تهديد قاتل ( روايات ليبية)

حلقة 8🔥

‎.. الحلقة.(8)من #رواية #تهديد_قاتل

‎مؤيد... انا و كيف بنقرب منها ما اقدرتيش 💔 حسيت تعب في عيونها غطيته و ارقددت جنبها و مش مصدق فيروز قدامي اقعددت نلعب بي شعرها و نتأمل فيها مش مصدق.
‎إسراء... تتصل با مؤيد.
‎مؤيد... ابديت انصكر عليها ما عنديش نية انرد عليها و لا نسمع صوتها صكرت هاتفي و ارقددت جنب حبي.
‎إسراء... توا نوريك انا 😭😭 توا والله لما اتشوف يا مؤيد الزفت.
‎يزن... يمه مرت خوي صوتها واصل أهنا.
‎أم مؤيد.. ََههههه محروقة يا ناري عليها اللهم لا شماته.
‎يزن... والله حرام يمه و الله واعره راهو مهما كان.
‎أم مؤيد.. . ََبتمشي من اهنا أو اتشوف انت ثاني
‎يزن... يمه باهي كان عندك بنت زيها شن اديري 😁.
‎أم مؤيد... ابديت نحمد في ربي ليل نهار على خاطر ما اطعمنيش بنات و كان عندي زيها كان انتحرت من زمان.
‎يزن... يا ساتر.
‎أم مؤيد... ان شاء الله و نفرح بيك و انت و خوتك و انشوف صغاركم.
‎يزن... باهي يمه أمته بتزوجني اناااا.
‎أم مؤيد... مازال هلبا بعد كم سنه لين انجهزوا بيك كويس.
‎يزن...يمه الحق لاصقه فيه بنت و تبيني بسيف هي عجوز أكبر مني بثلاثه سنوات حكم.
‎أم مؤيد... هو هذا انت و خوتك جايه منكم المصيبه و اختها تي برا ترا حظها في الحظر وريحني مش ناقصنا مشاكل.
‎يزن.. حاضر يمه خلاص.

_________________________

‎مع حلول (ليل)

‎فيروز... ناضت لبست لبسه كيوت و تكمت روحه و طلعت لي مؤيد في الصالة.
‎مؤيد.. بنظرات تعجب هههه تي شن لوك الحلو هذا.
‎فيروز... ليلة انا...
‎مؤيد.. هههه انتي شني.
‎فيروز... فيفي عبدو
‎مؤيد... 👋 هي خلي انشوفوا.
‎فيروز. .. لحظة بس خلي نولع المزيكه.
‎مؤيد.. ابديه يشبح في فيروز و مستغرب.
‎فيروز... تتمايل على مؤيد.
‎مؤيد... يسلمها فيفي انا.
‎فيروز... تتضحك.
‎إسراء... تتصل با مؤيد تلقه في هاتفه مصكر و قريب اتجن من الغضب.
‎مؤيد... في اجمل لاحظات رومانسيه و الاهبال.
‎إسراء... أبدت اتكسر في الدار نوم امتاعه.
‎مؤيد... ايصفق لي فيروز.
‎إسراء... اتعيط في دار النوم هاذي فيروس مش فيروز هاذي فيروس مش فيروز.
‎مؤيد.... ايصفر لي فيروز
‎إسراء... عياطه قريب ايلم جيران

