يزن:كعدت توني
هند:صح النوم كوم ابني دنيا مغرب
يزن:اي يمه كمت.
يقين:طبيت ع مريم لكيتها تبجي حظنتها ودموعي نزلت وياها بعدين كمنه غسلنه وتوضينه وصلينه ودعينه الله يخلصنه من هالمشكله ونزلنه اكلنه وصعدنه درسنه شويه لهينه روحنه وراها نمنه كعدنه الصبح بدلنه ورحنه للدوام شفت فراس كتله صباح الخبر ومردلي اصلا!
يقين:هذا شبي الثاني والله يا الله!
ساره:وثول شبيج عميه متشوفين؟
يقين:ساره تروحين من وجهي لا امسح بيج الساحه كلها روحي واصله لطرف خشمي البيه مكفيني مناقصتج ولي من وجهي لا اشوفج الله حق!
كتلها هيج هاي تخورست عفتها ورحت لمريم وراها دك الجرس صعدنه للصفوف جان عدنه اول درس رياضيات اجه فراس اصلا ميباوعلي بس لا شافني ويه ياسر البارحه وهيج ديتصرف خليروح شسويله!
يقين:دخل شرح الدرس وكوم كم بنيه ومكومني وراها كعدنه نكتب افتر علينه وصل يمي عبرني باوع المريم اشرتلي اسكت سكتت ومهتميت مشه الدوام
عادي وطلعنه للبيت وشفت ياسر يالله دخيلك مراح اخلص منه اشرلي انو اجي بالفرع الي بصفه اشرتله ماكدر اشرلي ع تليفون يعني صورج يمي يالله دخيلك رحت واني افور جتي مريم ويايه
يقين:اجه هجمت علي لزمته من قميصه وكلتله/
عوفني يا ابن الناس الله بلاني بيك لك شتريد مني بعد شتريد مكفاك السويته بيه ولك خسرت ثقة اخويه بيه ومكفاك و...
داكمل حط ايده ع حلكي ولوه ايدي وره ظهري وطبكني ع الحايط وكلي
ياسر:ركزي زين بعيوني وشوفي منو كدامج واعرفي شلون تحجين وصوتج مترفعي عليه فهمتي!
يقين:مادري مين جتني القوه ودفعته حاولت اروح لزمني من ايدي وكال
ياسر:متروحين اله اني اكول روحي وكلامي مخلصته بعد!
يقين:بابا لتحجي ويايه شي عوفني
ياسر:مو انتي الي تقررين هالشي خوش والي اريده منج طلعه مرتبه سوه واذا تحب صديقتج تجي 😉
.
.
.
.
.
.
.
.
يتبع.....
