مساء الخير
ذكرى المندلاوي
حكايه زمن٠٠٠
اذا كان رب البيت بلدف ضارب فشيمة اهل البيت الرقص ٠٠٠٠ذهب جنت بذاك اليوم كلش خايفه٠٠ لابويه يتعارك
ويه عبد لان فتنت الامي الي صار واخاف عبد يزعل مني
لان هو نبهني ماوصل اي شي يصير ابيتهم لاهلي
هذا كل الي هامني ٠٠٠زعل عبد من يسمع اني كلتلهم
لان هوه ممقصر جان ويايه كلشي اريده يكلي حاضر
ومن عيني هاي قبل هاي
كعدت بس اصفن ٠٠واكل بصابع ايدي
جت سعاد
هاا ولج شو صافنه وجهج مصوفر؟؟ اذا هيج تخافين
شكو سولفتيله الامي متعرفيها تضوج منهم ودور منهم الزله
ذهب
رفعت راسي اباوع عليها وهيه مخوصرتلي جنهة فصمايه وصايرتلي ست فهيمه
كتلها
متولين من يمي اني ناقصتج ٠٠٠هذا الحجي وگلبي يرجف صار وكت جيت ابويه ٠٠بعد صلاه المغرب
هو هيجي وكت يجي المعمل بعيد
وعبد كلي اجي وره صلاه العشه اخذج
ياربي شلون بيه وهاي امي بس تخوزر بيه عبالك
مسويتلي جريمه
جتي وئام وكفت كبال سعاد
سعاد مو على اساس انتي اليوم دورج اتفرشين
الفراش بلسطح
سعاد
اي بس مو هسه بعد الشمس مغربت
وئام
هم يله تلحكين تكنسين وترشين الكاع حته يبرد
خو مو نصعد ونلكه الجو رطب ٠٠ ومنكدر انام وابويه يظل يحجي على امي وهيه مناقصه الجو كله مكهرب ماشاءالله
تحجي وعينها عليه
ذهب
اهوو اني ناقصتج انتي هم فوكاهة
وئام
ولج الى متى تظلين فاهيه هيه هم صوجها الامي دللتج ومن كثر مخافت عليج حته سوتج
مثل مدكول ام القواعد ست فوزيه
لا اسمع لا ارى لا اتكلم
ذهب
شترديني اسوي اتمالخ وياها
ليش لا؟؟ مو اتريد تهجم بيتج
ذهب
هااا
شوفيها ياالله شلون فاهيه ٠٠ولج هاي ناويه تاخذ رجلج منج واطلكج منه
ذهب
عبد يحبني وهو كلي مستحيل فد يوم يتغير حبي الج انتي بنتي الي مخلفتها
سعاد
ههههه
ذهب ٠٠٠شفت وئام خجلت عافتني وراحت وهي تفر بيدهة
صاحت
سعاد يالله صعدي فوك رشي السطح
اي جايه
ذهب ٠٠ظليت وحدي افتر بلغرفه ودتني رجليه للكنتور مكان ماحط اهدومي شفت بقشتي السمائيه الستن على شدتها وريحه النفثالين طبت بخشمي
مدري شصار بيه
مثل الي لعبت نفسي ٠٠طلعت اللعابيه مالتي ورجعت
شديتها
لزمت اللعابه جانت نايلون وشعرها اصفر حيل
تغمض وتفتح
ابويه جابلياها العام من راح يزور الامام علي عليه السلام بلنجف
شگد جنت فرحانه بيها كل يوم اخيطلها نفنوف شكل
ردت الهي روحي بيها شويه وتروح الخوفه مني
لكن مستحيل شلون ارتاح وامي مهادتني كل شويه تذكرني
طبت اعصاب
ولچ كوليلي انتي من شنو مخلوقه ليش هيجي بارده
ذهب ٠٠
صرت اعصاب
يعني شترديني اسوي عمتي وبناتهة مقصرن وحته عمي ابو عبد تعارك وياه وطرد الكل من البيت
بذاك اليوم البيت انگلب گلاب
ديار.
ولج طبهم طب هاي نتيجه تربيتهم بس انتي شلون تقبلين اتخش بغرفتج وتفتح كنتورج بكيفها
ولكم ياأمه الاسلام وين صايره هاي بأي كلچیه(ملهى او بيت دعاره)
حته هناك هم مصايره ٠٠٠
ذهب
يمه والله ٠٠٠والله عمتي ام عبد خزتها وحته رادت تهجم عليها وتضربها بس البنات مخلنه
ولج مابقيج يمهم يوم واحد ذوله باچر عگبه الله یعلم شتسویلچ من سحوره من بلاوي سوده
لااء خل يجي هوزان والليله لو اني لو رجعتج الذاك البيت
ذهب
طلعت امي من الغرفه اتعظ بصبعه وهيه اصلن اكلتهن اكل من ساعه الي سولفتله
اووف يربي مابيه مجال ناويه على عركه اليوم
وهناك دك الباب
سمعت صوت ابويه كأنما جاني ملاك الرحمه نسيت خوفي
ورحت اركض بحضنه مستقبلته مثل الي مشايفته اسنين مو اسبوع
هوزان
هاا ولج هاي ذهب اهنا شلونج بنيتي زينه
اني رأسا بجيت
هااا هذا ياهو الي مزعل الكيمر اليوم اله اكسر اعضامه
هذا كلام ابويه دائما من جنت اتعارك ويه خواتي
واركضله حته ياخذ حقي منهن
اتذكرت دلاله
زدت بلبواچي
هوزان
لااا لازم الشغله جبيره المره ٠٠٠كادني من ايدي وكعدني على القنفه الي بلحوش وهو يمسد بشعري
احجيلي شصاير
جتي امي وكفت كباله.
الله يساعدك
ويساعدج
اشبيه ذهب ليش مبجياتها
ديار
ليش مدكول امبجينه
رفع راسه على امي
شنو قصدج
ديار
شوف ابو ذهب اني لو شكد محجيلك هم متنطي بيهم مدري شمسويلك شمشربينك
ولج شو انتي طولان السانج بت ٠٠٠٠
كام عليها راد يضربها واني بعد متحملت وكعت من طولي واني اسمع اصراخ خواتي والبيت انگلب
أنت تقرأ
حكايه زمن
Roman d'amourقصه احداثها وقعت في السبعينات وتلاوت على مر الزمن الصعب قدر فتاة لم تكن قد خطتها بيديها وكيف تجارت مع الحياه وقلعت اشواكها رغما عنها وقد بدت اثارها واضحه بمرور السنين احبت ٠٠كرهت٠٠٠ عشقت٠٠٠ تناست عرفت الحزن والخوف فباتت قويه وبات الخوف يخاف...