شونكم عسولاتي
عساكم بخير
هذ لبارت بنسبه اليي فدشي تابعو
وتوقعاتكم اريده
ولتنسون تصويت
فديتكم
#بارت 26
#زينه عدي
*** الموصل ***
بلحظه حسيت كولشي انكلب عليه
الكلام الي جان جلم اكوله صار حقيقه وكلته واله
كولشي بيه انكلب
وهو متقرب مني
همس ...كل هذ ضامته
دفعته بلا وعي
نجمه ... انت وهمي موو اكيد مو حقيقي
تغيرت كل ملامحه
فهد ... هاا ترديني اكون وهمي شكد حابه طول قصتنه
شوفي حالج تهلوسين باسمي
ليش دتكابرين ليش هيج دسوين ليش مكتيلي ولج كلمة منج جان نهيت كل هل امور ومجان صار هيج
نجمه .. لحد هسه ممصدكه حغمض وفتح وحتختفي ي لان دا اتوهم
غمضت وكلت
دخيلك ربي ما اريد انحط بهل موقف عزه بعيني يويت
نفسي زاد وعبالك داخله بسباق لماروثون
محسيت غير بصوت سدات
سدات ... فهد شدسوي هنا
فتحت عيوني وكام فهد وعيونه نار
فهد .. شدا اسوي سالي اختج كوليله تره اني مو خيال
خطيت ايدي على حلكي اتخبلت اختي
سدات .. احم احم حبيبتي كومي لمي كفشتج وشبيج هيج خاتره بزاويه عبالك واحد كاب بوجهج
يااا شبيه لبنيه مخلوسه
يضحك بعصبيه
فهد ... هه اختج هيج مخروعه لان من كثر متتخيلني وتتخيل ترزلني دائما فعباله خيال
وضبتهن كولهن شحجيلج عن رزايل لو لغلط لو ولو ..
سدات .. صخام صخمني مثل ثوله متعرف تلم السانها
فهد ... شنو كلتي
سدات .. مكلت بس روح اطلع مشوف لبنيه جامده
فهد ... بسببج صار بيه هل مصايب خليه بالج نجمه حالتج هاي من ايدج
سدات .. كاافي اكو امور متعرفه
فهد ... وشنو هل امور شنو هل موضوع والامور الي تخليه هيج ساكته
طال لهدوء بينه وبعدين نفخ وطلع
لزمتني سدات وكعت دك رزايل
سدات .... لج صخام ثوله عوبه مصخمه ملطمه شجاج شبيج كمتي متميزين عماج هل حب لو داخلين علاقه شون اووف يربي تخبلت
معرفت شحجي صدوك صخمت
يربي شسويت عزه بعيني
صعب لواحد يحجي كل لبداخله اكو امور
بنسبه الج شي
وبنسبه لليسمعه شي لاخ
شيكول عليه متحترم هوووووف
نجمه ... ولج حتخبل مخليت كلمه مكلته عنه وعن بت عمه هو انزعج لج شون حباوع بوجهه
سدات ... صخونه حايره بت عمه
نجمه .. اي عيب ميصير هو خاطب
سدات ... ي خلص نجبي وسكتي لزمي لسانج
نزلت سدات حضرت لغده واني بقيت بالغرفه والله ما الي وجهه انزل
ياكاع انشكي وبلعيني
لا لا ابدد ولا انزل حبقه هنا لو ما عسه تنكلب دنيا ما اطلع
بقيت افتر بالغرفه ولوم بروحي شهل موقف
ما احس غير ياسر صاح
.. انزولي نجمه شبيج ولج
زاد توتري ياسر مو وكتك والله عوفني
انفتحت لباب وعبالك فتحو باب كبري
بقيت ابلع ريك
وحاطه ايدي على كلبي
ياسر .... ولج شبيج مثل لمخروعه مصخنه خاف
لا مو مصخنه اختك اجته جلطه قلبيه
ياسر ... احجي شبيج اخذج مستشفى
نجمه .. لا حبيبي مابيه بس شويه متمدده وتعبانه
ياسر ... متمدده مو هياتج كاعده
نجمه .. اهوو ياسر عوفني ما اريد انزل هفف
ياسر ... شكو صاير
نجمه ... ولك مابيه يووو
ياسر ... انحبي وكومي نزلي بيبي تريدج
شتريد هسه
ياسر ... شبيج تبسبسين غير افهم
