🌺🌺البارت ال26 🌺🌺
🍃🍃لا اله الا انت سبحانك اني كنت من الظالمين🍃🍃
بعد ان ساعد الشباب ميرا علي الجلوس لمكانها مره اخري بكت كثيرا بندم واختها تبكي لاجلها وتحتضنها بشدة ظلت ميرا تعتذر لها كثيرا وهي تقول لها انها سامحتها
زينه وهي تمسح دموع اختها .خلاص مسمحاكي
ميرا ببكاء وندم .حتي بعد كل الي عملته فيكي ياريتني معملت الي عملته ياريت مكنت سمعت كلام اكمل مكنش دا كله حصل ولا كنت اذيتك واذيت شهد
زينه .انا الي بعدت عنك في الوقت الي احتجتيني فيه كان المفروض اخدك في حضني واعوضك عن امنا بس سبتك مفكرتش غير في نفسي وبس
ميرا .انتي مغلطيش انا الي شطاني صورلي اعمل الافعال دي كفايه عليا ان بابا مات غضبان عليا
شهد وهي تنزل عن الدرج .ومعها حقيبتها متخافيش هو مات وكان عارف انك هتتغيري وان وقتها كنتي طفله حبيت اقولك كدا بس علشان دي كانت امانه محملهالي ياريت تحبي اختك وتحبي نفسك قبل الكل وترجعي لربك يمكن يسامحك
زينه .شهد انتي رايحه فين
شهد بحزم .مسافره راجعه دبي ملوش لزوم افضل اكتر من كدا خلاص مهمتي خلصت
جمال خليك في بلدك كفايه عليك غربه هتفضل هنا تدير الشركات انا واثقه فيك
زينه بحزن .هتسبيني تاني ياشهد
شهد .المره دي مش لوحدك معاكي طارق واخيرا اختك انما انا مليش حد
زينه .انتي كمان اختي ياشهد
ميرا .شهد ارجوكي سامحيني
شهد .ارجوكي كفايه انا قولتلك سامحتك متنتظريش مني اكتر من كدا متنسيش ابويا الي مات بحسرته دا لوحده بالدنيا وما فيها
ميرا .لو حد هيمشي يبقي لزم انا لزم ادوق الي دوقتهولكم عندك حق انا مستهلش السماح انا عملت فيكم كتير قوي بس عاوزه اعمل حاجه وحيده قبل ما امشي
زينه .ميرا ل
ميرا .ارجوكي يازينه
وذهبت لشهد الواقفه والتي لا تنظر لها القت بنفسها امام قدمها وقبلتها وسط صدمتها وصدمة الجميع
شهد وهي تنحني سريعا .انتي بتعملي اي حرام عليكي بلاش تحسسيني بالذنب
وساعدتها واجلستها علي كرسيها
ميرا .انا زليتك كتير اوي وكنت بقولك ياخدامه وكنت بحط رجلي في وشك هي دي الحاجه الوحيده علشان اقولك ان انا وانتي واحد وان انا لو اقدر هبقي خدمتك
شهد بتاثر شديد.كفايه ارجوكي خلاص واللهي مسمحاكي كفايه الوضع الي انتي فيه والي انا سببه
ميرا بابتسامه .انا استحق كل الي انا فيه
شهد وقد رات الندم الشديد علي وجهها وعينيها التي لم تكف عن البكاء يكفي انها الان تجلس علي كرسي متحرك لا تقدر علي الحركه
شهد وهي تحتضنها .مسمحاكي من كل قلبي خلاص مش مسافره ولا انتي هتسبينا اتمني اكون نفذت وعدي لابوكم
انفرجت اساريرهم بالفرحه الشديده
🌺🌺🌺🌺🌺🌺🌺🌺🌺🌺🌺🌺🌺
بعد مرور شهرين كانت حالة ميرا تتحسن وسط مقاومتها وزينه وشهد الذين يساندوها ولا يتركونها لحظه واحده طارق وحمزه وجمال ينهون الاعمال ويذهبون للعشاء معهم ويمرحون معا وسط ضحكاتهم ميرا شعرت بالحب والسعاده بعد ان كانت في عالم الحقد والكراهيه ومن عالم لاخر من الظلمات الي النور اما بالنسبه لطارق وزينه فقد زاد حبهم لبعضهم كثيرا واما حمزه فقد احس بتغيير ميرا وبدات المشاعر تتحرك تجاهها وهي تشعر بهذا وهي ايضا احبته لكن كانت تحزن وتانب حالها لانه يستحق افضل منها
شهد كانت تعلم بما يدور بينهم فتكلمت مع ميرا اولا
🎀🎀🎀استغفر الله واتوب اليه🎀🎀🎀
شهد وهي بغرفة ميرا .بتحبيه
ميرا بارتباك .مين دا ياشوشو
شهد .هههه حلوه شوشو دي وبجديه بتكلم علي حمزه
ميرا .حمزه يستاهل واحده احسن مني ياشهد
شهد.وانتي مالك بقي ما انتي زي الفل اهو
ميرا .شهد انتي عارفه ان حمزه مسبقلهوش الجواز انما انا ليا ماضي وماضي اسود
