مساء الورد يا ورد شلونكم،،شخباركم مشتاقتلكم هووواي،،مستعدين اربطوا الاحزمة وانطلقوا،،متابعة طيبة
البارت التاسع عشر
فيد عبدالله
مهرة،،كمت وطلعت من الاستقبال دموعي تجري شجاك ياروحي انتة ادري الجاي تمر بي صعب بس ليش متقبل اوكف وياك مو انتة ما عفتني بموقف صعب مر علية ليش متقبل اوكف وياك هسة،،بيومهة ما طبيت بعد للاستقبال ثاني يوم الصبح كملت شغلي وسبحت اني وحمودي وطبيت يمة شوية
غيث،،حمود وينك ولك متجي تشوف عمو شصاير بي
مهرة،،تقدم حمودي باسة من خدة ويمسح بگصتة بابتسامة وغيث مبتسملة ومغمض اتقدمت بهدوء وبستة من خدة وهمست،،اشتاقيتلك بگد الدنيا، ،فتح عيونة باوعلي بلع ريك ورأسا دار وجهة وصاح
غيث،،مهدددي وينك
مهرة،،شتريد اني اسويلك
غيث،،عوفيني وطلعي مااريد اشوف. احد هالفترة لا تخليني اأذيج انتي ابتعدي وعوفيني
مهرة،،مااريد اعوفك اني مو زوجتك بس اني شريكة حياتك ولازم وياك عالمرة قبل الحلوة شلون تريد اعوفك بهالفترة الصعبة تعاني وحدك اني لو بيدي اشيل الوجع كلة بية ولااشوفك تتأذة هيج،،غمض عيونة يتنفس بقوة
غيث،،عوفيني وروحي
مهرة،،مستحيل اعوفك،،اتعصب واتحرك بالغلط يريد ينهض وجان يعيط
غيث،،ااااخ خرررب ،،مهدددي مهددددي وينك
مهرة،،نزلت دموعي واني اشوفة شلون متوجع حاول الزمة وعاط بية
غيث،،كافي عوفيييني وروحي رحمة لاهلج
مهدي،،ها خير غيث جنت ابدل
مهرة،،دخل مهدي وسندة واني وكفت بالباب اباوعلهة كوة يتنفس من الالم وجهة انطعن احمر، ،والله حتى بطني كامت توجعني من الخوفة اخذت حمودي وطلعت بعد ما هدء ومدد يرتاح وانطاه مهدي مسكن طلعت احضر بالغدة ودموعي تنزل حسيت صوت وراية
مهدي،،ميخالف اصبري عليه تعبانة نفسيتة كلش
مهرة،،مااريد منة شي غير اوگف وياه
مهدي،،ميخالف شيريد سويلهة هالفترة انتي الاصيلة ام عقل الجبير
مهرة،،هذا النفس اليصعد وينزل شلون مااصبر عليه
مهدي،،عفية عليج اخيتي
مهرة،،اصبلك تاكل قبل متروح للدوام
مهدي،،اي اذا صاير صبيلي شوية بسرعة اكلهن واروح
مهرة،،تتدلل،،صبيتلة ماعون اكل وراح للكلية،،وعدة هالليوم بدون مااشوفة لحد اخر الليل نومت حمودي ومتمددة يم حوراء واسمع هوسة،،طلعنة للصالة وجان غيث رجلة اذتة وطارق انخبص بي وهو اعصابة تدمرت واني بالباب اسمعة شلون يتأذة ويعقملة طارق بمكان البراغي وشكلة مغذي وابرة بالوريد ساعة ونص هو متأذي اخر شي تعب ومن العلاج نام نام الكل واني النوم جفا عيوني سمعت مهدي طلع للحمام البرة دخلت على كيفي للاستقبال شفتة شلون ذبلان من التعب ونايم بعمق والكانولة بايدة بست ايدة على كيف غطيتة البرد موزين عليه وبعدت الغطة عن مكان الكسر لا يسحب الغطا ويتوجع ما عولتة هدء ونام ،،باوعت مهدي واكف بالباب مبتسم اشرلي براسة بمعنى تمام وابتسم،،ابتسمت بتعب وطلعت من الاستقبال رحت مددت وفكري يمة ويم رشا الي جانت بايتة يم اهلهة صدك والله ينطيهة گلبهة تتركة بهالشدة لعد وين حبهة وغيرتهة عليه اليغار غير يحب اشو مشفت هالحب عندهة،،،مرت كم يوم ادخل اشوفة من ينام اتطمن عليه واطلع ما شوفتة روحي وهو كاعد ابد اداري من بعيد لبعيد حليب كل شوية لو عصير مي لحم اطبخلة على صفحة يومية حتى يتقوة بي كل شوية دازتلة بيد مهدي شغلة بس اني المحة من بعيد وهاي تكفيني،، بيتي صرت نادر مااروحلة الا اذااحتاج شي لان نوران متلحك وحدهة خطية وحوراء بالدوام والبنات هم بيوتهن اما رشا فهاي صدمتي الجبيرة بيوم جنت صاعدة انشر ملابس فوك لان برة خطار والترك مابي،شمس قوية فصعدت المنشر فوك وكوة رضت خالتي تخاف علية وحوراء تصعد السلة وياية بيومهة العصر غسلت تراك لغيث لان ثخين يدفي حتى لا يبرد ويتوجع وصعدت على كيفي انشرة فوك هستوني كملت الدرج وصلت يم باب غرفة رشا وصعدت حوراء
أنت تقرأ
اول الغيث مهرة
Romanceيقال ان اول الغيث قطرة،انا الغيث ولكن اولي مهرة وانا التي احلم بك كالمهرة الهاربة من صمت القطيع،فهل يلتقطني هواك ام على الدرب اضيع،وهل انا جائني الموت على شكل عشقك اقاومه،،لا استطيع
