طييييط🔊🔊 سلام لبنات😊 ديرو الصف وحدة ورا وحدة نصحقكم كامل هنا😍اليوم رجعت واكيد مرجعتش يديا فارغين رجعت بكرونيك نار نار نار💥🔥🔥 تحت عنوان #لحن الانتقام باللهجة الجزائرية ودخلت فيها شوية التونسية ابطالها:نارين وغسان💎......نضمنلكم انها راح تعجبكم...
في قاعة البلياردو....قاعدين يلعبو بكل حماس....حتى ناض جواد يعيط....متقلق انو ديما هوا لي يخسر ويفوز عليه غسان....رما العصا لي كانت في يدو....مسح وجهو بايديه...مبعد طرشق بالضحك.....وراح صافح غسان....اكيد ما ينجمش يتغشش من صاحبو او خلينا نقولو خوه لي صنعتهولو الايام....جاء تيليفون لغسان من الشركة...استوا الشوميز تاعو رسم على وجهو ملامح الجدية...وتكلم بصوتو الجهوري لي يقطر بالرجولة
غسان:دقيقتين ونكون حذاك....علق...وهز الشوميز تاعو وراح..وقفو صوت جواد
جواد:غسان وين بيها
غسان(جاوبو بلا ما يدور):عندي اجتماع...كي نكمل نعيطلك....خرج ركب في سيارتو الفخمة وديراكت للشركة....دوب ما وصل جاه الشوفور يجري حلو الباب وخذا منو المفتاح باه يقاريلو الكرهبة.....حمل الفاست على كتفو...ودخل لشركتو...اكبر شركة في تصنيع الدراجات النارية.....دخل بهيبتو المعتادة راسو لفوق بدنو مكبوس....الشوميز راح تنطق من عضلاتو المفتولة....طلع لقاعة الاجتماع...يضحك باستهزاء من الموظفين لي ارتجفو من الخوف وقت ما شافوه...قابلاتو السكريتار عطتلو دوسي وحلتلو الباب...دخل وقامو كامل صافحوه...قعد في كرسيه....واشارلهم بيدو باه يقعدو...فاتت نص ساعة وخلاص الاجتماع...خرجو كامل وخلوه وحدو....دق الباب ودخلت سكريتارة
السكريتارة:مسيو غسان...كاين طفلة حابة تقابلك قالت انها جات على الخدمة
غسان:بفف داكور دخليها....دخلت تتمايل بكلهابهذاك الطالون لابسة غوب غوج قصيرة ما مغطية شيئ و منحكوش عاد على المكياج لي راسم لوحة زيتية في وجهها تمضغ في الشوينقوم بكل اغراء...دخلت قعدت في الكرسي وحطت رجل فوق رجل...أما هذا كامل محرك حتى شعرة في غسان مميلوش حتى رغبة فيها....بالعكس تقززها اما يلزمو سكريتارة شخصية ليه...يهدر معاها وعينيه في الدوسي وهاد الشيئ لي خلا ميرال تموت من العصب
غسان:معنديش وقت درك يلزم نروح...راكي مقبولة...وشوفي مع الانسة تاليا درك توريلك خدمتك...جاء خارج مبعد دار وقيدها من الفوق للتحت وهز يدو ينبه فيها اما بكل برود وتقزز منها
غسان:اللبسة هادي منصحقهاش راكي في شركة محترمة مدموازال مشي كاباري جاية تستعرضي في مفاتنك فهمتي
ميرال(جاوباتو بهدوء عكس النار لي داخلها من العصب):حاضر مسيو غسان....خرج وخبط الباب وراه ركب في تاكسيتو وقلع لدار بابا جلال بعد ما عملو تيليفون وقالو يجيه....مسافة الطريق وكان عندو...ركن كرهبتو.....وطلع لبيرو بابا جلال......الناس كامل وقفتلو تسلم عليه.....وشكون ما يعرفوش انو هوا ولد بابا جلال بالتبني....عبد ما يتجرأ يتكلم معاه...اصلا خزرتو ترعبك.....فارض نفسو....ومدامو هوا عاطي قيمة لروحو اكيد الناس راح تعطيه قيمة....دخل كعادتو بشموخ صافحو بعضهم...وقعد غسان مقابلو يستنى فيه يحكي
بابا جلال:شنوا حوالك ولدي...ومع الشركة
غسان:الحمد الله بابا....كلشي تحت السيطرة
بابا جلال:سمعت انو عندك صفقة خارج دزاير صحيح
غسان:اي
بابا جلال:وراح تمشي
غسان:بالطبيعة...الصفقة فيها برشا فلوس ويلزم نربحها...اخطينا توا من الشركات على شنوا ناديتلي
بابا جلال:عندنا مهمة جديدة...اما موش مشكل تنجم متحظرش
غسان:وشكون راح يعوضني
بابا جلال:نارين بن عبد الله....هيا لي راح تعوضك حبيت اليوم يكون يوم تعارف ليكم اما الظاهر مشي جاية لانو عندها شويا مشاكل.....اما موش مشكل الفرص برشا
غسان:هههه تحكي بجدك والا تفدلك....كيفماه راح تخلي طفلة توقف على المهمة
بابا جلال:غسان......نارين كيما بنتي ومقامك من مقامها فهمتني....وزيد انت ما تعرفهاش مليح....وحاب نخليلها اول مهمة باه نشوف مدى استحقاقها لبلاصة بحذانا فهمت توا
غسان(بعصب):اعمل لي تلقاه مناسب بابا.....هز مفاتحو وخرج....ماهوش مصدق انو بابا جلال راح يخلي مهمة كيما هكا تقودها طفلة وقادر في أي لحظة تبعثهم للموت بغبائها....اكيد ما تعرف شيئ على الدومات تاعنا...نفخ بعصب ضرب الفولون بايديه...نوض كرهبتو طار عجاجة للفيلا تاعو.....دوب ما وصل عمل دوش غير ملابسو ورقد.....باسكو طيارتو على 7 تاع الصباح
غسان الكوفي....24 سنة....صاحب اكبر شركة لتصنيع الدراجات النارية....و يخدم مع بابا جلال....كبر في ميتم...بعد ما والديه ماتو في حريق.....تبناه بابا جلال وصنع منو راجل قوي...ميهاب شيئ...وميخاف من حد....غسان....المتعجرف...المتكبر...المتغطرس....على قد ما نوصف منجمش نصورليكم صفاتو في مخاخكم.....الزين....والقوة...الكبرياء...والضخامة....قلبو كتلة تاع جليد....ينجم يحرقك وهوا يضحك....ينجم يقتلك وهوا يتبسم....الناس الكل تهابو لانهم يعرفو وقت يتغشش شنوا ينجم يعمل
هدا هوا بطل قصتنا:
Oops! This image does not follow our content guidelines. To continue publishing, please remove it or upload a different image.
