صبااح الورد،،شلونكم ياحلوين مشتاقين للقصة اليووم حددث نااري بيهة شوفوني حماسكم،،متابعة طيبة
البارت الثامن والعشرون
فيّد عبدالله
مهرة،،طلعنة والسيارات ورانة اربعة ليگول موكب،،واني احس حلگي نااشف من الخوفة والهبطة وغيث كدما مشدودة اعصابة الستيرن حسيتة راح يطگ بايدة وهو يتنفس بغضب ويهمس وية روحة
غيث،،كلة مني ماجان لازم اعوفج وتمشين البراسج وين اكو مرة تنعاف وحدهة بهالوكت اني هم اثول واگول خطية مااضغط عليهة هاي تاليهة
مهرة،،كاافي الله ستر
غيث،،اي واني اظل حظك نصيبك ها هالمرة طلعوا سلامات ،،واذا انعادت ضامن اني تطلعون منهة،، لو فاتحين الباب وطابين ما ذبحوكم كلكم ربحي بعنادج لو يصيرلكم شي غير اتخبل
مهرة،،سكتت صدك اني من اتذكر كل جسمي يرجف،،هو سكت بس مفوول اعصاب نزلنة بالبيت واتلگتنة خالتي وحوراء ونوران الظاهر الكل مخبوص يبوسون بينة وبالجهال
ام غيث،،الله ستر الف الحمدلله والشكر ربي الف الحمدلله
مهرة،،طبينة للصالة وغيث ماطب بقة بالباب وية الولد
ام غيث،،خالة والله ماترهم بنية وحدج ببيت شكبرة كلشي يصير
مهرة،،خالة قابل اني بيدي هاي ربج هيج كاتب والحمدلله عدت سلامات وجان يطب غيث للصالة
غيث،، رجعة لذاك البيت ماكو بعد تضلين كاعدة هنا وتسترين علينة وكافي خبال
مهرة،،وكفت شايطة اعصاب،،لا بالله وليش اكعد هنا واعوف بيتي بصفتي شنو باقية ببيت ناس غربة شتگول العالم علية
ام غيث،،ليش غربة بنتي انتي ام ابنة وجنتي بيوم زوجة ابني
غيث،،وراح ترجع لذمتي وتضل هنا وكافي لعب
مهرة،،مو بكيفك تجبرني ولابكيفك تتحكم بحياتي مالك كل دخل بية انتة
غيث،،الي ونص وتشوفين شسوي
ام غيث،،كافي امي الدنيا ليل والجهال تعبانين باجر نحجي حوراء اخذي مهرة والجهال للغرفة وغيث روح يم مهدي خلي هالليلة تعدي
غيث،،هو بس هالليلة الصبح اجيب الشيخ والله
مهرة،،باوعتلة اريد انطق وجرتني حوراء
حوراء،،دتعالي نومي الجهال خطية تعبوا
مهرة،،طبيت للغرفة وانوم بالجهال وحوراء تباوعلي وتبتسم،،ههههه راح ينشگ حلكج شبيج
حوراء،،اضحك على مناگركم ديج ودجاجة واحد يموت عالثاني واثنينكم تكابرون
مهرة،،خلي يفيدة حبة بالنسبة الي احب جهالي وبس
أنت تقرأ
اول الغيث مهرة
Romanceيقال ان اول الغيث قطرة،انا الغيث ولكن اولي مهرة وانا التي احلم بك كالمهرة الهاربة من صمت القطيع،فهل يلتقطني هواك ام على الدرب اضيع،وهل انا جائني الموت على شكل عشقك اقاومه،،لا استطيع
