#لربما_خيرة
الكاتبة. Zainab_Farqad
بارت 5
منتظر: اهاا هسة فهمت
نور: اي
منتظر: انتي بس انطيني موافقة مبدئية وصدكيني مراح تشوفين اي تصرف غلط مني
نور: محجيت شي
منتظر: بس نطقيها وكولي موافقة
نور: موافقة، كلت هل كلمة واني كلبي يدك الف، معقولة الي سويتة صح لو خطأ
منتظر: واخيرااا،
نور: بس عندي شرط
منتظر: شنو
نور: بالكلية نهائيا متحجي وياي مااريد احد يعرف بعلاقتنة ويوصلها الاخوية
منتظر: اي اكيد،
نور: وبعد عندي شرط
منتظر: اهووو كامت تتشرط، شنو
نور: متخطبني هسة لحد منتخرج
منتظر : ليش
نور: مااريد اشغل نفسي بغير شي اكمل دراسة وبعدها يلا
منتظر: براحتج، اسمي منتظر وراح اضل طول عمري انتظر من وراج
نور: اخذناها للفجر نحجي لحد منعسنة ونمنة جانت عطلة نصف السنة بعدها داومنة اول مشفت منتظر شك الحلك بالضحكة خررب يومة راح يفضحنا اجة سلم علينا اني وصديقاتي
يحجي ومبتسم، من راح البنات سئلن شعندج وياا
نور: عابت مايخفى عليجن شي
سرى: اي مبينة السالفة من ضحكم الي يكول روميو وجوليت
وج احجي عاد شصار
نور: ضليت احجي للبنات كل ميصير عدنة ريست احجي شوية بعدني ممكملة ويجي الاستاذ
منتظر: رحت بشرت اصدقائي وكلتلهم ، رغم همة وياي بس محجيتلهم شي
ابراهيم: كلووووش، مبرووك
منتظر: وجع نصي صوتك هلهولتك عبالة هلهولة نسوان
ابراهيم: فوك مافرحان الك
جنة واكفين بحديقة الكلية وسام انطة اشارة الهم عرفت معنى هل اشارة حاوطوني من كل الجهات وشالوني خرررب يومكم جنة داائما نسوي هل حركة اذا احد فرحان بينة نشيلة ونفتر ونغنيلة ونركصلة
وسام: عريس وربعة يزفونة عريس وربعة
محمد: اخوتة هوااي والشارع يسدونة اخووتة هوااي
ابراهيم: طم طح طم طح كلووووووش
رائد: واني شحجي اخذتو كل الهوسات مني نسيتهن
منتظر: كلنة ضحكنة وهمة شايليني والطلاب تباوع خررررب ضليت اصيح نزلوني ميقبلون فجئة لمحت نور هي وصديقاتهة خرررب غيرتكم نزلوني اجتي نور
وسام: اي احسن خل تشوفك
................................
زينب: لج نور هذا مو منتظر
نور؛: عزاااا هذولة تخبلو شبيهم
سرى: اكيد تخبلو
نور: اتقربنا يمهم وااطلاب هم حاوطوهم وكامو يصفكون وهمة شايلين منتظر ويهوسون مدري ع شنو الي يكول واحد مزوج
ضلينة صافنين هذولة شبيهم
وسام: اليوم العب بنور طوبة مثل ما عذبتك اعذبها
منتظر: ولك شتسوي
وسام: بس اصبرلي
منتظر: كافي عااد نزلوني تعبت
محمد؛: هو انت التعبت لو احنة
منتظر: اباوع ع طلاب اخذها الواهس ووكفو يمنا وكامو يصفكون
ورا شوي نزلوني وانتهت الحفلة 😂😂
وسام: منتظر تعال شوي قريب يم نور اريد احرك كلبها مثل ما سوت بيك عليك الله لتحجي اي شي من احجي وياك زين
منتظر: بس كول شتسوي
وسام : هسة تشوف، صرنة قريبين يم نور وصديقاتهة واني متأكد عيونهن علينة يريدن يعرفن السالفة
لزمت ايد منتظر وكتلة الف مبروووووك الخطوبة عيوني بس شبسرعة الزواج بعد اسبوع مبين مستعجل
الله يتممها ع خير يااارب
