كرونيك بعنوان:💞" لحن_الانتقام"💞

بارت6

نحل في عيني بالسيف.....جسمي يوجع فيا....و كل عضمة تقول لاختها بعدي عليا.....وكأنو ديت طريحة....حطيت يدي على رقبتي نحاول نحرك فيها بالشوي....جيت حنقوم اما منجمتش....نفضت الغبار من على لبستي....دورت عيني على البلاصة الكل....ارتعبت من المنظر لي نشوف فيه....بلاصة ظلمة...بيت خاوية فيها كرسي فقط...طاقة بالباروداج....وكأنو حبس....البيت باردة برشا....نحاول نتذكر واش صرا اخر مرة...اي كنت نسوق...وتوقفت قدامي كرهبة كبيرة كحلة خرجو منها 2 رجال جهامتهم تخوف ربطولي عيني وهزوني معاهم...حاولت نفك روحي...فارعتهم برشا....اما واحد فيهم ضربني بشيئ على راسي وفقدت الوعي....هذا كلشي نتذكرو قبل ما نحل عيني ونلقى روحي في هذي البلاصة.....تلبدت في بلاصتي وقت تحل الباب او بالاحرى تكسر الباب...ودخل راجل...رمالي طبق فيه الماكلة....تقدملي وعطيتهولي....خزرت فيه خزرة تاع موت....وضربت الطبق بايدي جبتو مصبوب على القاعة...وقتها عروقو بانت....ضربني بكف خلاني نحط يدي على وجهي....وتلطخت في القاعة...حسيت وجهي دار....اما فيسع ما لمحت موس صغير وقدامو فرشيطة...وبحركة خفيفة رحت باه نهزوز....أما ويا فرحة ما تمت لحق عليا...وحط رجلو على ايدي....عفسني بكل قوتو....مهموش صياحي...وكل ما نزيد نعيط يركز رجلو اكثر عليها....مدة قصيرة وبعد عليا دفل عليا وخرج....عيطت بكل قوتي...نضت نضرب في الباب ونصيح باه يخرجوني اما الظاهر انو نعيط وحدي.....بعد ما يأست من الصياح...رجت نحاول نحل الطاقة...اما لا جدوى مسكرة بالقدا....ترميت على القاعة نبكي بكل قوتي....اش يحبو مني علاه جابوني هوني علاااه اكيد بابا راو يحوس عليا تو اكيد مشو راح يخليني معاهم....تلطخ الباب مرة اخرى ودخل نفس الراجل....وقلي  تبعيني...اما انا محبيتش خفت منو....لصقت في الحيط و درتلو براسي لا....قدم مني وجبد مسدسو لي محاوط خصرو وحطهولي في رقبتي وقعد يمشي فيا....ومع كل خطوة نخطيها نحس قلبي راح يحبس في بلاصتو....قعدت يمشي فيا لين خرجنا من الزنزانة لي كنت فيها.....وتوا تأكدت انو انا في سجن....داني لبيرو دخلني وخرج....قعدت واقفة نستنى في لي قاعد في البيرو يدورلي ظاهر فيه كوميسار كبير.....دارلي وخزرلي من الفوق للتحت وأشارلي بيدو باه نقعد...قعدت وركابيا يرعشو....خبط يدو على الطاولة وهدر...نبرة صوتو خلتني نتلبد في بلاصتي

مرحبا بيك مدام ميرال شرفتينا....دون مقدمات.....نعلمك انك انتي ارتكبتي غلطة كبيرة برشا ويحاسب عليها القانون ونظن تعرفي هاد الشيئ باسكو باباك عضو رسمي في الانتربول...مي انا راح نسامحك اما بشرط:****

ميرال:ولي هوا

الكوميسار:راح تسديلي خدمة....راح تكوني عميلة سرية لينا...و سكريتارة شخصية لسي غسان الكوفي

ميرال:شنوا انا بنت سي ليث وما اندراك نخدم سكريتارة وزيد عند غسان نو اسمحلي طلبك مرفوض

