#لربما_خيرة
الكاتبة. Zainab Farqad
بارت 12
ان الله يعتني بقلبك نبضة نبضة...فاطمئن ✋💚
🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀🎀
منتظر: اريد اجي اخطبج اوصل للمرة المليون وما امل
نور: تخطبني شنو
منتظر: ليش مااخطبج انتو مو فسختو خطوبتكم
نور: اي بس منو كلك اوافق
منتظر: ليش متوافقين يعني
نور: منتظر تتخيل بهاي حالتي اوافق اني مستحيل اوافق واشل حالك اني مريضة وما مضمون الي اعيش لباجر شوف حياتك الله يخليك
مناظر: انتي حياتي، الله يخليج لتسوين هيج اني احبج وحاربت علمودج وراح اضل احارب علمودج واذا ما مريضة
نور: خنكتني العبرة وكمت ابجي وهو هم وياي لما نمنا
مرت الايام وصار وقت العلاج الكيمياوي اخواني اخذوني وامي وياي اول مدخلت لغرفة احس نفسي نكطع عبالك راح يدخلوني لكبر
بداا العلاج الكيمياوي احس ناار بجسمي العلاج الكيمياوي دماار كمت اصرخ من العايط ما بقة احد ما سمع صوتي من العايط مالتي
العلاج الكيمياوي باختصار
اختراق داخلي، جفاف بالحلق، الم في العضام ، احساس بان الطعام بلا طعم، شعور بأن الملابس كريهة
نار تسري بالاوردة، والم فجائي في الجسم يجعلك تصرخ من شدته
تعبت من الصرااخ واهلي يبجون وياي هاي اول جرعة كيمياوي رجعت للبيت بالليل تعبانة ومالي خلك وجسمي مكسر
اتصل علية منتظر يهوون علية ويحفزني بكلماتة انتي كدهة وراح تطيبين وراح نتزوج محد يمنعنة بعد
ثاني جرعة كيمياوي، كلت راح ارجع لنفس الالم والدمااار هم تعبت من الصرااخ والعياط، بس هلمره شفت صديقاتي من الشباك لوحلي بايدهن ميكدرن يدخلن
عازليني بغرفة وحدي ماكدرت انطيهن ردت فعل ولو حتى ابتسامة تعبانة حيل هنة يحاولن يأشرلي من بعيد وعيونهن متروسة دمع واختي هم جاية وابوية كوة واكف ع حيلة
واخواني، وجودهم يحفزني ع مقاومة المرض، جنت من اخذ جرعة الكيمياوي من الصبح لليل يلا ارجع للبيت ماابقى
بالمستشفى يعزلوني بغرفتي محد يدخلي غير امي تساعدني واذا اجو ناس من بعيد يحاجوني
جنت نايمة كعدت من الفراش حركت جسمي اباوع ع مخدة خصل شعري كمت اصرخ شعرررري وكع يمة شعري
اجتي تركض تهون علية صحيح مو كله وكع فد مرة بس من شفت هل منظر تخبلت، بقيت كل. مااخذ جرعة يوكع لحد ما صرت صلعة وكع كل شعري
شعري الي جنت اتباهة بي من جنت سافرة هسة وكع حواجبي هم ماكوو صرت مااباوع ع مراية يومية ابجي ع شعري وسجادة الصلاة مااعوفها برغم حالتي صعبة وعضامي يوجعني بس دائما اكعد
اشكي لربي ع وجع الي بية هو يحس بية ويعلم، بيوم اندكت الباب سمعت صوت الرجاجيل بس مااعرف شنو السالفة اجتي امي حجتلي طلع منتظر جاي وطالبني من ابوية
ابوية كايلة انت تدري بيها سرطان منتظر كايلة اي ادري واني مستعد اخذها واعالجها بس وافق ابوية كاله اني موافق بس بقت هي توافق
اجة ابوية علية يحجي وياي من بعيد لبست الشال من دخل مااريد يشوفني بشكلي هذا حجالي ع الي صار
ابوية: نور انتي موافقة
نور: لا مااريد اتزوج
ابوية: ليش مو انتي الي ردتي
نور: من جنت بافضل حالاتي ما قبلتو تزوجوني يا هسة باسوء حالاتي وافقتو وكأن تريدون تشمروني براس الرجال
ابوية: شنو هل حجي نور معقولة هيج اسوي اني بس كل الي صار ردت ابري ذمتي واوافق عليه لاءن صدك ابن اوادم
نور: شفت يابة هذا السني الي جان معاجبكم اجة يطلبني باسوء حالاتي مو مثل ابن اخوك الي شديتو ضهركم بي عافني من اول يوم عرف مريضة
وانطي جوابي لا مموافقة مااريد اتزوج ليش يضل مشلوع كلبة بية واني مريضة مااريد اتزوجة
نور احجي وابجي، ليش ما وافقتو من البداية ليش اووف تم الرفض وصل الخبر لمنتظر انو اني مااريدة
خابرني يعاتبني كتلة الي سويتة لمصلحتنة انت اذا هسة تشوفني اني مو نور القديمة خلاص نور ذيج ماتت هسة اني عبارة عن هيكل عضمي
منتظر اني صرت عبارة عن جلد وعضم شعري وكع ضعفت تعبت تاذيت جاي اتالم من الوجع يكفي الي صار بية
ارجووك انساني ضلينة نبجي وهو يواسيني يكلي حتى لوما صرتي الي ابقى احبج واوكف وياج للموت وما اتزوج غيرج
يتبع
-------------
