ندي قلبي

ندي قلبي الفصل الاول

نوفيلا "ندى قلبي"

"اللهم افتح بينى وبينك وانت خير الفاتحين وخذنى اليك مني يا أكرم الأكرمين
اللهم أفتح علي فتوح العارفين الفاهمين واجعلني من ورثه العلم
والدين "

البارت الاول

في شارع من الشوارع الشعبية نلاقي اياد عنده 15 سنين بيلعب كورة مع اصحابه وفي الناحية التانية ندى عندها 8 سنين تجري مع اصحابها اللي من سنها وهي بتجري وقعت واتعورت وجري عليها اياد....
اياد: ندى انتي كويسة ؟
بصتله ندي وعنيها كلها دموع وقالتله : رجلي بتوجعني اوي يااياد
قالها : ماتخفيش ياندى هساعدك نطلع لطنط فايزة وهي تشوفك
ساعدها اياد وطلعها عند امها
(فايزة ام ندى )
طلعها وراح جاب ليها حلويات كتير عشان ماتعيطش وفضل جنبها لحد ما امها ربطت ليها الجرح وهي فرحت اووووي
وتعدي الايام تتعلق ندى بإياد اكتر وأكتر وتزيد غيرة اياد علي ندى من اي ولد يكلمها او يلعب معاها ..
(ندى واياد جيران قصاد بعد وام اياد وام ندى اصحاب ويعتبرو  اهل  )
عدت الايام والسنين بقي اياد عنده 17 سنة وندى 10سنين وكان عيد ميلادها وامها عملتلها عيد ميلاد صغير بتورتة وحلويات من عمايل ايدها واتجمعه العيلتين واحتفلو وجه اياد وقدملها سلسلة فضة جميلة اوووووي عبارة عن نص قلب عليه حرف A وقالها : اوعديني انك مش هتشليها من رقبتك ابدا
قالتله اوعدك وفرحت اووووي بيها
قالها والنص التاني من القلب معايا وبرضه مش هشيلها ابدا وكان عليه حرف N ولبسوها هما الاتنين وكانو فرحنين جدااااا وفات اليوم حلو والكل فرحان
وبعد فترة قصيرة قرر ابو اياد (محمد الاسيوطي) انهم هيسافرو.
زعلت ندى جدااا واياد زعل اكتر بس وعدها ان هو هيرجع قريب وهيوصلها مهما حصل
ضحكت ندى ضحكة خفيفة مش باينة وبدموع في عنيها قالتله : ماتنسانيش يااياد
قالها: مقدرش انساكي بس حافظي علي نفسك ومذاكرتك
هزت راسها بمعني حاضر
ومشي اياد هو وابوه وامه واخوه الصغير وأخته (تؤام) قد ندى

وعدت الايام عادي مافيش اي جديد غير ان ندى بتستني اياد يرجع او يكلمها وبتذاكر زي ما وعدت اياد

بس اياد مرجعش ولا اتصل بيها لحد مايئست انه يرجع يكلمها

**********************

وبعد 8سنين
كانت ندي عزلت من منطقتها علشان باباها الايجار القديم غلي عليه وراح منطقة تانية البيوت فيها ارخص علشان مراته كانت حامل وكانت مريضة والحمل كان تعبها والمصاريف زادت عليه اوووي بسبب ان ندي في ثانوية عامة ودروسها وكمان مرض زوجته ومصريف الحمل خصوصا ان الحمل خطر عليها علشان عندها القلب بس هي رفضت تنزل الطفل واصرت تحتفظ بيه .
وفي يوم كانت فايزة بتولد خلاص و كانت تعبانة جداااا وابو ندى وداها المستشفي ودخلت اوضة العمليات وفضلت كتير وفي الاخر خرجت بس حالتها مش مستقرة ...
دخل ليها جمال (ابو ندى) هو وندي والحزن مسيطر عليهم بس حاولو يدارو قلقهم اتكلم جمال و قالها وهو بيضحك : حمدلله علي سلامتك يافايزة
قالتله : الله يسلمك
انا جبت ايه
قالها : بنت جميلة زيك
قالتله : اسمها نداء عشان تبقي قريبة من ندى
ندى: حلو اوووي ياماما
فايزة : خالي بالك من اختك ياندى انتي هتبقي امها مش اختها انا خلاص مش هعيش اكتر من الي عيشته