الكوميسار:قحرلي قحرة ترعب وتكلم:مانيش نسأل فيك ادا تقبلي هاد الشيئ والا لا راني نأمر فيك وزيد ادا ما تقبليش وجدي روحك ل 10 سنين حبس فهمتي وكوني هانية باباك ميقدرش يخرجك بغرامة مالية فهمتي لانو هوا الاول قادر يتحبس معاك

ميرال:(رعشة سرات في بدني و قلبي خض بالقاوي في وسط صدري ركابيا فشلو يلزم نقبل والا راح نودي بحياتي وحياة بابا)موافقة

ابتسم من الشق للشق ومد ايدو يصافح فيا....ابتسمتلو من فوق قلبي اصلا كون نلقى الموت نرماها عليه اما منجم نعمل شيئ...اولا حياتي وحياة بابا ما بين ايديه...و زيد راني في مركز شرطة يعني ندير اي حاجة ترجع ضدي

الكوميسار:تفاهمنا مالا...روحي توا ارجعي للدار بدلي قشك وارتاحي غدوة عندك نهار بزاف مهم

ميرال:اما مفهمتنيش شنوا راح نعمل بالضبط

الكوميسار:كلشي في وقتو حلو....وزيد نظن راكي تاعبة غدوة نفهمك بالتفاصيل....هز دوسياتو وكرتابتو وخرج...خذيت نفس وخرجت وراه...صحيح خرجت منها المشكلة كي الشعرة من العجين...أما ما نعرف شنوا يستنا فيا.....روحت للدار عملت دوش بدلت فشي و  ترميت فوق الفرش منحب نخمم في شيئ وزيد بدني مدقدق من الرقاد على الارض لبارح....طفيت تاليفوني علابالي راح يحرقو بابا بليزابيل.....حطيت المخدة على راسي ورقدت

من جهة اخرى عند الكوميسار او سي هارون...رئيس قسم المباحث....همو الوحيد انو يقبض على جلال العياشي....لي ضاعت منو 20 سنة وهوا يحاول يلقى الأدلة باه يدينو...أما جلال راجل ذكي برشا...ما يعمل خطوة الا ما يقرالها الف حساب في حساب...جامي خلا وراه بصمة والا دليل...وهذا الشيئ لي خلا سي هارون يعمل كل جهدو باه يلقي القبض عليه....هز تاليفونو وكلم يوسف...اليد اليمنى تاعو....هز عليه بالوقت

يوسف:شنوا عملت...نجمت تقنعها

هارون:بالطبيعة...اااه يا يوسف كان يمشي لي في راسي لاما نرمي جلال الكلب وجماعتو في الحبس مدى حياتهم

يوسف:ان شاء الله صاحبي....حقا كيفماه جاتك الفكرة وكيفاه عرفت

هارون:نزل مطلب تاع خدمة تاع سكريتارة شخصية....و غلطة ميرال جات في وقتها يعني كلشي مريقل

يوسف:باهي...هيا يلزم نعلق جاتني خدمة....رما هارون روحو فوق الفرش...فرحان بانتصارو....وانو راح ينجم يوصل لحاجة....ولي راح يساعدو هوا سي غسان الكوفي لي جلال متبنيه....يعني راح يودي بحياة بوه من غير ما يشلق....كل هذه الفرحة نسات هارون انو غسان ما يتلعبش معاه....وانو اكبر غلطة عملها في حياتو انو دخل في ساحتو....معركة كبيرة تدور بين جماعة تايقر وجماعة الأسد و رجالهم كي الكورة بيناتهم ومننساوش هارون وجماعتو لي راح يقعدو كي الذبان يزنو فوق ريوسهم....زعما شنوا راح يصرا وراح تم فرحة هارون و شنوا راح يصرا بين جلال ومحمد....كل هذه الاسئلة راح تلقو اجابتها في البارتات الجايين....يتبع