الم العشق الأناني

-الحلقة9-

-باهي نقلك أما تقعد ما ببناتنا ما صدقت لربي نساها . الحكاية و ما فيها انو المرا اللي كان يحكي عليها هي المرا اللي حبها هارون كان يحبها و ما يرا حد كان هي ، كانت كل شيء في حياتو، قبل كنا 3 صحاب منتفارقوش كبرنا مع بعضنا الدار هاذي تشهد على ذكراياتنا حبو بعضهم على الاقل هو حبها أما حبهم ما طولش هارون و صبرين تفارقو قبل الحادث بجمعتين بعد ما لقات ما اغنى منو  طلعت تفركس على الفلوس موش على الحب هارون ادمر و ولا انسان اخر تصور وصل اهتري بيها في الليل ، مسكين الدنيا ضاقت بيه و هي كانها ذابت مالقينهاش و توا  ما صدقت نساها ونسا جرحو أما الي اخوف الي قاعد يتفكر فيها بالشوية بالشوية
-اي و هارون مالازموش يعرف عليها ؟
-لا من مصلحتو ما يعرش عليها جملة
- مايجيش ، لازمو يعرف راي حلقة من حلقات ينجم يرجع ذاكرتو بيها لذلك ما نجمش
-سبأ ما تنساش راك وعدتني باش ما تقولوش
قعدت تخمم شويا
-اي و كيف يعرف ما هوش شيسمحنا اصلا
- ماهوش شيعرف صدقني راو حلتو شتزيد تتعقد كان يعرف
-باهي موافقة،هاي تصبح على خير
-بونوي
طلعت للبيت و. هي مشوشة من ناحية حاسة كلام بلال صحيح و من ناحية أخرى هارون مسخفها حالتو و تحس انو لازمو يعرف عن ماضيه بتفاصيلو الكل الحصيلو لين رقدت و هي تخمم ... قامت سبأ ناشطة هبطت تجري تحضر في فطور الصباح و هي تغني و قالبة الدار هبطو بلال و هارون ، بلال اول ما راها مات بالضحك حالة حليلة فيها : وجها الكلو بالفرينة و يديها و شعرها
-اشنوا طحت فيها الفرينة
-ديزولي يا جماعة ما نعرش انطيب و يضهرلي هذي ثاني مرة ندخل فيها للكوجينة في حياتي
هارون:-اي و اخر مرة ايجا ايجا تعلم
و جبدها من يدها و كركرها حتى للكوجينة قعدها على الدكانة و بدا افهم فيها و هي مركزة على كل تفصيل فيه وجهو اديه كيف احركهم كل شيء فيه حست في لحضتها انو فما حاجة جبدتها ليه كانها مغناتيس
-اشبيك دخت ركز بالقدا
-ل،،،لا هاو مركزة والله
و حلت عينيها باديها اللي خلاه يضحك على تلقائيتها و كملو بعد حطو فطرو و بعد تكلم بلال
-ايا توا وقت الخدمة اليوم شنحصدو الي موجود في الظيعة الكلو
كل واحد شمر على اداياتو و بدا ، هارون في وسط كعبات السنابل جاتو شظايا ذكرى ليه و لبوه يزرعو فيهم و حكا معاه و قلو "خليك كيف السنابل ديما راسك الفوق و ديما متفوق علي معاك الكل " و ذكرى بعد الذكرى بعد الذكرى و الكلهم المتعلقة بالبلاصة رجعتلو ولا ادور على بلاصتو و يضحك كانو تخلق من جديد و اصيح
-ياربي الحمد لله ، يا ربي ليك الحمد فين كانو هاذوما الكل حمد لله
و مشا بشرهم و فرحو برشا و خاصة سبأ الي مغير ما تشعر عنقت هارون و بعد بعدت ووجها حمار بالحشمة و هارون تبسم و حك راسو ( كل ما تعجبو فازة يتبسم و يحك راسو 😉)
قررو شيروحو بعد سفرة طويلة وصلو سبأ لدارها و كل واحد مشا لدارو ..  تعدات ليامات اكاكا بلال و سبأ يعاونو في هارون شيتفكر ، وهارون و سبأ كل واحد يحس باحساس تجاه لاخر و لا حد معترف بيه و ديما مكذبينو ،هارون رجع يخدم