فراس:ضليت احاجيها وراها اتصلت عليها حجيت وياها شويه وضلت تبجي واني اواسي بيها لحد ماهدئت وسدت الخط
يقين:سديت الخط اجه يزن ضحك عليه عباله مريضه
وراها شالني من مكاني وفرني كمت اصيح واكله دخت نزلني يكلي هوه انتي مريضه ف اني دادوخج حته تكمل عليج ضحكت ع سوالفه وضربته نزلني وباس راسي وكلي
يزن:عمري وجهج كلش تعبان امشي خل ناكل شي
يقين:ولو ماشتهي بس الخاطرك.
يزن:تمام
يقين:مرت ايام مثل السم عليه اكل وشرب قليل ومرات ماكل اصلا ضعفت حيل حته دوام اخذت اجازه لان حالتي فد مره تعبانه
مر شهر واني ع هالحاله لحد مايوم دامشي ودخت كلش رحت تقيأت درجع للغرفه واغمى عليه
يزن:سمعت صوت ركعه قويه طلعت من غرفتي لكيت يقين مغمى عليها تخبلت ونوب سيارتي يم فراس خررب رحت ركض خابرت فراس و5دقايق واجه
جاب السياره شلتها وركضت بيها امي قفلت اله تجي ويانه اخذنها للمستشفى دخلوها للغرفه نوب امي اغمى عليها صحت الممرضه فوتتها بالغرفه وضلينه اني وفراس واحد صافن بوجه الثاني وراها الممرضه صاحتني ورحت ع امي
فراس:راح يزن ع امه وراها طلعت الممرضه من يم يقين وكالت انته زوج المريضه!؟
فراس:ليش صار شي عليها؟
الممرضه:زوجها لو لا؟
فراس:اي زوجها
الممرضه:مبروك مرتك حامل وهالاعراض طبيعيه بس يحتاجلها تغذيه زينه لان اكلها قليل كلش
فراس:صفنت ع الممرضه وحرت شجاوبها حسيت مثل الضربه الي جتني ع راسي يربي شنو ذنبها هالبنت اني شنو راح اسوي يالله دخيلك!
الممرضه:الو اخي وين صفنت.
فراس:لاهيج بس تفاجئت شويه.
الممرضه:😁
فراس:اكدر اشوفها ؟
الممرضه:اكيد تفضل
.
.
.
.
.
.
.
يتبع....
