبه وسلم تسليما كثيرا⛅
عوده للحاضر
شهد بحزن .سافرت وسالت علي جمال فضلت متمرمطه سنتين لحد موصلتله كنت جمعت فلوس كتير من شغلي ورحتله ولما عرف اني مبعوتاله من طرف صديق عمره ساعدني ووقف جنبي لحد ما انتو شايفين بقيت اكبر بيزنس وومان وشركاتي من اكبر الشركات في العالم صحيح كان فلوس الجمال مساعدته ليا هو وجمال بس انا كافحت وبنيت نفسي بنفسي
جمال .ذكائك وتصميمك هو الي خلاكي كدا مهما كنت ساعدتك بس انتي كنتي بتتعبي خمس سنين معاها لا كالت ولا ملت
طارق .طب والحادثه
شهد .زينه كانت بتكلمني دايما بس من غير حد ميعرف وكانت بتحكيلي عن كل حاجه وعن سعادتها وعن ميرا وازاي بقت احسن واكمل بيساعدها وبتسمع كلامه جدا بس انا كنت عارفه ان واحد زي اكمل مستحيل يتغير ويوم سفر زينه كانت اتخانقت هي واكمل بحجت انها مقلتلهوش انها مسافره دبي المهم هو عمل نفسه زعلان وسابها وميرا راحت معاه
زينه بوجع .كنت دايما لو قولت لحد فيهم حاجه وزعل كان التاني يروح وراه وانا من خيبتي كنت مفكراهم بيحبو بعض حب اخوي لكن لما يشاء القدر واسمعهم وهما بيتفقو علي موتي لكن ازاي معرفش لان سعتها اتكلمو بهمس رجعت مكاني كنت مصدومه ازاي اختي الي من لحمي ودمي تعمل كدا معايا ازاي حب عمري يبعني بالشكل دا وانا الي وثقت فيه وموثقتش في صحبتي الي طول عمرنا مع بعض جه وقالي انا موافق وهي تقولي اشكريني انا اقنعته عملت نفسي فرحانه كان نفسي اسافر بس علشان اشتكي لشهد واترمي في حضنها واقولها ازاي خدعوني وازاي بيفكرو في موتي مكنتش اعرف انهم مجهزين كل حاجه بالسرعه دي كنت مفكره انو بعد سفري لما ارجع وانا في الطياره الخاصه جيت افتح شنطة الاب توب لقيت قنبله وخلاص هتنفجر كلها عشر دقايق اتصلت بشهد وقولتلها فلاش باك
زينه بوجع ودموع .شهد هتوحشيني
شهد بقلق .مالك يازينه في اي
زينه .حطولي قنبله وهتنفجر كمان عشر دقايق
شهد بفزع وصراخ .مين دول يازينه نطي بسرعه من الطياره
زينه .خلاص ياشهد
شهد .اسالي الطيار انتو فين بالظبط وانا هجيلك
زينه ببكاء .معتش وقت خلاص
شهد .بصراخ جامد .يابنت نطي من الطياره ابوس ايدك اكيد عندك وسائل تساعدك البسيهم
زينه .وهي بتجري علي الطيار والمساعد بتاعه كانت بنت في قنبله في الطياره
الطيار بفزع احنا قدمنا جبال مش هينفع نهبط لزم ننزل ببرشط جهزو زينه
البنت .بصي نطي وابقي اضغطي علي الزر دا وهو هيشتغل يلا
زينه .طب وانتو
احنا هنلبس اهو
ثم سمعو صوت اقتراب الانفجار البنت زقت زينه والطياره انفجرت وللاسف كانت لسه مبعدتش والنار حصلتها وحرقت جزء كبير من ملابسها والبرشط بس من حسن حظها ان كان بينها وبين الارض امتار قليله والا كانت ماتت بس اثر علي العمود الفقري وبعض الكسور وكانت شهد بتبحث عنها بالطائرات وفي الاخر لقيتها واخدتها المستشفي كانت حالتها خطيره وعملة عمليات كتير ترجع فيها العظام المكسوره مكانها لكن العمود الفقري عملها شلل علشان كدا عملت العمليه هي وميرا والتشوه عالجوه بالعمليات وبعد مبدات زينه تفوق كان لزم انتقم من كل الي حصل لها
