#لربما_خيرة
الكاتبة Zainab _Farqad
بارت. 1
القدر يجمعك تارة بمن تحب ، وتارة ينتزع منك اغلى ما تحب ، في اوراق الحياة مازال للغد متسع وجميل رغم الالم ورغم الخيبة ورغم الفراق ........مؤمن لحضات الفراق جميلة حين تختارها بنفسك وقاتلة
حين تختارك اما آن للقدر ان ينصف قلبا بات بين الالم والامل ؟ لربما هذا القلب سيمطر غدا غيثا ......☔
كعدت ع صوت المنبه اليوم اول يوم الي بالكلية خايفة ومرتبكة انقبلت كلية ادارة واقتصاد تأخرت يلا داومت يعني همة داومو امكن صار 3 ايام واني بعدني اليوم اول يوم كله بسبب اخوية يكلي ماكو شي ع شنو مداومة بعد وقت
هسة ماكو محاظرات (شكد غثيث) بدلت لبست بنطرون ابيض وقميص سمائي طويل فوك الركبة بشوية وشلت شعري شي بسيط ( اني مامحجبة) مااحب الحجاب صحيح ملابسي عراض مو ذيقات وملابسي محتشمة بس ما محجبة
ابوية متقاعد وكاعد بالبيت ماعندة شغلة وعملة بس يحجي علية ويرزل من نوع العصبي كوولش وما يتحاجة منا لهنا موتني عندي اخوان 2 واخت اني اصغر وحدة بالعائلة
اخواني الجبير مهيمن والوسطاني وليد ع ابوية طالعين بالضبط عصبيين وما يتحاجون نهائيا
اختي مريم متحجي نهائيا فقيرة شيكلولهة تنفذ جانت ماالهة واهس بالدراسة يعني ع كد النجاح ومن صارت سادس رسبت بي سويتلهة واهس تعيدة علمود تنجح وتدخل كلية
هي وافقت بس اجة ابن عمي ورادهة وابوية رئسا انطاهة بدون ميسئلهة بحجة ابن عمها وسندها هي محجت شي. بس هي ماتريدة، رضت بالامر الواقع وتزوجت وبطلت
اني ماخذة طبع امي هادئة بس مرات من يستفزوني اكوم احجي مااسكت
نزلت لكيتهم كاعدين يتريكون صبحت عليهم وكعدت اكل اول مكعدت صاح مهيمن
مهيمن: راح اطلع اشغل السيارة 5 دقايق وتطلعين اذا تاخرتي اروح
نور: بسم الله تراا هسة نزلت خل اكل شوية
مهيمن: محد كلج اصفني بالمراية سااعة
نور: استغفر الله مو كتلك اريد اسوي خط واخلص
مهيمن: سدي هل موضوع ماكو خط
نور: يعني هو شبي الخط،
مهيمن: راح تاخريني امشي عااد
نور: استغفر الله ربي من الصبح، رحت ويا صعدت ويسوق بسرعة طااير، مهيمن موظف باحد الدوائر وهو رئيس قسمة لذلك عندة هواي ظغوطات
عمرة 28 ووليد هم موظف بدائرة بس عقد مو ع ملاك،وصلنة للكلية نزل وياي ودخل خابر ع واحد كله وصلت، دخلة لقسم الاستاذة وتلكا واحد من الاساتذة يعرفة سلم عليه ووصاه علية
وطلعنة من القسم يمشي وياي بالممر البنات يباوعن عليه، اخوي شخصية طول وهيبة لابس نظارات وما مهتم 😎
خرب من شاف البنات يباوعن عليه شال خشمة. وكفنة بزاوية وكام يحجي
اسمعي انتبهي لتصرفاتج دربالج تتصرفين تصرف غلط عندي هنا معارف هوااي بس حركة منج غلط
