تهديد قاتل ( روايات ليبية)

حلقة 6🔥

... الحلقة (6)#تهديد_قاتل
#كاتبة #أميرة_سليمان

فيروز... شن اتقولي انتي كيف انا السبب.
نوسة... مسكين الولد شورها متسلطه عليه و خانقته من رقبته و انتي بدل ماتوقفي معاه و تسانديه يتخلص منها زايده عليه الهم.
فيروز... واللهي انا قوتله ايدير علاقة معاها أو قوتله برا مسها اصلا كان ايحبني كان ما حط ايديه عليها.
نوسة... هو قال كان سكران من امتى مؤيد يسكر يا فيروز كان مبسوط معاها علاش يسكر اسكر على خاطرك.
فيروز... هو اغلظ من البداية توا يتحمل.
نوسه.. . لالا انتي من الاول انهيتي العلاقة قولتي ليه معاش فيه شي بينا معناها الغلظ منك اكيد هو بيمشي ايشوف اي وحده على خاطر ينساك.
فيروز... أبدوا ينزلوا دموعها... خلاص صكري فمك خلاص توا جيتي ضدي حته انتي بري.
نوسة... لا ياقلبي اسفه اسفه خلاص 😢.
فيروز.... حولي من عليا.
نوسه... سامحيني فيروز و الله خايفة عليك نبي مصلحتك.
فيروز.... انا معاش متحمله حاجة اعصابي خلاص.
نوسة... لازم تقهرها زي ما قهارتك و اخدت منك حب حياتك معاش نبيك ضعيفة يا فيروز.
فيروز... انا توا مع المرض معاش عندي جهد لي شي.
نوسة... من قالك يبي جهد 🙂.
فيروز.. َشن تقصدي نوسه.
نوسة... . َاتزوجيه وافقي و آتزوجيه.
فيروز... هههههه ماهو متزوج هو.
نوسه... معناها ولي مرته الثانيه و ارميها برا اصلا هي
حققت شن تبي يا مهبولة هكي انتي و اياه تقاوموا
مع بعض.
فيروز.....ناضت من جنب نوسه.
نوسه...ابدت تلحق في فيروز.
فيروز.... على اساس هو قاعد يبيني.
نوسه... انتي غير وافقي توا تشبحي ردت فعله.
فيروز... شن اتقولي انتي.
نوسه.. غير قولي موافقه و خلي كل شي عليا 😔💔.
فيروز... بابا يقتلني بعيد.
نوسه... خلي بوك على جنب و وافقي اعطيني موافقة و خلي كل شي عليا.
فيروز.. باهي بري هيا ورينا عرض اكتافك.
نوسة... تم 💔🙂.

____________________________________

إسراء... نزلت تجري للحوش و هي اتعيط با القوة في الجنان.
مؤيد... ايشد في فمها.
والد مؤيد... بنظرات خوف... تي شن فيه خيرك عليها.
مؤيد... تي لما أنربيها
إسراء... أجرت لبدت وراء بوه مؤيد.
مؤيد... انا بنذبحك يا بنذبح روحي و نتفكه من العيشه هاذي.
نوسه... تتصل با مؤيد.
مؤيد... ماشي وراجع ليك أقسم بالله معاش فارقه معاي حاجة و آخر الوقت وحده زيك تهددني.
نوسة... تبعت في رسائل لي مؤيد.. رد ضروري 😔💔.
مؤيد... امشي اطلع برا الحوش و عاود لي نوسه.
نوسه.. الو مؤيد اسمع فيروز قاعده تبيك و موافقة تتزوجك كان انت مازال تبي نأخدها.
مؤيد... 😲😲تحكي جديات.
نوسه.... اسمع تعاله جايه خلي نفهمك.........
أم مؤيد... با شن تهددي في ولدي يا بنت.
إسراء.. 😭😭😭 انا اتعبت نبي أمي و بوي.
أم مؤيد... و اقعدي عندهم من الاول هذا راجل يمه 🙂.
إسراء... حسبي الله ونعم الوكيل فيكم.
أم مؤيد... شن انتي تعرفي ربي 💔😔.
والد مؤيد... بري سلم بنتي خشي لحوشك و اتقي ربك.
اسراء... خشت للحوش شافت وجهها على المرايا انصدمت
من الجروح لي معلمه في وجهها.

______________________________.

مع حلول ليل الصدمة 💔.

