صباح الخير
حكايه زمن
الحلقه٣
لذكرى المندلاوي٠٠٠٠
عبد الرحمن
ششنوو عمي تحجي صدك تشاقههوزان
شايفني جاي اضحك اكيد احجي الصدك
اني متندم ٠٠بنتي صغيره وياهو الجاي اكل وجهي
شلون بايعه الك ٠٠٠٠وبعدين هيه هنا تشوفها كدامك
طاكه بجي متريد تروح وياك واليوم اول مره
من حياته اسمعها دكولي
يابه اني واكعه دخيله عندك
ذهب دخيله عند ابوها٠٠٠ وين صايره يأمه الاسلام
شسويت بروحي (دك ع راسه)عبد
بس عمي اني مو مجرم كدامك حتى تتندم الي يسمعك ويشوف حالتك يكول بايكها مو مرته وعلى سنة الله ورسوله
واني حبيتها واعاهدك كدام هاي الناس كلها وامام ربي ماطخها الحد ما تكبر وتفهمهوزان
لعد ليش اخذتها
اولا اخذتها برضاتك وانت ابوها وكيل عنها
وثانيا لان حبيتها الله ورسوله شاهدين عليه
خفت لتروح لغيري وبنتك دخلت بگلبي وعقليالتفت هوزان الذهب (جانت عيونها تتوسل ببوها يرفض )
رجع باوع العبد (عيونه تتوسل ينطيها اله وهيه مرته حلاله وعلى سنة الله ورسوله وهذا حرام الي جاي يسويه بي)
حار بينهم
وصوت المزيقه والهلاهل ادك براسه
تهستر راد يصيح بكل علو صوته
اسكتوووا ٠٠٠بس ميكدر
مخنوك ٠٠٠الصرخه خنكته بداخله
دنك وطول الصمت
اهنا دخلت كافي
جان عبد يستنجد بيها
ام حسن دخيل الله ودخيلج قنعي اخوج يمشي العرس على خير عيب من عمامي وعشيرتي جايبهم من تلفات الدنيا وصار اسبوع ومن تصير زفتي
يكولي بطل ماعندي الك مره
هاي وين صايره شجرمت اني بدنيتي السوده غير
ابويه هسه ينجلط بس يسمع
شنوو هو لعب جهالكافي ٠٠٠٠وسعت عيونها ع هوزان مصدومه
جان ادكول
صدك تحجي ابو احمدددد (من تحجي تجر وياهة الحرف الاخير بتميع هاي همه كلهم خواته هيجي يحجون )هوزان
ظل ساكت ومدنك
كملت
مو عيب من العالم شدكول ع بنتك شوف شاف بيها الولد وعافها بيوم زفتها
جان يرفع راسه ويصرخ بوجهاالي يحجي حجايه ع بنتي اذبحه بيدي هاي الاثنين
مد ايده فتحهن ويأشركافي
اي يحجون مو كدامك وراك٠٠هوزان فكر بيها زين
انت راح تخرب سمعة مو بس ذهب وبناتك البقيه
همين
جان تبجي ذهب
يعني شنو عمه ترديني اروح وياه لا والله ماروحجان تملخ وجها
ولج كافي ذهب راح تخزينه ونصير علج بحلك الرايح والجايجان عبد يطلع وهو يكول الكافي
عمه اني طالع ٠٠٠ هسه ينتبهون شوف شكو شصاير
تعرفين العالم تحجي
روح يابه روح معليك البنيه حتبات بحضنك الليله
مرتك وحقكصاح هوزان
تعال احجي وياكرجع عبد بعد ماتخطه باب الغرفه
احجي عمي وشدكول ع راسي
ذهب تباوعلهم وتباوع بعيون ابوها عسى ولعل
أنت تقرأ
حكايه زمن
Romanceقصه احداثها وقعت في السبعينات وتلاوت على مر الزمن الصعب قدر فتاة لم تكن قد خطتها بيديها وكيف تجارت مع الحياه وقلعت اشواكها رغما عنها وقد بدت اثارها واضحه بمرور السنين احبت ٠٠كرهت٠٠٠ عشقت٠٠٠ تناست عرفت الحزن والخوف فباتت قويه وبات الخوف يخاف...