صباح الخير
حكايه زمن
حلقه الخامسه
ذكرى المندلاوي
٠٠٠٠٠٠٠٠٠ذهب
عبد كام يجي من وكت بعد ما امه حجت لعمي الي هو ابو
عمي مقصر بيومها سب وغلط وحته راد يمد ايده عليه وعمتي وبناتها وكفن كباله
واحمد اخوه اخذله ضربه بمكانه وحسن جان بلدوام
بيومها انخبص البيت والتمت علينه بقيت الساكنين
بصفنه بلغرف
همه جانوا بعيدين عنه بس صوت عمي عالي وهو يصيح بعبد
عمتي
يبوو اختزينه واحنه طول عمرنه صوتنه ميطلعبرويز
كله من هاي نيران الادبسزز متجوز شنو من مره
لاحكته بعد متزوج شتريد منه تهجم بيته تريدنسرين
هيه يمته جازت حته تجوز هسه ترديها
برويز
عجيبه هيه متزوجه شتتوقع يعني
نسرين
شبيج هيه ليش هامها رجلها هاي بايعتها من زمانام عبد
كافي بعد ماريد اسمع تعبت تردون تموتوني
شيرين
احنه شعلينه هو ابنج الي مهامه لا سمعه اهله ولا معبر امه لو ابو هذا شوكت يبطل سوالفه وين بعد نروح لاخر ديره الله من وراه
ام عبد
هسسس كافي ولج متشوفيها المرته بس تصفن بلوجوه وجاي تسمعكم
نسرين
هههه هو شخله بعد مو كلشي صار واضح الاستاذ ابنج نايم بلعسل وهيه جاي تتكلوط مثل السمجه
والله حرام چي صغيره وعلى كد ايدهذهب اباوع العمتي خنزرت بيها وعمي صاح
دزي عليه احمد لا اروح اليوم اسبيها للدنيا هناك
عمتي
صار بس انت اهده شويه ونصيلي صوتك مو حته خليت المدره ٠٠يدري بصياحك
كام عليها
ولج ليش بعدج ادافعين عنه ٠٠٠اكيد ؟ مو تربيتج الزفره
برويز
اهووو هم راح يتعاركون من وره عبد افندي ٠٠٠
ونيران خانم
ام عبد
هسه صارت تربيتي وصوج مني الوحدي؟؟ وانت
مو هاي بنت صديق العمر والي جبته وياك من تلفات
الدنيا وحسبته اخوك والدنيا كلها مصدگه
حته بناتي حتخرب سمعتهن من وراهم ٠٠خليني بالعه ضيمي و ساكتهابو عبد
شمدريني حيطلعون هيجي هو اني شام ايدي شو هو الرجال خير بس اخخخ
عظ اصبعه
صوجي اي والله صوجي
برويز
بس يابه كافي لتسوي بروحك هيج خل يولون هو ياهو الي طابلهم لو حاجي ويه بناتهم همه الي يجون
نطرد بيهن وميفيد ٠٠٠ احساس ماعدهن
عمتي
دكومن كافي وكت صلاه ميجوز
وانتي ذهب بس يجي رجلج لتسولفيله الي صار
ونيران اني الها
نسرين
تعالي ذهب خل نحمي الاكل
ذهب رحت وياهة واني بعدني مفاهمه الي جاي يصير كأنو الشغله متخصني بس تمثيليه جاي تنعرض كدامي والفضول عندي استمع هذا هو ٠٠
واني مجرد متفرجه وبس شي ميخصني
بذيج اللحظه جنت عديمه الاحساس مادري لان كلشي يدور حولي جديد ولاول مره ؟
لو عمري مواصل المرحله اكون زوجه واغار على رجلي ٠٠لو اني يمكن ماحبه العبد وهل مشيه حياتي
عادي كطفله وجاي تلعب بيت بيوت٠٠٠مهمني غير شي واحد ٠٠٠وهو٠٠٠ انتظر واحسب الايام يوم يوم حته يجي الخميس وابات يم اهلي
مثل ماوعد عبد ابويه
وهو مكال لامرت الايام
ونيران اشوفها يوم وره يوم تاخذ رجلها هواي على البيت صارت حته اشوفها مرات جايبه بخچتها حته تسبح يمنه وعمتي والبنات
