ياسر:انتي شسوين هنا 😐😐
يقين:انته شحابك هناا.
ياسر:بيتي هذا!
يقين:صفنت يعني اني كل هالفتره عايشه ويا وبيته واكل من اكله.
ياسر:يقين اذا سمعت حرف طالع منج او كلتي اي شي الاهلي صورج حته بالجرايد احطهن!
يقين:صورتني؟ الله لا يوفقك ياسر لك ابنك ببطني اني شراح اسوي.
ياسر:اخذج تسقطي ؟
يقين:واهلك شكلهم اذا كعدو ولكوني ماكو!
ياسر:ماعرف مو اله اليوم فديوم شوفيلج حجه بس مراح تظلين هنا
يقين:طبعا دام هذا البيت انته بي ماظل بي دقيقه
يقين:كلتله هيج وداروح جرني من ايدي وسحبني ع صدره وكلي.
ياسر:اول شي هذا الطفل مراح يعيش ثنين تديرين وجهج وتروحين منا وماريد اشوفج بعد ببيتي ولابحياتي
يقين:سحبت ايدي منه ودفعته وكلت
يقين:واني مميته ع شوفتك والطفل اكيد حسقطه دام جزء منك وياريت ماشوفك بعد!
يقين:طلعت من المطبخ شفت امه واكفه وره الباب وسمعت كل كلامنه عفتها ورحت لبست وداطلع من البيت وكالت
المره:جنت ضامه ابني منج وتالي طلعتي تحملين ابنه
يقين:لتخافين مراح اخلي الطفل يعيش ويحمل بصمة عار بسبب ابنج!
ياسر:ميتشرف بام مثلج
يقين:لبسته وداطلع جان اتزحلك ووكعت ع بطني متت وجع كمت اعيط واصيح ونزل دم
المره:عزه العزاني لك ياسر الحك اخذها للمستشفى
تتححرررككك لضل صافن حتموت البنيه
ياسر:شلتها حطيتها بالسياره وامي جتي ويانه وديناها للمستشفى والطريق كله تبجي وتصيح
وصلنه دخلوها غرفة العمليات ردت اروح امي ضربتني راشدي وكالت
ام ياسر/ولك طايح الحظ شسويت ببنت العالم هيه هاي تربيتي بيك ولك ياحيف هم حاسبك روحك ع الزلم انته.
ياسر:اي اسوي واسوي الاكثر لان هيه السبب بكلشي صار هيه السبب الي خلتني اهاجر سنتين سنتين واتي بعيد عنج كله بسببها وبسبب اخوها
ام ياسر:فوكاها هيه البنت الجنت تحبها لالاهذا مو ابني مدصدك يطلع منك هيج شي ولك بعد كل السويته بيها نوب حبلتها لكك شنو انته
ياسر:كالتلي هيج وردت ضربتني وضلت ترزل بيه ومقبلت تتحرك من مكانها لحد متطمئن ع البنت
ضلينه مايقارب الساعه ننتظر لحد ماطلع الدكتور
ام ياسر:ها دكتور بشر شلونها البني خما بيها شي
الدكتور:وين زوجها؟
ياسر:كال هيج امي خزرتني
ياسر:اني زوجها دكتور
.
.
.
.
.
.
.
.
يتبع...
