غرام والنجار

الاخيرة

الحلقة الثانية والعشرون والاخيرة
وحلقة طويلة اهو...نعوض نقص الحلقات الفائتة 😂😂😂😂
غرام والنجار😍😍
سبحان من قدر ولطف وجبر بخاطر والدين بعدما ظن ان ابنهما الوحيد قد فارق الحياة فيرجع لهم الامل من جديد ويعلمان انه مازال حى يرزق وايضا رزقه الله المال الوفير من حيث لا يحتسب وسيوفر لهم من الان وصاعدا حياة كريمة
احمد.بابتسامة....صلى على رسول الله يا حج
الحج عادل...صل الله عليه وسلم
احمد....وحشك ..عمر
الحج عادل بدموع....اكيد يبنى ..ربنا يرحمه ويجمعنا بيه فى الدنيا ومن ساعة ال حصل وخالتك نجية مش فى وعيها شوية تبكى وشوية تضحك وعمرها مصدقت انه مات ..وكل شوية تكلم نفسها وتقول ..انت أتاخرت ليه يا ضنايا وحشتنى اوى يا عمر ..يلا مستنياك ومحضرالك كل الاكل ال بتحبه ..
وانا ابكى ..ووقلها استغفرى الله يا حجة ..بس مفيش فايدة..هى على الحال ده لغاية دلوقتى
أحمد .....بس يا حج خالتى نجية عندها حق ..فعلا عمر حى ممتش
الحج عادل..بذهول ،🙄🙄🙄 بتقول ايه يا بنى .مسمعتكش كويس
أحمد...عمر حى بجد يا حج بس كان فاقد الذاكرة لفترة كبيرة والحمد لله رجعتله وهو يكلمك دلوقتى
...الحج عادل...مش مصدق...وكان هيقع من طوله فمسكه أحمد ...امسك نفسك يا حج انا عارف انه مش من السهل وهو عمر كان عامل حساب كده فبعتنى انا الاول ..امهد للموضوع
الحج عادل بدموع الفرحة...ينادى على نجية ..
يا حجة..تعالى ...يا علا ..تعالى بسرعة
فتيجى ..نجية وعلا .....
الحج.....عمر عايش .....عمر عايش ...وهيكلمنا دلوقتى
نجية....ابنى.....اه عايش طبعا .وتضحك ضحك هستيرى..وتنادى عليه ..تعال يا عمر.. تعال يا ضنايا
احمد..تنهمر الدموع منه لحال الست نجية..
اما علا فقد اطلقت الزغاريد فرحة ان عمر مازال على قيد الحياة
....رن ..احمد على عمر..الذى قام بدوره واتصل على والديه .ليتأكدا انه حى ويسمعا صوته
عمر بفرحة....ابويا حبيبى وحشنى اوى ..معلش سامحنى كان غصب عنى ..وان شاءالله قريب وهكون عندكم بنفسى بس فيه ظروف تحكمنى دلوقتى
الحج عادل ..بدموع.....عمر انت ابنى بجد وعايش
عمر.....اه يا حج والله ...يا حبيبى عايش وبخير بفضل دعواتكم ليه
الحج عادل..يمنته كريم يارب ...الف حمد وشكر ليه يارب
نجية تختطف التليفون....عمر ...عمر....وحشتنى يا ضنايا
عمر..يبكى لسماع صوت امه.....انت وحشتينى يا امى اووى. ..ونفسى ارمى نفسى فى حضنك .طمنينى عليكى عاملة ايه
نجية.بدموع.....انا من غيرك كنت ضيعة يا ضنايا بس خلاص بدال سمعت صوتك . يبقى ربنا احيانى من جديدة
علا ..هاتى بقه اكلمه يا ماما شوية......عمر حبيبى يا قلب اختك عامل ايه وحشتنى اوووووووى اووووووى. كده برده تغيب عننا ده كله ونفتكر انك استغفر الله موت ...
عمر..... حبيبتى يا علا وحشتينى اوووى. ومعلش كان غصب عنى والله ...لما أجى احكيلكم ايه ال حصلى
بس قوليلى اخبار غرام ايه
هنا تسكت علا...ومتعرفش تقول ايه
عمر..بصدمة...ايه مش بتكلمى...ايه اتجوزت
علا...لا ..لا...بس احنا منعرفش عنهم حاجة من ساعة محصل ال حصل..عزلوا من المنطقة ومنعرفش راحوا فين ولا حالهم ايه
عمر بحزن...ازاى ده راحوا فين بس ..وليه عزلوا اصلا
يا ترى انتى فين يا غرام ....