ساكتات ضامين عليها ٠٠٠يخافون ليسمع عمي وتصير مشكله مثل ذيج المره
واني هم وياهم ساكته
وهو نفس اسلوبه ويايه مثل اول يوم زواجنه ميتغير
لحد ما بديت اتعود عليه وشويه شويه خلاني اتعلق بي٠٠٠وماعرف انام الا بفراشي وعلى ايده عودني
يعاملني كطفله واني ارتشف منه حنان الاب الي فقدته من وكت
اسمع من البنات تحذيرات تخص نيران واهلها
حته عمتي تكعد توعيني
ديربالج منها حطي عينج عليها زين من اتخش غرفتج لتحطلج شي بفراشج لو بلمخده
واني اكللها ليش مو هيه حبابه مجاي اشوف منها اذيه
برويز
اطمني بيدها
ولج انتي اشبيج ليش بارده ماشوفيها شلون ماخذه رجلج سويلج شي خليها بعد متگرب يمه
واني افر بذني ماعرف شنو قصدها
الي ان فد مره من المرات حجيت الامي الي جنت بس اروحلها تكعدني يمها بس توكل بيه مسويتلي
اشكال وانواع تعرفني استحي اكل اهناك
عاشت ايدج يمه بس ليش هلكد مسويه
سعاد
دكلي وحمدي ربج وخزني اشكد متكدرين
وئام
اتريدين اتسويها طوبه مثلج
ياااا اسم الله اني طوبه شوف جسمج وشوفي جسمي عود احجي
شبيه عيني شو طويله ورشيقه وغصن بان
ديار
كافييي انتم متجوزن على اي شي تتنكارن خل نفتهم من اختكم شكو ماكو ٠٠٠شبيها مبيها والله لتفك حلكها لا الطها عليه هلمره
التفتت عليه
يمه سولفيلي شلونهم بيت عيالج رجلج شلونه وياج
زين
هزيت راسي والخاشوكه بحلكي
زينين يسلمون عليج
الله يسلمهم
ديار
ذيج المره بلسوك شفت مرت عمهن وحده من بناتها
اسمها راح من بالي هيج نار
كتلها
نيران
اي نيران عفيه عليج ٠٠٠شو مرتاحيتلها نظراتها معجبتني ومن جاي اروح ذبت حجايه عود جاي تسمعني
كالت
مكيفه عود مزوجه بنتها ومرتاحه ههههه
حسيتها تقصدني
كتلها
خل تولي ذيج المره عمتي طردتها من البيت
ليش اسوت
اني نايمه وهيه جايه فاتحه كنتوري وماخذه ملابس عبد ٠٠٠فانيلا والشورت والدشداشه
ديار دكت على رجلها
يمه بس لا تسويلج سحر ذني ميتأمنن شوف ابيش ورطتنه عمتج كافي كون الله لا ينطيها
كتلها عود اكحلها
لايمه مو عمتي هم رزلتها وصاحت بيها ولمت الجوارين
اي وشكالت
كالت جاي يسبح ابيتنه ودز على ملابسه خطيه جاي تعبان وامي جلبت بي عل الغده هو يحب اكلها
متعود علينه مابيها شي
امي صفنت
وبعدها كالت
والله حسيت بيها بس شفتها گلبي علمني كلت هاي
لازم وراها مصيبه
دخل يجي ابوج اشوف بيا نگره شمر بته
٠٠٠٠
عدنا اليكم احبتي رغم الصعاب سنكمل واياكم حكايه مر عليها زمن
احبائي
هذا مشهد من حلقه الخامسه
ويمكن العنوان حيتغير لان اكو قصه بنفس العنوان
لكن لغير كاتبه واحداثها اكيد تختلفتابعوني
ذكرى المندلاوي
أنت تقرأ
حكايه زمن
רומנטיקהقصه احداثها وقعت في السبعينات وتلاوت على مر الزمن الصعب قدر فتاة لم تكن قد خطتها بيديها وكيف تجارت مع الحياه وقلعت اشواكها رغما عنها وقد بدت اثارها واضحه بمرور السنين احبت ٠٠كرهت٠٠٠ عشقت٠٠٠ تناست عرفت الحزن والخوف فباتت قويه وبات الخوف يخاف...