شهد .المهم الحاضر وانك تحافظي عليه وعلي نفسك
ميرا .ياشهد مش هينفع
زينه .هو اي دا بقي الي مش هينفع ممكن اعرف
ميرا وهي تغمز لشهد بعنيها علشان متتكلمش
شهد بضحك .ابدا ياستي دا هي بتحب حمزه وحمزه بيحبها
زينه بفرح وهي بتنط علي السرير بجانب اختها بجد ياميرو ياحبيبتي بجد ياااه دا انا فرحت قوي
ميرا .منك لله ياشهد يابنتي متصدقيش كلامها دا كله كلام فاضي كدا ياام لسانين يافتانه
زينه بزعل مصتنع .كدا بتخبو عليا حبكم هو انا هحسدك ياجزمه
ميرا .شوفتي اديها مصدقت
شهد .يابنتي خلينا نفرح بقا
زينه .اه والنبي والنبي ياميرو
ميرا خلاص هو انتو شفتوه اتقدملي يعني
شهد .يعني لو اتقدملك توافقي ونعمل فرحك مع فرح زينه
ميرا بصدمه .دا بعد اسبوع
شهد واي ياعني لو ناقصك حاجه تجيلك من الصبح
زينه .كدا ملكيش حجه وافقي بقا
ميرا .ياجدعان هو كان اتقدم علشان اوافق
شهد ملكيش فيه وافقي انتي بس
ميرا وهي تجاريهم في حديثهم .موافقه سمعت صوت زغاريد من الخارج
ميرا اي دا
شهد .دا الاهبل جوزك المستقبلي بيزغرط
ميرا هو كان واقف وسامع اه يكلاب
ورمت عليهم المخدات وظلو يضحكون عليه
صلو علي الحبيب
ذهبت زينه وميرا برفقة شهد ليختارو فساتين زفافهم في قسم الفساتين وتركتهم شهد بعد ان اختارو فساتينهم وساعدتهم وبعدين راحت علشان تختار فستان ليها من قسم تاني
وهي تبحث عن فستانها وجدت من يمسك بقدمها نظرت للاسفل لتجد طفل يمسك بقدمها ويبكي
شهد.مالك ياحبيبي بتعيط ليه ثم حملته انت اسمك اي الاول
مالك .اسمي مالك
شهد .الله اسم حلو اوي فين ماما ياحبيبي
مالك .قالتلي خليك هنا وراحت مع عمو
شهد بستغراب .عمو طب هما فين واخذته وتبحث عن والدته ثم
مالك ماما هناك اهي
نظرت للمراه التي تخرج من المول اسرعت تركض اليها وتخرج سريعا ورائها وهي
شهد .يامدام استني يامدام
التفتت لها وهي تراها تحمل ابنها فاسرعت هي والشخص الذي معها ولكن كانت شهد تركض اليها سريعا ولكن ركبت السياره مع الرجل وتركت ابنها وذهبت كان الطفل يبكي بشده وهو يرا امه تتركه وترحل
شهد بحزن علي الصغير .بس ياحبيبي متعيطش حسبي الله ونعم الوكيل لما هما مش قد المسوليه بيخلفو ليه واخذته وعادت مره اخري لهم
زينه وهي تنظر لها .مين دا ياشهد
شهد .هقولك بعدين
زينه .انت اسمك اي ياقمر
مالك اجابها الطفل بحزن شديد
زينه بزعل .مالك ياقلبي مين يقدر يزعل ملاك زيك
ميرا يخلسي مين الحليوه دا
شهد.مالك اسمه مالك يلا بينا
ميرا بجديه .جبتي فستانك
شهد.لا خلاص مليش مزاج اجيبه النهارده بعدين
زينه .طب تعالي نختار ليكي خلاص مفيش وقت ونختار للقمر دا بدله
شهد بابتسامه للصغير .ها نختارلك بدله وبعدين اخدك افسحك وهما يتنيلو يروحو ايه رايك
مالك ببرائه وابتسامه .واشوف الفيل
شهد وهي تحتضنه يخرسي .نشوف الفيل والزرافه وكل الحيوانات ياقلبي بقولكم اي مع نفسكم انا خلاص لقيت سعادتي معاه وطفولتي هنروح انا وهو
ميرا .طب منيجو معاكم
شهد تيجو فين انتي ناسيه تجهيزات الفرح روحي العبي بعيد ياشاطره
زينه بجديه .شهد فين اهل الولد
شهد بنرفزه مقولتلك بعدين مش قدام الولد
ميرا وهي تهمس لها .اكيد ملهوش حد هي يعني هتخطفه
شهد .اختارو فستان ليا علي زوقكم وياريت تعملو فيا معروف وتختارو كل حاجه خاصه بيه وكمان شوية هدوم لمالك بما انكم فضيين وانا بصراحه مش فاضيه ورايا حاجات كتير ثم غمزة لمالك مش كدا يا كوكي
مالك .كدا يا
شهد .انا اسمي شهد
مالك .تمام ياشهدي
شهد وهي تحتضنه سلام
وتركتهم ورحلت
زينه .شكلنا كدا هنقضي اليوم هنا
ميرا .البس
...................