علا...متزعلش ان شاءالله نوصلها يا عمر
انت هتيجى امتى...
عمر...قدامى شهر بس واجى اكون اطمنت على الشيخ عثمان
علا...مين الشيخ عثمان ده
عمر.... احمد هيحكيلكوا الحكاية كلها.  سلام دلوقتى عشان مش قادر اتكلم ..ولا اقلك ادينى احمد الاول
الو..احمد......ياريت يا احمد تسئل عن اى حد يدلك على مكان غرام ضرورى اكيد ..ربنا يخليك ...
احمد...متقلقش مش هسكت الا لما اعرف هى فين بالظبط ..واقلك مكانها
عمر...وده عشمى فيك انت اخ عزيز يا احمد
وقفلت المكالمة على كده وسرح عمر. وتذكر ذكرياته مع غرام ...وتخيل انه معاها ..  على شاطىء البحر كما  كان فى اول لقاء لهم
........
نزل احمد من عند الحج عادل ..لبيت غرام القديم ..لعل وعسى يسئل الجيران عن مكانهم الجديد  فيعرفون ولكن للاسف باءت محاولته بالفشل فلا احد يعرف اين سكنوا
وتمر الايام ثقيلة على عمر وحزينة ايضا لعدم معرفته مكان غرام ..ويخشى ان يكون احد سبقه اليها فيكون ضاع عمره هباء ..
ومع الوقت تعافى الشيخ عثمان نوعا ما .فدخل عليه عمر...ليستأذنه للرجوع لاهله .
فبكى الشيخ...قائلا اتريد ان تتركنى كما تركتنى ميسون يا عمر.
عمر بحزن.....ما باليد حيلة والله ولكنى سأتى لزيارتك كل فترة اوعدك بذلك ولكنى أشتاق الى ابى وامى واختى وقد انتظرت حتى عفاك الله .
الشيخ عثمان...نعم الرجل انت يا عمر واعلم انه حقك ولكن لا تنسى الشيخ عثمان اباك ايضا
عمر بدموع ...واحتضن الشيخ ..نعم انت ابى ايضا واتعهد انى سأتى لزيارتك دوما
الشيخ عثمان..اعلم انك ستوفى بوعدك لانك ما أخلفت وعدك قط من قبل ..اذهب على بركة الله ولكن قبل سفرك اذهب الى محامى الشركة فلتأخذ نصيبك من اموال ..بجانب ارثك من ميسون رحمها الله قرة عينى
....عمر ....لا اريد شيئا كفى ان كنت بينكم كالابن حقا وعاملتونى بالاحسان .وكانت نعم الزوجة ميسون رحمها الله
الشيخ عثمان...لا يا ولدى هذا حقك ..ولا اريد ان يسئلنى الله عنه وكفا انا ما به من اثم فليغفر الله لى الى ان القاه نظيفا
.عمر....اطال الله فى عمرك ابى
الشيخ عثمان اذا فلتسمع كلامى وتذهب لاخذ حقك
عمر...افعل ان شاءالله
.....ومر بعض الوقت ايضا يحضر به عمر نفسه للسفر وقد استلم جميع مستحقاته واصبح مليونير بفضل الله وقد تبرع بجزء لبناء دار للايتام صدقة على روح زوجته ميسون
..... فى هذا الوقت كانت غرام تجهز نفسها للزواج فلم يبق الا ايام ..
كلما دخلت عليها اكرام وجدتها تبكى ....😭😭
اكرام...يبنتى حرام عليكى ده شكل عروسة قربت تدخل بيتها ...مفروض تبقى اسعد وحدة فى الدنيا مش كده حرام عليكى نفسك
غرام بحزن..مش بايدى .مكنتش متخيلة نفسى مع حد غير عمر ابدا ..
اكرام...يبنتى الله يرحمه ...وحازم برده ميتخيرش عنه بيحبك وبيتمنالك الرضا ترضى ...فحرام عليكى تكسرى فرحته بحزنك ده ..هو ميستهلش منك كده ابدا
غرام..بحسرة....بحاول والله بس مش قدرة صدقينى وحسى بيه شوية
..اكرام...لا انا تعبت منك بجد هنديلك اختك ..تخدك كده وتروحى تظبطى نفسك عند كوافير قبل الفرح .وتشوفوا حاجة كده نقصاكم ...
يا هدير.     .....نعم يا ماما ......تعالى يبنتى شوفى اختك عشان انا تعبت منها خلاص ...
