ندي قلبي

البارت التاسع

"نوفيلا " ندى قلبي "

🎋 اللهم إني اعوذ بك من زوال نعمتك وتحول عافيتك وفجاءة نقمتك وجميع سخطك
🎋اللهم إني أسألك النعيم المقيم الذى لا يحول ولا يزول
🎋اللهم إني أسألك عشياً قاراً ورزقاً داراً وإبناً باراً وعملاً صالحاً متقبلا
🎋اللهم إني أسألك تمام النعمة وكمال الفضل والمنة "

البارت التاسع

اياد فقد السيطرة علي نفسه وقام لبس ونزل وهو نازل امه شافته وفضلت تنادي عليه وهو ركب عربيته من غير مايرد عليها وبقي سايق زي المجنون ووصل لمكان معين نزل وهو منهار

وقال : انا بحبك بحبك والله بحبك ليه سبتيني ارجعي انا تعبان من غيرك مشيتي ووعديني انك مش هتسيبني خلفتي بوعدك ليه لييه يا ندي انا تعبان اوووي من غيرك هونت عليكي هان عليكي ايادك يا ندي قلبي هونت عليكي مش وعدتيني انك هتفضلي جنبي مكنتش اعرف اني هونت عليكي يا ندي هونت علي قلبك انتي شايفاني حاسه بيا حتي احلامي بقيتي مش بتيجي فيها يا حبيبتي وبعدها قال بجنون انتي حبك ابتلاء ابتلاء انا ابتليت بيكي يا ندي ابتليت بيكي يااارب يا رب خدني ليها يارب او خرجها من روحي الي سكنتها انا بموووت والله العظيم بموت ارحمني ارحمني برحمتك الواسعه يارب انا مقهور يارب

وبعدها انهار في الارض وفضل يعيط جامد وماحسش هو فضل قد ايه غير والنهار طالع قام ركب عربيته ورجع الفيلا وكان الكل نايم دخل برضه للمذكرات اللي قراها فوق 10مرات في الفترة اللي فاتت واهمل شغله اللي خد منه اجازة مفتوحة واهمل نفسه وصحته

***************
في فيلا محمد الاسيوطي

عدا يومين علي سفر اياد وندى ومحاسن كلمت عزيزة ام جميلة واتفقت معاها علي معاد عشان كريم يتقدملها وهي فرحت جدا ورحبت بالموضوع وجميلة فرحت بس كانت مستغربة تصرفات كريم وتسرعه وراحه في المعاد اللي اتفقه عليه "محاسن ومحمد الاسيوطي وكريم وريم ومالك اللي كريم صمم انه يبقي معاه مكان اخوه"

عند جميلة

كلهم دخله وعزيزة استقبلتهم بفرحة هي وابو جميلة (ابراهيم) وبعد وقت بسيط محاسن لاحظت توتر كريم الغريب عليه وعينه كل شوية تبص برا فحبت تخفف عنه وقالت: اومال فين عروستنا

عزيزة بأبتسامة : حالا هتيجي لحظة واحدة

ودخلت هي وريم عشان يجبوها (بما ان ريم بقت صاحبتها اوي)

ريم داخلة بهيصة وبتخبط علي الباب

ياعروسة ياعروسة انا اخت العريس هههههههههه اكيد مش العريس يعني

ضحكت جميلة وحضنتها وقالت :انا خايفة

ريم حطت ايدها علي دماغ جميلة وقالت: انتي سخنة مين دي اللي خايفة جميلة اللي بنلم لسانها بالعافية ومن مين من كريم اللي كل شوية ماسحة بيه الارض