الفصل الواحد والعشرين
وقفنا البارت إللى فات محمد قال ان يوجد حادثه ومواصفات البنت إللى ماتت نفس مواصفات شروق
محمد :: مواصفات البنت نفس مواصفات المدام شروق ....لقوا جثه البنت وعايزين حد منكم يتعرف عليها يا ياسين
الجميع اتصدم وقال ياسين....
ياسين بصدمه :: مستحيييييل مستحيل تكون شروق....شروق مش ممكن تسيبنى
يوسف :: اهدى يا ياسين ان شاء الله مش هتبقى المدام شروق هما بس شاكين بس لازم تيجى عشان تشوف الجثه
وفى أثناء حديثهم خرجت شيماء إلى الحديقه واتصلت على شروق لكن للاسف هاتفها خارج نطاق الخدمه.......قلقت كثيرا وبعد ذلك دخلت حتى لا يلاحظ احد .........ارتدى ياسين ملابسه و ذهب مع يوسف و محمد وذهب معهم آدم و انس..........
وصلوا إلى موقع الحادث وقال الظابط لياسين يجب عليه التعرف على الجثه ذهب ياسين تجاهها وكان قلق كثيرا وقلبه يدق بشده وقبل أن يزيح الغطاء من على وجهها الهواء ازاحه وانصدم كثيررررراااااا.......
ياسين بصدمه :: مش معقول....مستحيل...
انس :: مين دى يا ياسين
ياسين :: دى منى بنت عمى...بس مين إللى معاها دا وكانت راكبه معاه العربيه وراحه فين ....بعد أن انهى كلامه سمع صوت عالى خلفه و ادار ظهره وجد عمه وابن عمه......فذهب لعنده......
ياسين :: عمى سمير اهدى ارجوك .....الله يرحمها هى فى مكان احسن دلوقت
سمير ببكاء :: هى مسمعتش كلامى مسمعتش...انا مكنتش موافق على الولد دا بس هى مصممه عليه...ليه كدا يا منى يا بنتى ليه ضيعتى نفسك وضيعتينا وراكى يا بنتى
كريم بجمود :: هى غلطت يا بابا و سابتنا ومشيت مع الحيوان دا .....
ياسين بعصبيه :: انت ايه يا اخى معندكش دم ولا احساس دى اختك مهما كانت ومهما عملت هتفضل اختك وكمان دلوقت ميته يعنى نذكرها بالحسنى و ندعى ليها ان ربنا يغفر ليها لكن هتقعد تتكلم كدا عنها تمشى ومنشوفش وشك هنا فاااااهم.....يلا يا عمى قوم يلا تعال
اخذوا جثه منى وذهبوا وتمت مراسم الدفن والعزاء ومرت العديد من الأيام على وفاه منى .....كان ياسين جالس فى الحديقه يتذكر شروق ويتذكر يوم عيد ميلادها وكم كانت جميله وفرحانه.....وجد من يضع يده على كتفه
ياسين :: محمد تعال اقعد اتفضل
محمد :: اخبارك ايه ..... وحشتنا يا عم
ياسين :: مش عارف اشتغل من غيرها يا محمد مش عارف اركز فى اى حاجه من غيرها كل ما اروح فى مكان بشوفها فيه ....بحبها اوى يا محمد
محمد :: اخيرا يا اخى اعترفت انك بتحبها وعلفكره انت بتحبها من زمان بس كنت بتكابر....وان شاء الله هترجع خلى عندك امل و ثقه فى ربنا ...عايزك فى موضوع لو فايق
أنت تقرأ
لحن الغرام
Mystery / Thrillerالقلب يحب مره ميحبش مرتين كما قالت الست ام كلثوم عندما راتك العين اقسمت أن لا تعشق سواك وهل للحب معني عندما لا تكون انت محبوبي اعشقك يا من رأيتك ونظرت اليك ولحنت اوتار قلبي في غرامك كثيرا وتراقصت نبضاته يا كل نبضه في كل قلبي بصوت عالي يا محلاه تقو...
