ندي قلبي

5

" نوفيلا " ندى قلبي "

🍃بسم الله ما شاء الله لا يسوق الخير إلا الله
🍃بسم الله ما شاء الله لا يصرف السوء إلا الله
🍃بسم الله ما شاء الله فما كان من نعمةٍ فمن الله
🍃بسم الله ما شاء الله ولا حول ولا قوة الا بالله

البارت الخامس

راحت جهزت بسرعة وفي ثواني كانت مستنياه تحت وخرجو راحو الملاهي واتبسطو جدا واتغدو وروحو واول مادخلو الفيلا جريت علي محاسن وباستها وقالتلها : كان يوم حلوووو اووووي

محاسن : ربنا يفرحك دايما ياحبيبتي يلا اطلعي غيري ونامي

قالتلها :حاضر

طلعت ومحاسن بصت لاياد وقالت بحزن : لحد امتي يااياد كفايا ياحبيبي

اياد بص لأمه بصة هي فهمتها وسابها وطلع وهي دعتله ربنا يصلح امره

طلع اياد الاوضة ودخل واول حاجة عملها مسك المذكرات ....

خلص اياد الاجراءات لندى وخدها وراح الفيلا عندهم ودخل الاول لقي امه وقالها : ماما جهزة للمفاجئة اللي قولتلك عليها

بصتله محاسن وقالت : خير يااياد

بصلها وابتسم وخرج لندى اللي كانت واقفة برا بأمر منه ودخلو بصتلهم محاسن بستغراب شديد واياد فهم نظرتها وقال : ايه ياامي مش عارفة مين دي

محاسن : مش عارفة بس ملامحها مش غريبة

لسة اياد هيتكلم قاطعته ندى وهي بتقرب منها والدموع في عينها وقالت : انا ندى ياطنط محاسن

محاسن بفرحة ودموع شدتها لحضنها وقالت : ندى ياااااااه وحشتيني اووووووووي

ندى : وانتي وحشتيني اوووي

اياد : طيب ايه هنقدي اليوم كله علي الباب وانتو حضنين بعض

محاسن وهي لسة حاضنة ندى قالتله : مالكش دعوة سبني اشبع منها
( محاسن كانت بتعتبر ندى زي ريم بظبط)

ندى : وانا كان عاوزة اشبع منك حضنك حنين اووووووي من زمان نفسي في حضن زي حضنك انتي وماما علي طول بحس ان انتي وهي واحد
دمعت ندى ومحاسن مسحت دموعها بكل الحنان والامومة اللي في الدنيا

وقالتلها : ربنا يرحمها ياحبيبتي اياد ساعت لما عرف وقالي زعلت عليها اوووي بس انا اهو مكانها اتفقنا

ندى : اتفقنا ربنا يخليكي ليا

كل ده واياد واقف وعلي وشه ابتسامة حلوة وبعدين خرج ابوه وشاف ندى وبعد ماعرف ان هي دي ندى وشه قلب شوية عشان هو مش حابب تعلق اياد بيها ولسة محاسن هتسأل ندى عن تفاصيل كتير قاطعها اياد وقالها : طيب نتغدا الاول ولا ايه

محاسن : ايوة صح اتلهيت ونسيت موضوع الغدا ثواني والسفرة تجهز

وقامت محاسن تشوف الغدا ودخل محمد الاسيوطي المكتب وفضل اياد وندى وهما قاعدين دخلو كريم وريم وبصتلهم ندى بفرحة بس هما ماعرفوهاش