_____________________________

‎بعد مرور (اسبوع) كاتبة أميرة سليمان

‎مؤيد... ولع سيارته و امشي بيجيب إسراء للحوش بطلب من فيروز.
‎فيروز... اتحضر في روحه مش تنتقم من إسراء.
‎إسراء.. جهزت ملابسه و تستنى في مؤيد.
‎أم مؤيد... واقفة تعطي في محاضرة لي إسراء.
‎إسراء... اتهز في رأسها و اتقول ايه.
‎مؤيد... انزل من السيارة هو ايفنص في إسراء.
‎إسراء... خيرك تفنص معقولة اسبوع  مخليني بروحي هكي.
‎مؤيد... كأنك عليا معاش نشبح خليقتك لاكن الله غالب.
‎إسراء.. ارحمني خلاص الطف بيه راهو عندي أهل و ناس.
‎مؤيد... وينهم خيرني ما نشبحيش فيهم.
‎إسراء... معاش تعايرني 😢💔.
‎مؤيد... تي اركبي هي و صكري فمك.
‎إسراء... ركبت و نزلوا دموعها.
‎مؤيد.. اطلع بسرعة بيها.
‎إسراء... بشوية خيرك بتقلبه بيه.
‎مؤيد.. انسطرب بيك خيرك.
‎إسراء...نزلت من السيارة.
‎مؤيد... خشي.
‎إسراء... خشت.
‎فيروز... اهلا و اسهلا بي إسراء.
‎إسراء.. ممكن نحكوا بروحنا.
‎فيروز... هههه ايه اكيد خشي للدار.
‎مؤيد... شن بديروا 😲.
‎فيروز... متخافيش حبي.
‎مؤيد... بصوت عالي انخاف منها عليك.
‎إسراء.. بارك الله فيك.
‎فيروز... اقتربت من مؤيد و أبدت تهمس..حبي متخافيش.
‎اسراء.. قريب اطير من مكانه.
‎مؤيد... اطلع في عيونه علامات خوف.
‎فيروز... صكرت الباب.
‎إسراء... انا نبيك تسمعيني للنهاية.
‎فيروز... انتي اخربتي حياتي.
‎إسراء... غير اسمعيني.
‎فيروز... انتي وحده ما عندكش كرامة ما عندكش ضمير
‎ما عندكش احساس.
‎إسراء... غير اسمعيني رحمة أمك الغالية اسمعيني للنهاية.
‎فيروز... رغم ما عنديش نية لاكن يالا خلي نشبح شن عندك.
‎مؤيد... مقعمز برا متوتر و خايف على فيروز.

___________________________

‎بعد مرور (ساعة)

‎فيروز... ياحليلي عليك هذا كله صاير معاك.
‎إسراء... ايه انا انكسرت قداش مرة مافيش حد حسني حته اهلي همهم الوحيد اني نتزوج و انخفف عليهم مافيش حد قدر مشاعري و الولد لي يخطبني ايسيبني من عمايل خوي و همه و اسلوبه الصفر وانا مانبي شي غير ستره مع راجل لاكن مافيش حد فهمني حته هو مايبيش ايمسني عادي.
‎فيروز.. بقلبه الأبيض و حنينه ضمت إسراء و شدت ايديه و طلعوا من الدار.
‎مؤيد... بسم الله الرحمن الرحيم.
‎فيروز... خلاص يا مؤيد من اليوم احنا اخوات مافيش مشاكل بينا و تفاهمنا.
‎مؤيد... لعبت في رأسك عارفك طيبة يا قلبي 💋😔 تعالي نبيك.
‎فيروز... لالا مافيش منه الكلام هذا... خلاص قوتلك احنا زي الخوات.
‎مؤيد... شن درتي ليها يا مسمومه.
‎فيروز... اس عيب مؤيد خلاص.
‎مؤيد... شد ايدين فيروز و طلعه برا.
‎فيروز... خيرك هي احكتلي قصته كاملة و وجعتني.
‎مؤيد.. قصة شني.
‎فيروز.... كيف خوها سبب مشاكله و كيف لخطبوها سيبوها.
‎مؤيد... تي هاذي كذابه اصحي يا فيروز انتي طيبة هلبا ما تصدقيش الوهم هذا تي تكذب.
‎فيروز... باهي انا سامحته و افتحنا صفحة جديدة.
‎مؤيد... لا إله إلا الله💔 لعبت في عقلك الله لا تربحه.
‎فيروز... خلاص حبي وسع بالك هي البنت تبي ستره و خلاص هكي قالت.
‎مؤيد... يارب صبرني و خلاص.

________________________

‎#مؤيد

‎انا عارفها تضحك على فيروز عارفه وحده تعبانه ومريضة و و نفسية مش مصدق لي قاعد ايصير و المشكلة فيروس قلبها ابيض و اتصدق بسرعة و تتعاطف بسرعة و قدرت زي السوية تغسل ذماغ فيروس و أبدت تعامل فيها معاملة كويسة انخش و نطلع و نطلع و انخش مانسمع غير في ضحكتهم مع بعض و صدمتي الأكبر لما نشبح فيهم ايطيبوا مع بعض و ايضموا في الحوش مع بعض و كأنهم مش ضراير و كل اليوم نحكي لي أمي و حته أمي مخلوعه بروحه و انا نرقد كل اليوم مع فيروز و إسراء عنده عادي و كأنه مش إسراء لي نعرفه لين قريب انصدقه حته انا و انصدق كذبه مش مقتنع بي لي قاعد ايصير لين طلعت الصدمة الحقيقية لي قلبت كل شي.. 😔💔👋