تهديد قاتل ( روايات ليبية)

حلقة 1🔥

.. رواية.. #تهديد_قاتل 1...(المقدمة)

مؤيد.....انحبها من لما قعمزتها الابلة في جنبي في المقعد و انا نعارك مانبيش بنت اتقعمز جنبي انا نبكي على المقعد هي تتضحك و تأكل السمونية 💔 انحبها من لما ضربني الاستاد و كسر ليه صبعي و هي أبدت تبكي يا روحي قلبها صغير 💔
انحبها من لما أعطتني عصيرها اليوم لي انسيت فطوري 💔 و انحبها من لما انحرمت من الامتحان على خاطري 💔 و هي تغشش فيه و زاد حبي ليها من لما أكلت العصا من بوها و قاتله مؤيد وبس 💔 و انحبها من لما دارت رجيم على خاطري و خشت للمشتشفى 💔 و انحبها من لما نحت وشاح بنت في الثانويه على خاطري 💔 و انحبها من لما لبست
العباية على خاطري...💔🙂

__________________________

اسمي.. مؤيد مواليد 1996 قمحي و طويل و عيون عسليات
عيلتي متكونة من بوي و أمي و 3خوت شباب و انا الكبير خوات بنات ماعنديش خوتي هما يزن و أصيل و طارق
نعرفكم على حبي اسمها فيروز مواليد 1996 صغيرونه كتكوته و سمونية 😔💔😅 دمها خفيف رأس بنت عند بوها و امها متوفيه بوها امدلعه لين انا حاصل في دلاع امتاعه💔😔 صديقة طفولتي و حبنا ابديه من احنا صغار هي اصلا بنت فريدة من نوعها بنت جيرانا في نفس الوقت 🙂💔
_____________________

مؤيد..... حبنا أكبر في ثانوي هلبا كان ايام ثانوية المختلطة
كل شي تغير من لما خشينا للجامعة انا اتغيرت هلبا حارمها من كل شي خايف عليها هلبا خايف عليها اتخش الكافيتيريا خايف عليها من المعاكسات خايف عليها من فرخات الحرام لبستها العباية و نحرس و نراقب فيها بعيوني و عيوني ايتبعوا فيها في كل لحظة لين أوصلت لمرحلة الهسترية
لي وصلتنا لي الانفصال بسبب عركتي معاها في الكلية
لي كانت على خاطر......

فيروز.... علاش تلحق  فيه من بكري انا اليوم نبي نفطر زيني زي صاحباتي.
مؤيد.. اقسم بالله العظيم اتخشي للكفيتريا لما انطربقها على رأسك.
فيروز.. بنظرات.. غضب لما انخش خالق راس قاطع.. اصلا زهقتني جاني القداد منك.
مؤيد... اقترب من فيروز بتحليفه من لسانه... خشي استني شن ايصير.
فيروز... بكل برود... خشت للكفيتريا.
مؤيد.. فيروز اطلعي.
فيروز.... لا مش طالعة.
مؤيد.... انكلم فيك بهدوء اتحشمي اطلعي الكافيتيريا زحمه نصفها مفرخ.
فيروز.... بدمعات و تسخيفه.... طلعت.
مؤيد... استني أهنا توا انا نشريلك فطورك و انجي.
فيروز... استنى من اليوم خلاص تم كل شي.
مؤيد... على خاطر فطور معقولة.
فيروز.... لا لأني مليت فديت و انا جاده في قراري
مؤيد... بضحكت استهزاء... من يومك اتحبي بطنك.. لاكن ما توقعتيش علاقتنا بتم على خاطر المأكله منورة فيروز معاش تسمعي صوتي بري خشي ديري شن تبي البسي لاصق اصلا عارف من الاول الجامعة بتفرقنا.
فيروز. ... قول شن تبي انا قررت.
مؤيد... تمام يا سلام علاقة سنوات تنهيها الجامعة منورة
يا حب عمري تبي انصفق ليك أو انصفر.
فيروز... معاش تتصل بيه معاش تدوي معاي انا انخنقت من الغيرة امتاعك.

____________________________

مؤيد.. سبب تافهه خلانا ننفصلوا على بعض و الشيطان في الفترة هاذي العب في رأسي و اتعرفت على بنت أخرى اسمها اسراء من نفس الجامعة معاش اقدرت نمشي للجامعة مش قادر انشوف فيروز قدامي مستحاشه موت قلبي عليها نار انا عارف اني زودتها عليها من نار الغيرة لاكن مش بيدي انحبها في نفس الوقت زعلان منها نبي ننسها مش قادر ليل نهار انفكر فيها لين عوضت غيابه با إسراء اقعددت شهر انكلم فيها كأني انخون في فيروز حاولت فيروز تتصل بيها انا معاش انرد معاش قابلت و انشغلت با إسراء لاكن الصدمة و الكارثه
لصارت معاي. 😔💔..........  

إسراء.... اسمع حبي انت بنقولك.
مؤيد.. نعم قولي.
إسراء... توا حوشنا فاضي مافيش حد تعاله للمربوعة.
مؤيد.. بضحكة مجنونة... شن اهبلتي انتي شن وين خوتك.
إسراء... خوتي كلهم ماشين زردة مش ايروحوا و أمي و بوي بايتين عند خالتي مهناش حد و الحوازة فاضية و انا بروحي في الحوش 😔💔.
مؤيد..  اكيد اهبلتي انتي لالا ماتجيش فكيني عيب اصلنا انخش لحوش الناس مش من حقي.
إسراء... اصلا انااا عندي ثقة فيك كان هذا ما قوتلك تعاله و الحوش مافيه حد هي خير من الكساد نهدرز انا و إياك مشوار وروح اصلا مافيش حد من جيران يعرف انه اهلي مهناش و لما اتخش انت بسيارة يحسابوك جاي لخوتي.
مؤيد... بشهقة استغراب... كيف اهلك مخلينك بروحك في الحوش.
إسراء... عادي الدنيا أمان في المنطقة َ جيرانا كويسين.
مؤيد... فكيني اسراء.
إسراء... با اسلوب ترجي... با الله نوض تعاله هي.
مؤيد... من عارف شن جاني نوضت امشيت عندها و خشيت للمربوعة أنذهبت شيرتي و الصدمة... 😲😲😲😲😲😲

_____________________________

مؤيد.... انا كيف قعمزت و ابديت انهدرز و اتعاملت بنيتي فجأة نسمع عيطت اخ إسراء.
إسراء... دارت روحها فزعت و نقزت من الخوف.
مؤيد... جتني صدمة و اجمدت في مكاني.
خوت إسراء... التفوا حولي نزلوا فيه ضرب ركبوني في كوفني السيارة و رفعوني عند بوي با الأسف انا افهمت الموضوع انه متفاهمة هي و خوتها.
والد مؤيد.... جاته صدمة معاش اعرف شن ايقول.
مؤيد... لوحني قدام بوي با الأسف كان شرطهم.......

تابعوني في الحلقة الثانية طويلة تفاعلوا قيموا القدر 💔😔

..