تهديد قاتل ( روايات ليبية)

حلقة 5🔥

الحلقة (5) من #رواية #تهديد_قاتل
#كاتبة #أميرة_سليمان

مع حلول الصبح الصدمة 😲😲💔.
إسراء... في الحمام ادوش هي فرحانه و مبوسطه.
مؤيد... راقد ما يندري عليها منين زارقة 😔.
إسراء... طلعت لي أم مؤيد.
أم مؤيد... شن جابك انتي عندي.
إسراء.... جيت بنقولك اني اتهنيت.
أم مؤيد... مصح َجهك.... اصلا َولدي عارفته مستحيل يقرب غير فيروز.
إسراء... باهي لما اينوض اسأليه تمام.
أم مؤيد... اقلبي وجهك بري.
إسراء... مش عارفة علاش تكرهني شن درتلك انا بس.
أم مؤيد... تي بري من أهنا بسرعة.
يزن.... خيرك يمه اتعيطي شن فيه.
أم مؤيد..... خوك وين كان امبارح.
يزن... يمه انقولك لاكن ردي بالك اتقولي لي بوي.
أم مؤيد.. شن فيه قولي.
يزن... ولدك كان يسكر امبارح 😔💔.
أم مؤيد... 😲😣 ولدي انا.
يزن.. ايه يمه من الهم.
أم مؤيد... امشت أدق با القوة على حوش مؤيد.
إسراء... فتحت الباب بخلعة.
أم مؤيد.... خشت للدار اتنوض في مؤيد با القوة.
مؤيد... غارق في نومه.
أم مؤيد.... صبت عليه الميه.
مؤيد... ناض بخلعة... خيرك يمه.
أم مؤيد... ضرباته كف... و الله مش راح انسامحك.
مؤيد... ناض مش فاهم حاجة.
إسراء... تشبح في نظرات حقارة لي أم مؤيد.

_____________________________________

بعد مرور ساعتين.

مؤيد... صح على روحه ابديه يسأل في إسراء شن صار.
إسراء... 😁😁 امبارح انت...
مؤيد... ابديه ايعيط...انتي كذابه مستحيل انا اندير هكي مستحيل.
إسراء... هذا لصار امس والله انت اصلا تتخيل فيه فيروس.
مؤيد... اضرب إسراء كف.. انتي علاش بس سايرتني يا حقيرة علاش مابعديش عليا.
إسراء... لأني نبي نتهنى زي كل الكلام.
مؤيد... انتي شن ما عندكش كرامة معقولة لنفسك خيرك يا بنت.
إسراء... انا أمراة توا مش بنت😁.
مؤيد... اطلع من الحوش هو مقهور.
أم مؤيد.. شن جابك عندي برا لي مرتك
مؤيد.. يمه و الله ما ندري على روحي لفت عليه لفعة هاذي.
أم مؤيد... باهي توا لصار.
مؤيد... حي عليا كان تسمع فيروس لما تموت 💔😔.
أم مؤيد... شن قربك في السكير انت بس و الله مش راح انسامحك نوض برا من عليا.
مؤيد.... اركب سيارته و امشي للمشتشفى.
نوسه... نعم شن تبي.
مؤيد.. با الله اعطيها الهاتف با الله عليك.
فيروز... معاش تتصل كله منك لصار ليه.
مؤيد... أبدوا ينزلوا دموعه.
فيروز... هههه امداير روحك تسخف توا.
مؤيد... والله العظيم انحبك و الله انتي أغلى شي سامحيني با الله عليك.
فيروز.... ََخليني في حالي اهو اركبني المرض.
مؤيد... سامحيني يا حبي يا كل شي.
فيروز. َ... كان مكلمتهاش كان ما صاريش هكي 😔💔.
مؤيد... نعطيك البنكرياس امتاعي وعد لما نرفعك برا لما اندير ليك حل.
فيروز.َ... صكرت الخط في وجهه مؤيد.
نوسه... سامحيه سخفني و اللهي.
فيروز.. احرقلي قلبي تعرفي كيف ليه قداش سنة نستنى نحلم انعيش معاه تحت سقف واحد و توا عقاب وحده تافهه قاعده معاه تحت سقف واحد و ركبتني المرض و الهم😐💔.
نوسه... عندك حق ربي ايصبرك.

_____________________________

بعد مرور اسبوع..

