مسااء الورد،،شلونكم حبايبي اشكركم من القلب على خوفكم علية ودعواتكم التدل على محبتكم وخاي نعمة اشكر ربي عليهة،،اتمنالكم متابعة طيبة
البارت الخامس والعشرون
فيّد عبدالله
مهرة،،بقيت معتكفة بالغرفة وخالي يروح ويرجع علية خطية،،،لليل واجتي غصون طببهة خالي علية للغرفة
غصون،،مهرة حبيبتي شصاير هذاك اجة يرعد متخبل فلش الاستقبال علينة وكسر وغلط واخذة قائد وطلعوا وانتي منتهية شصاير مافهمت غير يعيط ليش مهرة وليش مهرة
مهرة،،ليش اني لو ليش هو،، ليش فرط بية بهالسرعة ليش خذلني هالكد
غصون،،لج خابرت امة تبچي وحجتلي ماصدگت كل هذا وين عنج شلون وكعتي هيج منو السواهة
مهرة،،وسناء
غصون،،اختة ليش
مهرة،،ليش مااعرف بس الاعرفة ومتأكدة منة هي ماكو غيرهة والله
غصون،،شلون
مهرة،،لان هي استعملت موبايلي ذيج الفترة......ورجعت عدت السالفة لغصون لعبت نفسي كدمااعيد هالتفاصيل الحقيرة
غصون،،مو منهة التدبير مهرة
مهرة،،من منو لعد باوعتلهة صافنة
غصون،،رشا نسيتي رشا اخت زوجهة لوسناء رادت تخلص منج رشا
مهرة،،صفنت بكلام غصون صح هاي الغاية الوحيدة التتحقق بهيج تهمة اطلع من حياة غيث وترجع هية،،همست خلي تاخذة اصلا طلعوا لايگين لبعض
غصون،،انطي فرصة اتفاهموا لاتنسين بينكم طفل
مهرة،،ابد الميريدني ربح مااريدة خسارة،،هاي مو اول مرة يطعني وميتفاهم وياية طلگني وانتضر ورقتي وانتضر من ربي يبين الحق ،،رفعت راسي للسما وحجيت بقهر ربي بحرگة گلبي وگلب ذاك الطفل البقوه بلا ام تنتنقم من كل من شوه سمعتي وحجة بعرضي وشرفي
غصون،،اويلي عليج متگليلي شبيهة حياتج
مهرة،،عوجة ومتعدل وياية ابد،،بقيت ابچي بحضن غصون،،شوية وكمزت صدري ينغزني انترس حليب،،شوفي غصون متأكدة يوسف جوعان من الصبح رضعتة واخذة مني المايخاف ربة
غصون،،اويلي ياعيوني انتي،،اوكفي اخابر ميساء كاميرة لان يمهة كالت ام غيث بس لاتطلعين صوت حبابة ابقي هادئة
مهرة،،اي فدوة اي
غصون،،اوكفي دايتصل
مهرة،،شوية ووصلني صوت ميساء ويوسف يبجي
غصون،،هلاو ميوسة هذا يويو الحلو شبيه
ميساء،،يبچي على امة حبيبي اووويلي عليهة والله مامصدگة الصار كلة احسة حلم ابنهة گطع گلبي
أنت تقرأ
اول الغيث مهرة
Romanceيقال ان اول الغيث قطرة،انا الغيث ولكن اولي مهرة وانا التي احلم بك كالمهرة الهاربة من صمت القطيع،فهل يلتقطني هواك ام على الدرب اضيع،وهل انا جائني الموت على شكل عشقك اقاومه،،لا استطيع
