رايحة جاية في البيت......تخزر للساعة...تستنى بالدقيقة والدرج وقتاه توصل 9 تاع ليل....بعد ما وصلها خبر انو جدها عندو اجتماع....لبست سيرفات نواغ دارت الكابيش على راسها باه مايعقلها حد....ركبت في موطوها وقلعت لدار جدها...وقفت بعيدة تستنى فيه يخرج...والعصب يهز فاها ويحط....لمحاتو خارج وركب في تاكسيتو....قلعت وراه بالشوية تبع فيه من غير ما يشلق بيها....وصلت للغابة لي فيها المخزن تاعو...ركنت موطوها وهبطت تمشي على رجليها من دون حس....تخبات ورا شجرة كبيرة قريبة من تاقة تطل على بيرو جدها....دخل ديراكت وترأس طاولة الاجتماع....رجال محاوطين الطاولة لابسين كوستيمات رسمية بالاكحل وحاطين نواضر....حطت وذنها على الطاقة وقعدت تسمع
سي محمد:عندنا مهمة جديدة....راح نلعبو شويا مع جماعة الاسد
الراجل1:يعني حكاية تاع سلعة?
سي محمد:يا عيني عليك كي تفهم...راح يقدملنا السلعة ناقصة واكيد نحنا لي راح نخلوها تكون ناقصة
الراجل2:اما سي محمد اكيد راح يشلقو بينا
سي محمد:ههه مستحيل....راح نخلو واحد من رجالنا يخليها تكون ناقصة....وراح نتهمو واحد من رجالهم
الراجل3:اما بوس احنا اش راح نربحو
سي محمد:راح نربحو الملاحة مع جماعتهم وخصوصا مع جلال....وفوق من هذا راح نقبضو السلعة والصوارد بزيادة في فرد وقت(وغمزهم ابتسمولو كامل عملولو بريوسهم ايه وخرجو).....وقفت حايرة ملي تسمع فيه....لهذه الدرجة وصلت بيه....اما موش جماعتنا لي يديرولها الفخاخ....يلزم نقابل بابا جلال توا....هزيت تيليفونو وعيطت لجمال وقتلو يعلم بابا جلال الي انا جاية....علقت عليه...زربت ركبت في موطويا وقلعت لدار بابا جلال....مسافة الطريق ووصلت...ركنت موطوها نحات الكاسك..وقعدت تخزر في الدار...او بالأحرى القصر لي قدامها....الرجال محاوطينو في كل بلاصة....الخدامة طالعين هابطين....كرهبة كحلة رولز رويس متوسطة الجنينة ونافورة كبيرة معبية بالضواو والماء يشرشر منها ....ترسمت على وجهها ابتسامة عريضة....عينيها لمعت قوة....لولا بابا جلال لما قدرت تأسس المنظمة تاعها....هوا لي أمنلها السلاح والرجال....علاقة قوية تربطهم ببعضهم كأب وبنتو....هيا تشوف فيه بوها لي ضاع منها...وهوا يشوف فيها بنتو لي مجابتهالوش الدنيا....خذات نفس وطلعت لبيروه...دقدقت الباب ودخلت...لقاتو قاعد فوق كرسيه.....حاطط رجل فوق رجل ويخزر من البلار....حاطط سيقارو في فمو وعاقد حواجبو...اما فيسع ما تبدلت نظرتو الجدية لنظرة تلمع فرحة وقت حمحمت...دارلها سلم عليها...قعدت مقابلتو جات راح تتكلم قصت عليها...الخدامة وقت دخلت بسنيوة فيها القهوة حطتهالهم فوق الطاولة وخرجت
بابا جلال:تفضل احكي...هاني نسمع فيك
نارين:بابا جلال تعرف جماعة تايقر
YOU ARE READING
كرونيك بعنوان:💞" لحن_الانتقام"💞
Actionطييييط🔊🔊 سلام لبنات😊 ديرو الصف وحدة ورا وحدة نصحقكم كامل هنا😍اليوم رجعت واكيد مرجعتش يديا فارغين رجعت بكرونيك نار نار نار💥🔥🔥 تحت عنوان #لحن الانتقام باللهجة الجزائرية ودخلت فيها شوية التونسية ابطالها:نارين وغسان💎......نضمنلكم انها راح تعجبكم...
