ندي قلبي

ندي قلبي الفصل الثاني

"نوفيلا "ندى قلبي "

"رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ "

البارت الثاني

ندى وجميلة قاعدين مع بعض في البيت عند ندى وبعد اقتراح جميلة فضلت ندى تبصلها بتفكير في كلامها وقالتلها : مش عارفة انا خايفة وقلقانة

جميلة : قلقانة ليه بس انتي صوتك حلووووو اوووووي والمطعم ده بيحب ان يبقي في حد بيغني مع الفرقة ومشهور وفي ناس كتير فجربي مش هتخصري حاجة

ندى : طيب وبالنسبة لحجابي وان لبسي واسع مش هيرفضو ؟

(ندي كانت محجبة ولبسها محترم جداااا بتلبس درسات طويلة يأما جيبة وعليها حاجة طويلة والحجاب محليها اكتر)

جميلة : لاء طبعا وهما مالهم اهم حاجة ان لبسك شيك وصوتك حلو اي حاجة تاني مالهمش فيه
بصتلها ندى بتفكير وقالت :

خلاص هفكر واصلي استخارة وهخليها علي ربنا

جميلة : خلاص وانا هستني تعرفيني يلا همشي بقي

ندى : ماتخليكي معايا شوية
جميلة : مش هينفع عشان بابا
وسلمو علي بعض ومشيت جميلة

ندى لسة بتخاف من الوحدة وتدخل تأكل اختها اللي بقي عندها تقريبا ٦ شهور وصلت فرضها واخدت اختها في حضنها ونامت

*************************

وجه تاني يوم وفعلا راحت ندى وجميلة المطعم وقابله صاحب المحل راجل محترم كبير في السن تقريبا ٥٠ سنة احترمها جدا واتكلم معاها شوية وسألها شوية اسألة .....
وقالها : طيب ممكن اسمع حاجة قبل مانتفق

بصتله وبصت لجميلة بخوف وقلق هي اول مرة تغني قدام حد غير صحابها بصتلها جميلة وهزت راسها بمعني يلا انا جنبك وبدءت ندى ....

"حيرت قلبي معاك.. وأنا بداري وأخبي

قل لي أعمل إيه وياك.. ولا أعمل إيه ويا قلبي

بدي أشكي لك من نار حبي.. بدي احكي لك ع اللي في قلبي

وأقولك ع اللي سهرني.. وأقولك ع اللي بكاني

وأصور لك ضنى روحي.. وعزة نفسي منعاني ......وعزة نفسي منعاني ....."

المدير بصلها وقالها : صوتك حلو اووووي انا ماكنتش متخيل ابدا انه كده اعتبري نفسك اشتغلتي من دلوقتي

ندى بفرحة وضحكة كبيرة علي وشها : انا مش عارفة اشكر حضرتك ازاي شكرا جدا

المدير : انا اللي اشكرك علي صوتك الجميل ده تقدري تيجي بكرة من الساعة ٣العصر وهتمشي علي الساعة ١٠بليل