الم العشق الأناني

-الحلقة 6-

صوت قوي في راسو ، صوت فران و تكسير و صاااح بكل قوتو ...
-هارون هارون اسم الله اسم الله شبيك يا ولدي ىباس فجعتني
-مامي أنا فين
-في بيتك ما تخافش نفس الحلمة
طلع راسو و هبطو بزربة يعني اي
-اللطف عليك اللطف ايجا نبننك اتوا ترقد
ضحك بخفة
-ياخي أنا صغير شتبنني
-انت صغروني ولدي العزيز ايجا عندي يا بابا اتوا ترقد في رمشة عين
و فعلا دوب ما حط راسو في حجرها رقد ...
الصباح ، فيقتو ريحت الماطلة البنينة و الشمس الدافئ توا ليه اكثر من 3 ايام ملي روح للدار دوش و غزر لروحو في المرايا رجعلو المشهد نفس البلار و نفس البلاصة أما في الحلمة كان مكسر فما حلين يا بدلوه يا يحلم و التكسير ما فماش منو جملة غزر لصدرو و عدا يدو عليه تفكر سبأ كيف مستو و كيف قلها عجبك قتلو لا ضحك شبيها ياخي عندها انفصام و ألا شنيا ليس و هبط شعرو مشبشب مشا يجري للكوجينة ريحة العصيدة غطس فيها يدو تلفتت جدتو فرحت و ضحكت من عينيها
-تحب العصيدة و ديما عندك الصنعة هذي ديما تغطس صبعك في الشقالة و ديما نبدى انصيح عليك
شبشب شعرو و ضحك حاجة جديدة عرفها على روحو فطر و قعد يستنا في بلال شيجي اهزو ، يحس في مشاعر صادقة لبلال احس روحو بلحق يعرفو و اكثر ملاخوة و زيد قاعد اعاون فيه بالطرف بالطرف شيتذكر تذكر حاجات قلال برشا كيفما شويا ذكرايات من الجامعة و بلاصتهم الي احبوها سبأ كيفكيف تعمل في جهدها أما الكورون ما يتعداش مابيناتهم لازم النبزة ورا اختها أما لا سبأ شادة صحيح  شترجعلو الذاكرة
هارون:- بلال ياخي شنيا حكاية الارث و ألا شنو
بلال هبط راسو و حكو كانو يحاول يجمع الكلام في فمو
-اممم .. تي ... حكاية تافهة
-اي احكيهالي سمعت جدتي في التاليفون البارح تحكي مع درا شكون تقولو الورث
دخل بعضو خايف لا يتغشش و حالتو اصعب اكثر
-انت....
-سلام 
هذي كانت سبأ دخلت تجري كيف ما العادة الضحكة المزيانة على وشها و شعرها الاكحل القصير يحضنلها في خدودها الصغار
غزرلها بلال فرحان كانو يقوللها ميرسي رتحتني
-هيا وينكم يا جماعة اااا شتحس في روحك اليوم سافا
هارون:- ديما اصيح أنت و نورمالمون انت الي تقلي أنا سافا و ألا لا
تافافت شويا و بعد دارت لبلال
-واااا باترون شعامل
نسيت ما قتلكمش الي بلال و سبأ ولاو صحاب
-هاو سي هارون يكسرلي في راسي عالصباح
ضحكو بلال و سبأ و هارون قعد اغزل عدات سبأ عليه و طبعا و هذا الكل و هو قاعد يغزر ببرود جبد بلال سبأ على جنب
-راو سئلني على أكا لحكاية اش باش نعملو
-تلفو تلفو موش باهيلو توا يتعبو هوا لازم يتفكر بشويا بشوايا أما أنا شاكة في حاجة و لازمني خيط صغير بركة و كل شيء ابان ...
-----------------------
زعمة شنو انجم أكون الخيط؟؟