نجمه .. كمت كمت
نزلت وايدي على كلبي عبالك حقابل دفاني
نزلت وبده لسان نعيمه
نعيمه .. ولج هااا نولي سلمي هيج مو بعينج
دنكت بسته وفهد نظراته نظرات اعتاب
نجمه .. اسفه خاله شونج
نعيمه ... بخير يروحي
كعدت يم بيبي وبيبي منزعجه اكيد لان منزلت
نعيمه ... شنو مسلمين على فهد
بيبي خزرتني
حقكم متدرون مسلمه عليه وسلام ممطروق
انداريت وجهت وجهه على اتجهه بس مباوعت بعيونه والله اخرط من لخجل
نجمه ... اهلا ابن لخاله
درت وجهي وملامحه تبين انزعاجه
بقو يسولفون وفهد ملتزم الهدوء
طلع ياسر يجيب صمون
وسدات كامت للمطبخ
وخالتي سولف ويا بيبي
وفهد بعده ملتزم لهدوء
بيبي .. نجمه كومي نزلي كونيت شكر من فوك
استغربت بيبي ابد متطلب هيج شي من يمنه ياسر دوم هو لينزلهن
فهد ... بس بيبي بعده جرحه
نعيمه ... كوم لعد عاونه حطي بسطل ونزله الها
فهد كام وخالتي بعده تحجي مبين عنده هواي حجي
باوعت على بيبي بنظرات ترجي ( لسوين هيج بيبي )
كمت واني اعرف
وصلت لباب مسدود
اكدر افتحه بس ياتره حفتح
باب جهنم لو باب جنه
حتكون متعصب لو حتكون متفاهم حتواسيني لو حتشفق عليه
صعدت وصلنه للبيتونه
وبده اسئله
فهد ... احجيلي ليش هيج سويتي
نجمه .. لازم ترفعلي كونيه شلت سطل
جان يسحبه من ايدي وشمره
فهد ... من حقي اعرف احجي
نجمه ... شحجي مو حضرتك لقررت تزوجه انت بقيت ساكت ومبادرة وحجيت
فهد ... لج نظراتي الج مو كافيه
نجمه .. نظرات شنو ونت بكل فرصه صحلك جنت تهيني
وتحسسني ضيفه
فهد ... عندي اسبابي وحقي هيج اصرف سالفه الادويه ونور وسطح عبالج مظلت بالي بس وكفت بووجهم وصفيت يمح واني ما اعرف شنو ديصير
وياج
بس وكفت لخاطر كلبي
وكفت ضد بت عمي
نجمه ... بس مقصرت بالحجي عليه
فهد ... هاي الاعادات الي تربية عليه بس كلمة منج جان خليتيني غيررر دتفهميني
سحبت نفس عميق ونتجيت على لحايط
فهد ... مخطبت
فتخت عيوني مصدومه
نجمه .. مخطبت؟؟!!!
فهد .. اي مخطبت بس حجي بين لعائلتين لحد هسه ماكو شي رسمي
تغيرت كل افكاري ورجع بداخلي امل انو يتغير كولشي
فهد ... صار وقت تحجيلي يجوز انتي لحتلمسين جفوفي ونتي حتهتمين بيه
بس سلميني روحج وحجيلي بدون كل خوف
بلعة ريك لخوف خلص ليحب كولشي يسوي
نجمه ... راح احجي كولشي الك ولسوي حيعكس قوة مشاعرك الي
احجي وعيوني دمع
نجمه ... تاكد ما الي اي ذنب بالي صار وماكو صحه من هل تهم
فهد .. احجي
نجمه .... احنه مرفوع علينه قضيه
فهد ... وسبب
نجمه ... اعل ابويه اتبرو من يمنه من مات بابا اتبرو من يمنه على انو اولاد حرام طعنو بشرف ماما
احجي وملامحه كله دغيرت وحسيت لفرحه حتودعني معقوله حيكون من هل نوع
ويتفهم الامور بسلبيه
حجيتله كولشي نزل وحسيت بي بدون وعي بقيت بمكاني وكعت بالكاع ونهدمت كل امالي
جان املي لوحيد ونهدمت
أنت تقرأ
دمعة اليتيم خلف ظلام
Roman d'amourالقصه حقيقيه عراقية تحجي عن معانات ايتام تعرضو للظلم وتهم بأنو هم اولاد حرام من قبل اهل ابوهم 🔥