والد فيروز... امروح بيها من المشتشفي.
خوال... فيروز.. ايزمروا فرحانين با رجعة فيروز.
فيروز.. قامها بوها هو فرحان حطه على سريره.
والد فيروز... تعرفي توا شني بنطلب.
فيروز.  ترجعي لجماعتك و تقري تقيمي رأسي.
والد فيروز... ايه 😔💔 هذا لنبيه سلم بنتي.
فيروز... شن ثاني يا نور عيوني.
والد فيروز... و تهتمي بصحتك معاش اتزعلي روحك.
فيروز... حاضر.
فيروز..... فتحت هاتفها شويه اتجيها رسالة على واتس من رقم فيها صور مؤيد و إسراء في حالة.... 😲💔
نوسة... الو حبيبتي خيرك تبكي خيرك.
فيروز.  جتني رسالة توا فيها صور مؤيد و إسراء مع بعض.
نوسه.... استغفر الله هاذي اكيد مرته هي باعتتهم
فيروز... يا حليلي و يحلف انه ما أقربهاش.
نوسه.. حطي الرقم في الهاتف و شوفي مني صاحب الرقم.
فيروز.... 😢😢💔 مش مهم مني يا حليلي مسه يا حليلي يكذب صكري انا تعبانه..

_____________________________

نوسه....محقرك اقسم بالله.
مؤيد.  شن فيه.
نوسه. وبرا اسأل مرتك.
مؤيد... قوتلك شن فيه.
نوسه..  في حد باعث صور ليك انت و مرضك في وضع لي فيروز.
مؤيد... َ. لالا مش معقولة.
نوسه... اهو توا نبعتهم ليك لحظه بس.
مؤيد... انصدم بصور خش يجري لي إسراء.
إسراء... ايه صورتك في ليل و أخديت رقمها من هاتفك و ابعتهم لأنه سبب داعستي.
مؤيد..  لمى حاجتك و اقلبي وجهك من أهنا.
إسراء... َهههههههعع بعدين انشهدر بصورنا. و خوي يقتلك با ايديه و انقوليه هو صورني هو سكران.
مؤيد.. انتي مريضة نفسية و جنية و حته جنية قاعدة أهون منك.. هاتي هاتفك بسرعة.
إسراء... هاك خوديه كسره لاكن صور في مكان ثاني مخزنتهَم مش راح تعرف وين.
مؤيد.. شد شعر إسراء.
إسراء... بضحكت استهزاء حول من عليا توا مش من صالحك ادير ليه شي.
مؤيد.... اطلع اركب سيارته و امشي هو يبكي في طريق و دموعه ينزلوا زي النساوين.
فيروز.... تبكي بشدة عبت مخديتها دموع.
مؤيد... للصبح سهران على البحر هو في حاله يعلم بيها ربي.
فيروز... لبست و اتجهت للجامعة.
إسراء... تتصل با مؤيد و اتهدد فيه في رسائل رد خير ليك رد.
مؤيد... اخديه سيارته روح للحوش.
إسراء... نبي نمشي للجامعة ترا قرايتي قداش ليه ما امشيتيش هي ارفعني.
مؤيد... في عيونه في خوف.. ركب إسراء و ارفعه للجامعة.
إسراء... انزل معاي مانبيش ننزل بروحي.
مؤيد... انزل مع إسراء هو في باله فيروز مهناش في الجامعة.
إسراء... شاده في كتف مؤيد.
مؤيد... ابديه زي العبد المأمور.
فيروز... مقعمز تشرب في المية فجأة شافتهم خاشين.
مؤيد... جت عينه في عين فيروز سيب إسراء اطلع يجري.
إسراء... لاحقاته اتعيط اتقوليه تعاله.
مؤيد.. شد إسراء في الشارع اقعد يضرب فيها.
إسراء... أبدت اتعيط و خشت تجري للكلية.
مؤيد... الحقها ابديه يضرب فيها قدام الطلاب.
فيروز... دموعه ينزلوا.
نوسه.. .خلي نمشي نضرب معاه.
الطلاب.. ايحزوا.

_______________________

مؤيد.... ركب إسراء للسيارة بسيف.
إسراء... اتعيط على طول حسها.
الناس... كلها في حالة صدمة.
نوسه... انتي سبب فيروز مش هو في كل شي.
فيروز... شن اتقولي انتي كيف انا سبب.
نوسة.... تتبع .. ...