هلو بنات القصة كولش حلوة اتمنى تابعون للاخير قراءة ممتعة
للكاتبة // طيبة
.................................................
هلو اني اسمي سحر عمري 17 سنة اما على شكلي ليشوفني يكول كلش حلوه واني الصراحة حلوة مو غرور اني ما حب المدرسة فبطلت هاي السنة واصلا احنة ما عدنة بنية تكمل وتدخل كلية من هيج بطلت بدون ما ادوخ راسي عائلتي متكونة من بابا وماما واخوية الجبير ياسر عمرة 28 سنة خريج كلية قانون وعامر عمرة 26سنة خريج كلية الهندسة واختي سمر عمرهة 25 سنة وفجر عمرهة 22 سنة اني طبعي ما احب احد يأمرني بشي او يجبرني على شي هذا الشي الوحيد الي اكرهة ابد ماحب احد يأمرني اذا طلب شي بحترام عادي بس اذا حجة بصيغة امر لا بابا كلش حباب بس عصبي كلش ماما فقيرة ابد ماتحجي على احد ياسر طبعة مثل طبع بابا اما عامر لا يختلف يحشش ويضحك واذا سوينة شي غلط مايسكت الا تنطي فلوس يعني رشوة ههههه اما خواتي سمر حبابة بس فجر دائما نختلف اني وياهة ومرات نتعارك بس مانطول تجي سمر وتصالحنة اني من اهل الناصرية بس احنة عايشين بغداد لان بابا تطلب شغلة انو يجي البغداد وياسر طلعت الكلية كالتة هم بغداد فقرربابا انو نجي كولنة بغداد بس بابا كال من اتقاعد نرجع للناصرية اني وخواتي صارلنة هواي ما رايحين للناصريةلا عامر جانت عندة امتحانات بوكت الي روح بابا وماما تبقة يمة واني وخواتي هماتين نبقة يمهة وبعدين اجتي امتحاناتي ومدرستي وما كدرت ولا مرة اروح وان هم ما اقصر جنت اتحجج حتى ما اروح بس هل مرة بابا كال لازم ترحن وياي للناصرية اني ما كلت لا لان ردت اشوف بنات عمي صارلي هواي ما شايفتهن وهاي اني عائلتي
ام ياسر : سحر ماما يالله كومي
سحر: اي هسه
ام ياسر: يالله يا امي صارلج ساعة من كلتي اي هسه
سحر : اوف ماما شنو ماعدكم الواحد ينام بهالبيت
ام ياسر: دكومي ماما كومي صارت الساعة بالعشرة وانتي بعدج نايمة
كومي هسة يجي ابوج
سحر: كايمة كايمة
ام ياسر : يالله حبيبتي راح احضرلج ريوك مو تتأخرين
سحر: ماشي ما اتأخر
سحر:راحت ماما كمت ضفرت شعري ورحت للحمام غسلت وتوضيت
وصليت ونزلت
سحر: راحت للمطبخ صباح الخير
فجر ،ام سحر : صباح النور
سحر:ها فوفة تريكتي
فجر :اي عيني لعد انتضرج
سحر : لا عيني تنتضريني بالعافية
فجر : يالله تعالي تريكي
سحر: يالله جاية
كملت ريوك وغسلت الماعين ورحت بالكلدور العب بالتلفون
فجر :سحر مدام كملتي شغلج
سحر: لا والله هسة كملت ريوك بس خلي يدخل للمعدة
فجر : اي يدخل للمعدة دكومي كومي راح يجي بابا وانتي شغلج ممكملتة
سحر: اي شكد تنگين كايمة بس مو عالمودج لان بابا جاي اوكي
فجر : عابت واذا كمتي عالمودي مينقص من طولج
سحر:لا حبيبتي ينقص
سمر :ها ها شبيجن صوتجن عالي
فجر :تعاي شوفي المدام تگول حشتغل لان بابا حيجي مو عالمودج
وكلتلهة ماينقص من طولج اذا كمتي عالمودي
سمر:صدوك هذا الحجي سحر
سحر: اي صح وانتي تعرفيني ما احب الحجي بصيغة الامر
سمر : اي بس هذا مو معنى تتعاركن عالمودة صح
سحر' فجر:اي صح
سمر: لعد يالله تصالحن
فجر : اعتذر اني اسفة
سحر: عادي ما صار شي
فجر: لا والله وكأنما هي الغلطانة حتى اعتذر ما تكول
سحر: حبيبتي اني ما احب اعتذر من احد اوكي
سمر:سوسو حبيبتي انتي هم اعتذري ميصير تبقن مزاعلات يالله حبيبتي اعتذري منهة
سحر: lm sorry
فجر : باع الحقيرة ما تعتذر بالعربي
سحر: والله هذا العندي
سمر: حبيبتي فجر المهم اعتذرت
سحر: فديتج سمور بس انتي الي تفهميني
سمر: يالله حبيباتي كل وحدة على شغلهة
سحر: بس والله ما بية حيل اشتغل
سمر: امممم ها خلي نسوي مسابقة اوك
فجر: مسابقة شنو
سحر: باع هاي ام المسابقة
سمر: عابت هاي شبيجن مسابقة الي تخلص شغلهة اول شي الخسرانات
يشترلهة
سحر: اي عيني بس احنة كل يوم نشتري
سمر: اي شبيج راح يضاعف مصروفج يالغبية
فجر: اني موافقه
سمر : وانتي
سحر: اممم افكر
سمر: باع هاي تفكر الي يسمعج يكول مدري شتفكر هو اذا فزتي تاخذين
المصروف الج وحدج
سحر: ها اذا هيج اني موافقه
سمر:عابت، يالله من هسة لحد الساعة 12:00
سحر: عااا شلحك
فجر : معلينة احنة كدامج ساعة وربع وترة احنة هم مثلج
سمر: يالله كل وحة على شغلهة
سحر : اني علية الكراج والكلدور والاستقبال
سمر : اني علية الغرف الجوة والصحيات
فجر : اني علية الفرف الفوك والمطبخ