طارق وهو ينظر لزينه التي تبكي بحرقه.في اخت تعمل كدا في اختها تسوي اي الدنيا علشان نعمل في بعض كدا
حمزه .يااااه كل العذاب دا شلتيه لوحدك
زينه ببكاء وندم .انا السبب لو كنت سمعت كلامك مكنش حصل كل دا انا اسفه
شهد وهي تحتضنها متبكيش خلاص كفايه بقي حزن السنين الي فاتت دا كان قدر ومكتوب وبعدين لولي الي حصل مكنتش بقيت كدا دلوقت وحياتك عندي وحيات دموعك الغاليه دي لاندمهم ندم عمرهم وانتقم منهم اضعاف مضاعفه هم لسا مشفوش حاجه مني لسا التقيل جاي
طارق .خلاص كفايه ياحبيبتي وكلنا معاكي ياشهد والكلب الي اسمه اكمل دا حسابه تقل قوي
شهد .انتو هتحزنونا ليه خلونا نحتفل واجرات الطلاق وكل شي يخصك يازينه انا كلمت المحامي من اول موصلتي وخلاص كمان يومين كل حاجه هتم وتقدرو تتجوزو ونفرح بقي كفايه غم
حمزه .ممكن كلمتين علي انفراد لو سمحتي
شهد .وقد علمت ما يدور بزهنه .اكيد طبعا اتفضل
في غرفة المكتب
شهد .اتفضل ياحمزه
حمزه .شهد انا بحبك ونفسي تكوني من نصيبي بس مش عارف انا اي بالنسبه لك وبعد موضوع دكتور عز دا ولما كنتي بتجيبي سيرته كان بيبان عليكي حبك ليه
شهد باسف .انا فعلا بحبه ومحبتش ولا هحب حد بعده انا اسفه ياحمزه بس صدقني انا مش هقدر احبك انت انسان جميل قوي وتستاهل واحده تحبك وتبدلك حبك انما انا مش هينفع انا قلبي مش ملكي دا ملك شخص واحد بس
حمزه بابتسامه حزينه .طب ينفع تكوني اختي
شهد بفرح شديد.طبعا دا يكون يوم فرح بالنسبالي لما يكون لي اخ
حمزه وقد فرح لفرحها الظاهر بشده .خلاص اتفقنا يااجمل اخت بس ممكن اسالك سوال
شهد بس كدا اتفضل
حمزه .عز فين
شهد بابتسامه حزينه .اخر حاجه اعرفها عنه انه اتجوز بعد تلات سنين وانه كان بيكره الستات للاسف سببتله عقده فيهم
حمزه.طب وانتي
شهد.انا انا خلاص اخدت حظي من الدنيا مش عاوزه حاجه غير اني اعيش علي ذكراه انا لا يمكن احب حد غيره
حمزه باسف .ربنا يريحلك قلبك
شهد برجاء .يارب
تسريع للاحداث بعد اسبوع
بعد ان تم طلاق زينه من اكمل وابتدات تحضر لزفافها بعد مرور العده
شهد تذهب لاعملها وقد تم دمج شركتها مع شركة حمزه وطارق والجمال
اكمل وميرا يخططون كيف ينتقمون منهم
في حفل عائلي صغير كان طارق وحمزه زينه وشهد وجمال يضحكون ويلعبون الا ان جائت الخادمه بعصائر لهم
قدمت للرجال اولا ثم تبق كوبان لشهد وزينه
شهد .اتفضلي يازوز
زينه .ههههه اي زوز دي ان شاء الله
شهد .زوز احلي من زوزو احسك كدا رقاصه
زينه .هههههههه هبله
شهد .اكيد طبعا
شربت الاثنين كل من كاسها وذهبت الخادمه
علي الهاتف
اكمل .ها عملتي اي
الخادمه .اديتهم العصير
اكمل مين فيهم الي اخدت الكوبايه الي فيها السم
الخادمه بخوف .واللهي يابيه هم غيرو الكوبيات انا مش عارفه
اكمل .غبيه
ميرا .في اي
اكمل الغبيه مش عارفه مين الي اخدت الكاسه الي فيها السم
ميرا .عادي مش مشكله المهم ان واحده فيهم اخدتها قول للخدامه تمشي ومتبنش مهما حصل
اكمل .احبك وانتي شريره كدا
................استوب .........
ها ياتري مين فيهم ها تحبو استغنا عن مين اديني بخيركم اهو
سلام ياقلبي انتي وهي 😄😃😆😅😊😀😁😂
