الم العشق الأناني

-الحلقة8-

بعد عرك و مرج و تفدليك صاح بلال
-وصلنااااااا
وقف الكرهبة ياخي سبأ هبطت تجري و ادور علبلاصة و تصيح
-يااااااااا امبو محلاها البلاصة تهااااااابل عجبتني
وتضحك بالقوي ، بلال يغزر و يضحك أما هارون حسها كانها عصفور حلولو القفص و بدا يدور و ازقزق أما كلعادة قص عليه بلال
-ااااا شقولك
-ااه ف...فاش(تربث)
-شنوا فاش في البلاصة تفكرتش منها شويا
دور هارون عينيه الي الكلها اسئلة : كان فما دار صغيرة و الكلها خشب في وسط فيرما كبيييييرة كلها خضار و شجار كبار و نهر محلاه ورا الدار يصب في البحر بجنبها .. يرا في طفل صغير يجري ورا بنية صغيرة و طفل يضحكو الزوز و جراو دخلو للدار و بدا ادغدغ فيها و هي تضحك و تصيح هاااارووون ههههه يزييييي هههه  وبعد جا راجل كبير يشبه لهارون برشا و حملهم و دغدغهم الثلاثا...تبسم و هو يرا في المشهد في مخو
-هارون شبيك دايخ فاش سرحت
-اا شيء شيء ايجا ندخلو تعبت
دخلو للدار و كالعادة سبأ ما تنجمش تتصرف كالناس دونك دخلت تجري و طالعة هابطة في الدروج و تضحك
-ياااااا دار شكون هذي
-هذي يا سيدي دار بو هارون ايجيو اصيفو هوني و بالطبيعة أنا بمعاهم🤭
-ديما ورايا انت كالحرز
-من غيرك ضايع يا حبي
-عيب بنتك تسمع
-بتة لما تبتك (بالمصري 😂) بنت شكون يا سي لعزا تي أصغر منكم ب 3 سنين كهو
سكتت شويا بعد كملت
-اما بوك عندو ضوق على محلاه تحس كانك عايش حلمة مزيانة و شو الورد في البالكون كيفاه عاملو
توري فيهم بصبعها و هي عينيها تلمع و تتكلم بكل جوارحها شخلا هارون يتبسم على جنب و بلال اتبع فيه كيفاه قاعد يتصرف ... طيبة الفطور و كلاو و ب مشاو اعومو وصلو للبحر دخل بلال يجري لداخل و قعد هارون يدخل بالشويا بالشويا كان سبأ قعدت واقفة البرا (نسيت شنقولكم انو سبأ عها فوبي ملبحر وتخاف تدخل وحدها كيف كانت صغيرة كانت تدخل كان معنكشة في بوها ولا امها 😂) قعدت تغزرلهم و بعد قربت بشويا بشويا كل موجة تمس صوابع سقيها كانها وحش شيبتلعها ما نجمتش خرجت تجري و قعدت على الرمل ... هذا الكل تحت عينين هارون ، حار شبيها خرجلها وصل بجنبها و تكلم بصوت حنين برشا ليلي ستغربت سبأ منو
-شبيك ما دخلتش معانا
هبطت سبأ راسها اللوطة ما حبتش تبينلو نقطة ضعفها
-ش،،شيء حبيت نقعد هوني خير
-هيا ايجا معايا متخافش
جبدها من يدها و دخلها الداخل و كل ما مستوى تع الماء يزيد كل ما تزيد تتعنكش فيه وصلو حداش الماء يوصل للرقبة سبأ ولات ترعش و تتلفت ايمين و ايسار
-اغزرلي ليا أنا اكهو ما تخافش هاك معايا سلم روحك
طلعت سبأ عينيها الخضر و قعدت تغزرلو ضاع فيهم و شعرها الي قاعد اقطر بدنها لاسق في بدنو علخر نفسها ماشي و يخف الزمن وقف بيناتهم لكن صورة جات في بالو نفس البوزيسيون و نفس الحركة و نفس البلاصة أما مع طفلة مش سبأ طفلة عينيها زرق و الكلها حب و مش نفس التبسيمة و شفايفها يتحركو  باسمو  .. غمض هارون عينيه فيسع و غطس تحت الماء و بعد طلع و شد راسو وجيعة كبيرة لين سبأ تحيرت
-هارون سافا شبيك لباس شنوا يوجع فيك ...و بدات تعيط لبلال ليلي جاء و خرجوه البرا
سبأ:-هارون شفما شنوا صار
بلال:- يا هارون عيش خويا تكلم شبيك ساكت والله فجعتنا
-منعرش تصويرة المرا ديما تتعاود في راسي ما نعرش شكون هيا
-كيفاه اوصوفهالي
-شعرها مارون و عينيها زرق و فمها صغير برشا منيش عارف شكوني راي حتى في نومي تجني ، تعرفها بلال ؟
-ل.. لا مانعرفهاش غ...غريبة شكوني زعمة
سبأ قعدت تغزر لبلال فهمها انها تستفر على سبب دخلانو بعضو .. رجعو للدار و تهنات سبأ الي هارون رتاح و قعدت معاه شويا و بعد هبطت تلقا بلال في الصالة
-بلال شفاما شنيا حكايتها المرا هاكي
-باهي نقلك أما تقعد ما ببناتنا ما صدقت لربي نساها . الحكاية و ما فيها ...