هدير...معلش يا ماما وحدة وحدة وهتبقى زى الفل
حضنت هدير اختها بعطف ...وقامت بمسح وجهها من الدموع...يلا يا ست البنات ايه رئيك انا عزماكى بره على عصير قصب مرة وحدة 🤣🤣⁦☺️⁩ مبذرة انا صح
..فضحكت غرام .رغم دموعها قائلة.. ياه عصير قصب وجيه على نفسك ليه اوى كده
هدير...اخيرا شوفت ضحكتك الحلوة ...يلا هتلبسى بسرعة ولا ارجع فى كلامى ..
غرام بضحكة...لا انا مصدقت طبعا .اشرب العصير 🤣 وعايزة اغير جو....
اكرام...خدى البت دى للكوافير تعملها كده شعرها اصفر  وتنضفلها وشها ..قبل الفرح عشان تنور..بدل موشها اسود من كتر الحزن
هدير..بضحك...اصفر ...حاضر يا ماما تؤمرينى هخدها وهظبطهالك متقلقيش
يلا ..يا غرام بينا .. .وفعلا نزلوا.......وتوجهت هدير للكورنيش لعل نسيم البحر ..يعدل مزاج غرام شوية واشترت بعض الساندوتشات والعصاير والشيكولاتة
غرام...ايه ده كله ...انتى ورثتى ولا ايه مش كان عصير قصب بس 🤣🤣
هدير....اعمل ايه بقه زى بعضه لعيونك يا قمر
غرام لهدير....ربنا يخليكى ليه يا حبيبتى..
هدير..بس يلا كلى بسرعة الا لازم نلحق الكوافير...الا لو رجعتى بشكلك كده...امك هتنكد علينا 🤣🤣
....وبعدين فعلا ...راحوا لكوافير ..زى موصتهم الام وهما طالعين ..كان جمب الكوافير سوبر ماركت
وكان فيه شاب جميل وطويل بيحاسب الكاشير .لمح هدير وغرام ...بس قلبه مال لهدير أكتر ..وتلاقت عينهم مع بعض كأنهم بيعرفوا بعض من زمان
غرام...ايه يا بنتى وقفة ليه...خلينا نروح بقه الوقت أتاخر
هدير...ايوه يلا بينا ...
والشاب معلق نظره بهدير.  ..ومقدرش غير ان يمشى وراهم لغاية ميوصلوا بيتهم .ويسئل عليهم أحد الجيران
الست جارتهم....ايوه يا بنى..بتسئل على بنات الاستاذ بهجت ..مفيش زيهم فى أدبهم واخلاقهم ..عنده اتنين وحدة خلاص هتجوز كمان يومين والكبيرة يعينى ملهاش بخت اطلقت بعد مجوزها منه لله ضربها وسقطها ده كان معذبها واتظلمت معاه ربنا يعوضها خير
وعرف الشاب من خلال الوصف ان ال قلبه مال ليها هى المطلقة.واسمها هدير...بس هل اهله هيوافقوا انهم يجوزوه مطلقة ...بس هى انسانة رغم كل شىء وده نصيبها
فكلم ..صديق عليه ..الا هو مين بقه 🤣🤣🤣 عمر
اصلو الشاب الجميل ده هو أحمد صاحبه ..شوفوا الصدف بقه ..🤣🤣
عشان عارف ان عمر لسانه حلو وهيقدر يقنع أهله بزواجه من هدير
..الو......ازيك يا عمر
عمر ...خير..عرفت حاجة عن غرام
أحمد...لا والله لسه بدور
عمر.. امال خير فيه جديد
أحمد...اصلو قبلت بنت الحلال ..وعايزك...تقنع اهلى بيها ونرحلها سوا ..عشان هى مطلقة بس سئلت عنها وقالوا كويسين اوى ومتربيين كويس هى واختها
عمر....تمام...ده نصيب لو ليك خير فيها هتدخدها
وأسمها ايه بقه صاحبة الحظ دى
أحمد....اسمها ..اه قلتلى جارتهم..اه افتكرت ...هدير بهجت
عمر.....بتقول ايه ..هدير بهجت ..وليه اخت وحدة...
اكيد هما ...غرام حبيبتى
أحمد ..ايوه انا فعلا اخدت بالى من اسم غرام من الجارة بس قلت يمكن غرام تانية غيرها
بس يا صاحبى
عمر..  ...ايه فى ايه قلى متخبيش
أحمد ...الصراحة...ان غرام فرحها بعد يومين ...
