في صباح أحد الأيام يجتمع عهد ونيرة للذهاب الي محاضره في كليه الإعلام قسم صحافه ويبدأ اليوم..
عهد: صباح الخير يا بت
نيرة: صباح النور يا حبيبي
عهد: التي شيرت اللي عليكي ده يلزمنى في يوم ها
نيرة: مش قبل ما الشنطة ديه تجيلي الأول
عهد: سلم واستلم يعني!
نيرة: بالظبط كده،، يلا المترو جه.
يصلان إلى جامعة القاهرة يدخلون محاضرتهم وتدخل الدكتورة وتقول أن الكلية أعلنت عن رحلة لكل طلاب إعلام قسم صحافه إلى الأماكن الأثرية الموجودة في الأقصر وأسوان لكي تكون هي مشروع التخرج لديهم ثم يكملون المحاضرة حتي نهايتها ثم يذهبون إلى كافتريا الجامعة ليجتمعوا بمريم و جهاد ورحمة أصدقائهم..
نيرة: ايه يا شباب الكلام علي ايه؟
رحمة: ايه يا حب اقعدوا يلا
مريم: إنما حصل حته موقف النهاردة مع جهاد يفطس من الضحك
عهد: ايه؟
مريم: يا بنتي وإحنا رايحين محاضرة دكتور أحمد جهاد اتكعبلت قدام شلة عبد الرحمن والكتاب وقع منها وراح عبد الرحمن اتنفض من مكانه وهوب خد الكتاب وهما بيقوموا سوا كإنهم في الخمسين وجو قديم اوى.. راح قالها انتى كويسه؟ راحت خدت الكتاب ولقيتها مشيت وسابتنا وراحت الحمام، روحت وراها لقتيها بتعيط! بقولها بتعيطى ليه؟ بتقولي لما وقعت صحاب عبد الرحمن ضحكوا عليا وهو كان عينه في عينى وشكلى كان وحش اوى.
رحمة: لقيتهم داخلين عليا واحدة بتضحك والتانيه بتعيط فسألتهم فيه ايه؟ راحو حكولي اللي حصل وطبعا اتفتحت من الضحك وهدينا جهاد ودخلنا المحاضره
نيرة ضاحكه: مش اول مرة علي جهاد يعني يحصلها الموقف ده.
عهد ناظرة إلى نيرة: يا بنتى بس بقي كفاية تنمر علي البت.. فاكره لما وقعتي قدام جاركم يا جهاد!
الجميع يضحك بصوت مرتفع ثم تقول..
جهاد: طب يلا يختى منك ليها نروح.
تعود كلاً من عهد ونيرة إلى منازلهم لإخبار أهلهم بمشروع التخرج والسفر إلى الاقصر وأسوان.. ففي بيت عهد حدث الآتى..
عهد: بقولكم ايه انا مشروع التخرج بتاعي سفر
الأب: سفر.. سفر ايه؟
عهد: الاقصر وأسوان
الأب: الله يخربيت الجماعات علي سنينها لازم يعني المشروع يبقي فيه سفر ما كنتى عملتي اي بحث من جوجل وخلاص!
عهد: جوجل ايه يا بابا لازم اعمله علشان اخلص بقي من الكلية والتخرج.
الأب: وديه كام يوم؟
عهد: اسبوعين يا بابا اسبوع هنا واسبوع هنا
الأب: يا جمالوا.. اسبوعين برا البيت يا ست هانم
عهد: متخفش يا بابا معانا مرشدين وناس طالعه من الجامعة علشان التنظيم وقاعدين في فندق ٣ نجوم واكلين قاعدين شربين.
الأب: ماشي يختي اهو آخر ترم وعلشان التخرج بس،، وديه هتروحيها امتى يا هانم؟
عهد: قالوا كمان يومين نكون حضرنا نفسنا والشنط وهكذا
الأب: تروحي وترجعي بالسلامة يا حبيبتي
عهد: حبيبي يا كبير يا صاحب البيت.
#فرح_هانى
أنت تقرأ
وقت الشدة
Mystery / Thrillerصديقتين منذ الصغر قررت الجامعه أن يذهبوا إلي الاقصر وأسوان لعمل مشروع التخرج ثم يقابلوا أصدقاء الجامعه الشباب ثم تتعرض احدي منهما لوعكه صحية فهل تنجو منها؟