والد فيروز... بنظرات رعب.. من هذا لي جاينا في نصف ليل.
فيروز... مقعمزة على سريره تضرب في دواءها.
والد فيروز... افتح الباب و اشهق.
فيروز.... انخلعت ناضت من على السرير.
والد فيروز... شن جابك شن جاي تبي بعد ما ركبت لبنتي المرض.
مؤيد.... ممكن نحكوا في المربوعة اسمع مني بعدين ساهل.
والد فيروز.... برا سلم ولدي لحوشكم.
مؤيد... با الله عليك يا عمي.
والد فيروز... َباهي خش.
مؤيد... انا جيت انقولك نبي نأخد فيروز بحلال بنبعت أمي تطلبها بندير ليها احسن عرس.
والد فيروز.... هههههه بقملك آمالا تي انت شن هو لي عندك اصلا غير دير حوش مقوم لي مرتك الاوله.
مؤيد... أمي بتبيع أرضها بتعطيني حقها و انا نخدم و توا انجمع كل مره اندير حاجه.
والد فيروز.... انا بنتي ما تنزليش على ضره.
مؤيد... هو من قالك في ضره اصلا هاذي ضيفه بنطلقه مع الوقت.
والد فيروز... نوض سلم ولدي روح تحساب كل شي ساهل.
مؤيد... ادموعه أبدوا ينزلوا 😭..
والد. فيروز.. ...تبكي،😲.
مؤيد... با الله عليك وافق با الله عليك ارجوك و الله انعيشه ملكه على رحمة ولديك يا عمي 😔.
والد فيروز... لاحول ولاقوة الا بالله خلي نسألها و على رأيها هي.
مؤيد... اطلع يجري من حوش أهل فيروز.

______________________________.

أم مؤيد... شن صار.
مؤيد... مش راضي لاكن قال على رأي فيروز.
أم مؤيد.. باهي خوها إسراء
مؤيد... اهو ماشيله توا.
أم مؤيد...فكنا يا مؤيد توا ليل.
مؤيد... انا ماشي لبيصير خلي ايصير.
إسراء... قاعدة في الحوش مش فاهمه شن ايصير برا.
مؤيد... ولع  سيارته امشي.
محمود... افتح الباب.
مؤيد... نبيك في موضوع ضروري.
محمود... اهلا و سهلا بنسيبنا.
مؤيد... جيت بنقولك راهو بنأخد على أختك.
محمود... ههههههه اسمع انا كل ما ايهمنيش غير إسراء تقعد عندك لأنه هذا لي نبيه لي أختي و على مهم انسترت معاك تبي تأخد خود شي يرجعلك انا على مهم افتكيت من دوشتها.
مؤيد... روح مصدوم من كلام محمود و البراده امتاعه و اعرف انه إسراء بلوا كانت عند اهلها و هو احصل فيها.
أم مؤيد... هههههه هكي قالك تي واضحه انها كانت افعه و امدره كبد أهلها هذا علاش مافيش حد جاها مافيش حد اتصل بيها.
مؤيد.... توا على فيروز يمه.

_______________________

بعد مرور اسبوع...
مؤيد... فرحتي اكتملت با موافقة فيروز حسيت بطعمت الدنيا من جديد ابديت نجري انا و أمي من مكان لي مكان انجهزوا لي العرس نبي اندير ليها احسن عرس بعت الأرض امتاع أمي لي عمي أجرت حوش لي إسراء و فيروز مع بعض قاصد انا فيروز نسكنوا مع إسراء تحت سقف واحد أعطيت لي فيروس فلوس منهم و شهر احنا انجهزوا في أمورنا في حاجات عرس فات الشهر و جاي موعد العرس درنا لمة كبيرة و غذاء مشترك بحكم احنا جيران في ليل ابديت انهز على الزكرة و نسمع في تصفيق الشباب الحار و تصفير الحار كلهم فرحانين ليه ليلة الأربعاء كانت ليلة مقيومه للصبح جاي يوم الخميس زينت سيارة خالي أجمل تزينة و زفوني قريب 20 سيارة لي الصالة خشيت وشوفتها حبيبت قلبي طالعة زي الملاك بسم الله ما شاء الله عليها أمسكت ايديها و ابديت نرعش مش مصدق من الفرحة ركبته في السيارة و هي تتضحك و فرحانه روحت بيها للحوش قعمزت جنبها و اشكرت ربي اقعددت عايش و شوفت اليوم هذا و أصبح
الصبح و أهنا كانت الصدمة... 😲......يتبع