عمر....لا مش معقول يستحيل تكون لغيرى... لازم الحق حب عمرى..قبل محد يخده غيرى
.....وقفل عمر وراح يحجز. عشان ينزل ملقاش حجز قبل يومين ...يعنى هينزل يوم الفرح
........وفعلا ...نزل عمر.... وجرى مع أحمد على بيت غرام يلحقها بس الجيران قللوه ان اليوم فرحها فى قاعة فينسيا .
جرى تانى عمر واحمد على القاعة
وكان ساعتها متجمع كل اصحاب حازم ومنهم سهيلة ال جت تودع حبيبها بنظرات حزينة وعينيها تملؤها الدموع ...وكان حازم بيتعذب من نظراتها وحزين جدا عليها ...ويبص لغرام هى الاخرى حزينة وتكاد تسقط من عينيها الدموع كأنها فى مأتم وليس فرح
وتمنى حازم للحظات...ان تكون سهيلة هى بديل غرام لعله يجد معها السعادة بدل الحزن الذى يطل من وجه عروسه غرام
....وفجأة يدخل القاعة ...عمر...وينادى باعلى صوته
غراااااااااااااااام غراااااااااام .غرااااااااااااام
فيهدأ الجميع وتقف الموسيقى والكل ينظر مترقب من هذا الذى ينادى على العروس
تنظر غرام لمصدر الصوت......فتجده ....من .....عمر
مش مصدقة عنيها ..ويكاد. قلبها يقف من الفرحة وكانها كانت تنتظره فارس أحلامها لينقذها .. فقامت تجرى اليه بفستان الفرح .ثم تسقط .من هول الامر ..فيجرى اليها ليحملها بين ذراعيه قائلا
غرامى ....هل مازالتى على غرامى😍😍 يا قرة العين
ام..اتركك واذهب ..تكملى حياتك مع من اختارتيه زوجا لكى
.لم ترد غرام بكلمات لم تستطع سوى ان تضمه بكل قوتها ..ويغشى عليها للحظات..فيفوقها عمر.فتنظر اليه بعين محبة...انت بجد عمر...ولا بحلم
عمر بحب....انا عمر حبيبة قلبى ..
غرام...اتأخرت كتير عليه بس الحمد لله جيت فى الوقت المناسب .
ونظرت لحازم...الذى يقف غير مستوعب ....وكذلك الضيوف ...غير واحدة تحول حزنها لفرح وهى سهيلة
....غرام.....حازم ..انا متأسفة اوى ليك...جوزانا كان هيكون اكبر غلطة لانى قلبى عمره محب ولا هيحب غير ال انت شايفه ده عمر قرة عينى .
ارجوك سامحنى.   وربنا يرزقك خير منى ان شاءالله ...انت تستاهل كل خير
حازم .بنظرة مكسورة...انا بتمنالك كل سعادة يا غرام
وساب.غرام. ..وبص لسهيلة..واخد الميكرفون..قائلا
ممكن يا سهيلة تقبلينى زوج ليكى ...وبعتذر عن الالم ال سببتهولك ..انا كنت غلطان...بالعكس انا من شوية كنت بتمنى انك تكونى عروستى بدل غرام
سهيلة...تبكى من الفرحة...والكل يصفق ...حتى غرام وعمر...
ودخلت غرام وسهيلة يتبادلون الملابس 🤣🤣
فسبحان جابر الخواطر
ارتدت سهيلة فستان الفرح بدل غرام ..وتم عقد قرانها على حازم .وسط تبريكات الجميع ..ولمس حازم يديها ...واحس باحساس غريب لاول مرة يشعر به فحمد الله ان أكرمه فى اخر وقت بزوجة مثل سهيلة تحبه من اعماق قلبها وهو ايضا...احبها كثيرا بعد ذلك ولم يندم مطلقا على اختياره لها
اما غرام... فقد طارت...مع حبيبها الى بيتهم مع ابيها ووالدتها الذين مازلت بيهم الصدمة وغيرمصدقين  ما حدث ....
وحكى لهم عمر حكايته من اول سرقة المخزن ليومهم هذا ....ولكن غرام ...عند ذكر زواجه وبالرغم من معرفتها بموتها الا ان الغيرة اكلتها وقامت غاضبة ...
بهجت...معلش يا ابنى .مغصب عنها انها اسمع انك اتجوزت .
عمر..عارف يا عمى. بس انا مكنتش عمر ساعتها كنت شخص تانى.والا كان يستحيل حتى افكر ابص لغيرها
....سمعت الكلام غرام .فرجعت لعمر....بابتسامتها الساحرة..فنظر اليها وابتسم ثم مسك يديها ونظر لوالدها...قائلا....انا بعيد طلبى تانى للزواج من غرام ....موافق يا عمى..
