#لربما_خيرة
الكاتبة. Zainab_Farqad
بارت 10
ستمر على روحك أيام عجاف تكسرك ثم يأتي بعد ذلك يوم تُغاث فيه روحك و ترتوي من غيث الرحيم الكريم...فاصبر و أحسن الظن بخالقك 🌸
🎀🎀🎀🎀🎀🎀🎀🎀🎀🎀🎀🎀🎀🎀🎀🎀
نور: سلمنة وكعدنة كال الدكتور
الدكتور: حاليا مااكدر انطيكم تحليل الدم
ماهر: ليش دكتور خير
الدكتور: من خلال التحليل شكينة بشي مرض لكن مدا نكدر نشخصة رجائا اخذوهة لطبيب اخصائي يشخص حالتهة تدرون هنا الاجهزة مو حديثة
امي: دكتور يعني شنو بنتي شبيها
الدكتور: والله مااكدر انطيج اي معلومة كل الي اكدر اكلج عليه شاكين بمرض بيهة انتو اخذوهة وشخصو حالتهة قبل ماتتأزم بعدين انتو محسيتو ع اعراض مرض
يعني مبين من شكلهة
نور: طلعنة من الدكتور واني الدنيا تفتر بية اني شنو المرض الي بية
من طلعنة السكوت عم الكل امي كالتلهم غير مره نشتري جهاز خلينة نشوف نور شبيهة رجعنة للبيت اول مطبينة امي كلبتهة مناحة وتحجي ع اخواني وابوية تكللهم بنتي ماادري شبيها مريضة وانتو متقبلون
تودوها جاوبها مهيمن
مهيمن: شبيها متكوليلي هياتهة جنها سعلوة
امي: رحم الله والديك. لك هاي اختك اختك شنو ماعندك كلب، وانت يارجال احجي بنتك راح تروح من ايدك
ابوية: تدرين بية ياام مهيمن اني مريض وما بية العصر مهيمن غصبا ما عليه يوديها
مهبمن: اي اي افتهمنة
نور: شكد حزنت من شفت اخوي هيج يعاملني ياريتني متت ولا اشوفة هيج، ابوية حسيتة مريض هو هم تعباان وماله خلك ومن للتعب مابي يحجي شي صدك انقهرت عليه
واني ضليت بحيرتي اني شبية رحت ع سجادة الصلاة، ادعي يارب ( ان كان خير لي هذا المرض فقربه مني وان كان شر لي هذا المرض فابعده عني ياارب)
حتى لو المرض بي خيرة الي مقتنعة بي، صار العصر ورحنة للطبيب اني وامي ومهيمن الطبيب اول مشافني كال وين جنتو عنها هاي مبين بيها شي يعني محسيتوو
امي واخوية ضلو ساكتين محجو شي، شخص حالتي وسوالي تحاليل كوومة تعبت هلكد مااخذت تحاليل تالي كال ع باجر العصر يلا يطلعن تعالي انتي حتى اشخص حالتج اكثر وانطيج علاج
رحنة للبيت وامي ع نار كاعدة وتدعي، اسمعها تدعي وتبجي لليل نزلت جوه مليت حسيت اريد اشتم هواا لكيت ابوية كااعد ع سجادة الصلاة ويدعي الية ما يطلع بية شي رحت اركض
عليه بوستة وابجي واعتذر منة اكولة والله ماسويت شي غلط اني تربيتك معقولة اسوي شي غلط
هو حضني وكام يبجي وياي ضلينة نسولف وهو حاضني بعدين نعس وكال روحي ارتاحي
من رحت نمت مااعرف ليش الله ذب علية الراحة كلها نمت مرتااحة ولاول مره من هل عذاب حتى ما فكرت بالتحاليل مال باجر
صار الصبح كعدتني امي جابتلي الريوك اكلت شوي لخاطرهة والغدا متغديت حتى امي هم مااكلت صار العصر بداا الخوف ياكلني
طلعنة واني اباوع من الشباك ع طريق واباوع ع ناس اكو اشخاص تشوفهم بس يركضون ورا لكمة عيشهم واكو اشخاص سكارى بالشارع يمشون ويضحكون ويكولون طز بالدنيا
من اباوع ع عالم كل شخص ارسملة حياة بطريقتي اكول هذا اليوم راح يطلع كذاا مصرف لجهالة ومرتة حبابة الا ان وصلنة للعيادة
اجة الدور مالتنة ودخلنة سلمنة وكعدنة كال
الدكتور: والله مااعرف شلون ابدي وياكم
مهيمن: تفضل دكتور احجي
الدكتور: ست نور، بيها مرض السرطان، والسرطان جاي ياكل بجسمها
امي: لطمت ع خدها، شنوو
الدكتور: للاسف انتو وين جنتو عنها ليش مراجعتوو بيها
مهيمن: ضليت اتعلثم وبلعت ريكي، دكتور والحل شلون يعني
الدكتور: لازم نبدي بأتخاذ الاجراءات تشخيص الحالة وجرعات كيمياوي
نور: اني هنا احس الدنيا وكفت بعيني، احس هاهية متت اباوع عليهم من يحجون بس اني بغير عالم وماافتهم شيحجون فزيت ع صوت امي تحاجيني
شربوني ماي جانت صدمة قوية حتى اخوية الي حسيتة يكرهني دموعة كامت تنزل، وامي شبعت بجي وعياط اخوية طلعها يهدي بيها واني هم طلعت الدكتور كال فد نص ساعة وابدي اخذ الها اشعة
عندي حالة مريض هسة، امي حضنتني وتبجي واخوي واكف يمنا ودموعة تجري، معقولة اشوف اخوية يبجي علية
اني هنا ما نزلت دمعة مني يمكن لاءن جانت بحالة صدمة مااعرف، دخلنة مراا ثانية وبداا ياخذ الي الاشعة كال هسة مااكدر انطي علاج لازم تجين نشخص الحالة بمستشفى كذا هناك اجهزة احدث
ونكدر نفتهم السبب ونكافح الانتشار بجسمج، رجعنة للبيت اول مدخلنة امي كامت تعيط وتكل الابوية كله من وراك انت وولدك بنتي رااح تموت الله ليوفقكم ابوية وجهة صار اصفر يريد
يعرف السالفة ، كالتلة ولك بيها سرطان سرطان كام ياكل بجسمها بنتي راح تروح من ايدي ولكم اتوسل بيكم واحد واحد
اكللكم ودوها متقبلون ليش ليش مو بنتك وهاي اختك شنو عدوتكم خطيتها بركبتكم ليوم الدين امي تحجي وتعيط وابوية فقد من البجي اخوية مهيمن ووليد هم كاعدين ع قنفة يبجون
واني لحد الان بحالة صدمة مااعرف شاحجي ساكتة اجوي حضنوني اخواني ويعتذرون ماحجيت ولا كلمة عفتهم وصعدت لسجادة الصلاة
صليت ودعيت قريت قرأن سبحان الله طلعت واصلة لسورة يوسف هل سورة شكد احبها باصعب حالاتي اذا اقراها نفسي ترتاح
اول مابديت اقرة نزلن دموعي رجعت لواقعي مااعرف ليش بجيت امكن ع سورة بجيت صار عندي خشوع بس نهائيا ما بجيت ع مرضي
يتبع
