الم العشق الأناني

-الحلقة 4-

ماشية بكل ثيقة هي حطت حاجة في مخها شتعملها شتعملها دخلت بالشويا تلقاهم يحكيو و يتبسمو غزرلها وجهو تقلب
-السلام عليكم
غزرتلها صلوحة و ضحكت
-علامة بنتي تفضل تفضل
دخلت و البسمة على فمها مع انها منبوزة ملي عملو أما لاا مالزمهاش تستسلم
-علاه جيت ؟
غزرتلو تنفست شويا و تكلمت
- خالتي صلوحة ميسالش تخلينا نعملو طلة على ...؟
-هارون يا بنتي هارون
-تو أنت تصلح فرملية و ما تعرش اسامي المرضة
3نبزة و مزالت تستحمل . همزتو صلوحة يعني اسكت
-باهي يا سي هارون ميسالش نشوف خدمتي .. وغزرت لصلوحة
-وانت يا خالتي برا اشرب حاجة و حرك ساقيك موش باهيلك القعاد برشا و فيسع فيسع نكملو
غزرتلها تستفسر فيها شفما ؟
-لا لا مفما شيء متخافش
خرجت صلوحة .. دارت سبأ لهارون قاستلو الدم تحت عينيه الي تراقب في كل حركة منها و بعد وقفت قاتلو
-ميسالش تنحي المريول
غزرلها شويا و بعد نحاه و ضهرو ال🤭🤭
(هوكا التصويرة الفوق انوا تفهمو⁦☝️⁩⁦☝️⁩) قعدت تغزرلهم فيهم برشا جروح مل اكسيدون أما لا مينجمش بكونو مجرحين لها الدرجة باين عليه تعنف قبل ما تصير الحادثة و الجروح على طول صدرو و ألا هو الي جرح روحو اما علاه مستهم مغير متشعر .. تبسم و طلع راسو وغزرلها
-ضاهر عجبوك
تكلمت بثيقة
-لا .. أما ضاهر فيك كنت مهتم بال Abs ,
-اي واحد ينجم يهتم بيهم
أي صحيح عندو الحق أما لا أكيد فما وراها حاجة أخرى و الجروح في وسط حيرتها تكلم
-اي يا طبيبتنا وقتاه شنخرج
نضرتلو نضراتها غش
-نتهناو عليك 3 ايام و تخرج
-احسن
-هيا في الامان
دورت وجها وماشية تفكرت جدتو مشاتلها
-يا خالتي صلوحة نجم نحكي معاك
-شفما لباس
-لا شيء أما عندي برشا سؤالات تنجم كان أنت تعاوني فيهم هيا تفضل معايا لبيرويا
مشاو للبيرو قعدو شويا و بعد تكلمت سبأ
-خالتي صلوحة قبل الحادثة ، كان فما مشكل في الخدمة
-يا بنيتي ما يحكيلي شيء في العادة أما ضهرلي عادي
-باهي جاكشي متبدل هكا شويا
-كيفاش يعني
-يعني كيف الي يبدا متقلق من حاجة
-اي
-و نجمشي نعرف علاه
-كان عزيزو الله يرحمو مخبي الورثة في بلاصة ما يعرفها كان هو و صاحبو قال ما يقلو عليها كان كيف يقبل يعرس ببنت صاحبو وهو ما باش
(اما الجروح الي في صدرو مانضنش راهي بسبب الورثة )
-باهي عندوش صحاب
-اي عندو صاحبو الروح بالروح مالصغرة بلال
-و شبيه ما جاش
- لا ما فيبالوش ما قلت لحد راو مانجمتش كيف سمعت ما عرفت تعمل شيء
-باهي نجمش نتصل بيه
-اي أي خوذ نمروه °°°°°°°
اما أنت شحاشتك عندو ؟؟
-يا خالتي بقدرة ربي شيرجع ولدك يتفكر
-عيش بنتي ربي افضلك
و خرجت فرحانة وسبأ طول مشات تجري تتصل ببلال
-الو عسلامة .....
--------------------------------------
وينكم لباس ماو .... عيشكم ماتخرجوش اقعدو في الدار و ردو بالكم على رواحكم و عايلتكم ربي يحفضنا الكل