وبص لنجية...قائلا....ومش هجبلها شقة بس ...انا هسكنها فى فيلا...وان شاءالله هعملها مستشفى استثمارى هيكون فيها جزء للعلاج بالمجان صدقة لله باذن الله
...فرحت نجية طبعا بكلام عمر وبصت لبهجت الذى قال ..على بركة الله يا ابنى.
عمر ..صح انا نسيت احمد تحت 🤣🤣
بهجت مين أحمد يبنى..
عمر..ده صديق عمرى..وهيكون مدير اعمالى ان شاءالله وعلى فكرة...هو طالب ايد بنتكم هدير..
نجية ...بس يا عمر هدير ليها ظروفها
عمر ...هو عارف كل حاجة ومنتظر موفقتكم ..
نجية بفرحة.....وتنادى على هدير وعمر ينزل يجيب احمد ....وتتلاقى عيون احمد وهدير من جديد فتتذكره ثم تخفض نظرها خجلا...
بهجت...استاذ احمد طالب ايديك يا هدير ..بس هو مش دكتور ولا حاجة يا بنتى ...موافقة ولا
هدير...هعمل ايه تانى بالدكتور ..مخلاص..المهم يكون انسان اخلاقه كويسه ويعاملنى بالمعروف
احمد...اوعدك انى هخليكى اسعد انسانة فى الدنيا
هدير...بخجل ....وانا موافقة
....نجية..تطلق الزغاريد ...لسعادتها بابنتاها اللاتى رزقهم الله بقول رسوله الكريم ...من اتاكم من ترضون دينه وخلقه فزوجوه
....اهل احمد اعترضوا فى البداية...لكن وافقوا بعد مسئلوا فعلا عليها وعرفوا انها اتظلمت وانها بنت كويسة جدا وكمان دكتورة فافتخروا بيها 🤣🤣
.....وتم تحديد معاد فرح .....الاثنين مع بعض فى يوم واحد.....احمد وهدير.......وغرام وعمر💌💌💌💌
.......وتم فعلا الفرح ....وتراقص كل من العروسين على انغام الموسيقى الهادئة ...وعمر كان يحتضن غرام بشدة... وعيناها تدمع من كثرة الفرحة .بعد سنين الفرقة ...فسبحان من جمع الشتيتين بعد ان ظن انهما لن يلتقيا
....حب عمر...ان يقضى اسبوع العسل فى الاراضى المقدسة...ويعتمر هو وغرام ...شاكرا لله انه جمعه على قرة عينه وحبيبة عمره غرام ...ووافقت غرام وكانت سعيدة جدا....
....وبمرور الوقت ...عاش كل من هدير واحمد ...😍😍 وغرام وعمر...فى سعادة وهناء...
واكرم الله كلاهما بالذرية الطيبة ...
ولم ينسى عمر الشيخ ...عثمان...فكان يتردد على زيارته من حين لاخر
🤩🤩🤩🤩🤩🤩🤩🤩🤩
وفى قعدة جميلة..بين غرام وعمر فى بيتهم بعد فترة ليست بالقصيرة اكرمهم الله بطفلين
‌.نتذكر فيها مقدمة قصتنا غرام والنجار😍😍
عمر.......حبيبتى...مش هيجى يوم تندمى انك اجوزتى نجار..مستوى تعليمه اقل منك بكتير
غرام..وهى تضع يدها على فم عمر.....متقلش كده ابدا يا حبيبى ...انت اعظم واحن رجل شوفته فى حياتى
وشهادات الدنيا كلها متسويش حاجة قصداك...دى مجرد ورق يتعلق على الحيط ...
لكن العبرة بالسعادة والحب ال كان عمرى مهلاقيكم مع حد غيرك ..ولا فى منك ولا فى اخلاقك وتربيتك لاولادنا ومش مخلينا محتاجين لحاجة. ...ربنا يخليك لينا يا عمرى😍😍😍😍
عمر بابتسامة..ثم يضمها لصدره ....وميحرمنيش منك ابدا..يا منية الروح وقرة العين وسعادتى 🤗🤗🤗🤗🤗🤗🤗🤗🤗
أسعدكم الله فى الدارين
أتمنى تكون قصتنا نالت أعجابكم ورضاكم
متنسوووووووش لايك وكومنت يا قمرات 
ام فاطمة😍😍