احببت مذيع (روايات ليبية )

حلقة 3🔥

#أحببت_مذيع  🔥 الجزء التالث 🔥
فرحت واجد بفوزي في المسابقه مع عبود ويلي يهمني ان حكيت معاه حسيته يعامل فيا بمعامله خاصه حسيت ان يفرح لما❤ نتصل علي برنامجه ونشارك ونمدح فيه
هو بجد انسان روعه حبيته ومجنونه فيه ومش ندمانه اني حبيته لان عندي امل في حياتي  وان يكون ليا ويكون حلالي محلاه الحب لما تكوني واثقه بالشي هضا لاعند ان يكون حلالك وملك لك وانتي ملكه 👑
وهي بالرغم من الاستهزاء الكل عالموضوع هضا ما استسلمت وحبها كل يوم يمر يزيد ويزيد قعدت مهوسه بحاجه اسمها عبود عشقت اسمه عبد الله جمال
وتوا نرجا بفارغ الصبر جوائز يلي من برنامجه وهما لما خدوه عنواني قالو ان الليله حايجو وانا فرحت قلت يمكن يجي ونشوفه وجه لوجه بس مش عارفه قلت لا ما تحلميش مش للهدرجه يعني ان يجي لحوشي يعني قعد عقلي مخلبط من تفكير لتفكير وعيلتي لاحظت هالشي وعرفو اني نرجا في جوائز ونرجا ان يوصلها عبود بنفسه حتى رن الجرس قلبي قريب وقف
انس...توا نفتح الباب وعدا شوره
وانا لحقته وبحتت من بعيد شفت شاب ما نعرفه وقال لأنس هضا حوش
اميرة السلام فقاله اها لقبها هك
قال الشاب ... عبود وصا ان يجوها الليله وقال مبروك عليها الهداية ويحفظك ربي
انس...مزال طفل ما دورش خداه الهدايا وخش بيهم
ايه...خديتهم منه بسرعه وعديت بدون مانحكي لغرفتي وسكرت الباب ورايا بالمفتاح مش عليش تصرفت هك يمكن زعلت عشان ما جاش بنفسه وبعدها قلت مستحيل مذيع يمشي لمعجبه لحوشها ويوصل الهدايه بنفسه تنهدت بجد 😔 كرهت ان عقلي ودا هك وان يجيه بنفسه انا من النوعيه لما نكون مقتنعه بشي وان عندي امل ان يصير بس ما صارش توا عبود ما جاش بس جاني هدايه منه قعدت نبحت فيهم لوقت وبعدها قعدت علي سريري وفتحت بالكيس اول كيس كان جايبلي تليفون جديد اخر موديل ومع كفر عليه اسم برنامجه متع مسابقات وعلي صورته فرحت من وسط قلبي حطيت التليفون علي جنب وما فتحته عديت شفت الكيس التاني كان جايب علبه كبيره فتحتها لقيتها شوكلاطات فخمه ابتسمت وبحتت في الكيس التالث كانت جائزه ان انا زهرة جميع برنامج له وان دائما منوره  عليه وابتسمت كان اسمها مكتوب بالخط العريض #أميرة_السلام
مسكت تليفون وفتحاته فتشاته بالصدفه ولقاته مسجل رقمه الخاص في التليفون
وفطنت ان مافيش شفره في تليفون ابتسمت يعني هو يقدر يتصل ببها لان رقمها مسجل في الاذاعه بس ما دارش هك جاب تليفون وبدون شفره كتب رقمه الخاص وهي فهمت ان ما يبي يجبرها ان تحكي معاه مابش يتصل وهو يرجا انها تتصل بنفسها اتصلت بعد سجلت رقمه في تليفونها الاول وهو كان يدوش طلع من الحمام وأنتبه لرنة تليفونه في البدايه ما عدلش بس أدكر أميرة السلام وعدا يجري خداه تليفونه ورد قبل ما تسكر
عبود...ألو
ايه...خدت نفس وحطت
يدها علي قلبها
الو عبود
عبود...ابتسم اهلين أميرة السلام صح ؟
ايه...اها معاك انا
عبود...كيف حالك توا وفرحني اتصالك
ايه..الحمدلله وتسلم ❤
عبود...لمس لحيته بتوتر ااا ممكن نعرف اسمك لو ما فيها احراج يعني ؟
ايه....اسمي ايه 😊
عبود...اسمك حلو بجد زي طلتك وكلماتك الحلوه يا ايه
ايه...شكرا هذه من دوقك
عبود...ولو .... ااا بصراحه انا حابب نتعرف عليك وتمنيت انشوفك نقدر نشوفك عادي ما تفهميني غلط بس مش عارف انا نفكر فيك ديما بجد وبدون اي كذب متمني انشوفك وجه لوجه موافقه
ايه..ماسكه روحها وانها ماتعيط وتبين فرحتها قعدت ساكته ودقات قلبها سريعه
عبود...اوكي تمام علي راحتك مش حانجبرك ونضغظ عليك
ايه...انا طالبه في كلية الاعلام
عبود...والله ؟
ايه...اها خشيت هالتخصص مش طموح بس علي شان نحقق حلمي
عبود...وشنو هو حلمك
ايه...ان نتقابل معاك وانا موافقه وحدد موعد في الكافتيريا في الكليه نتقابلو فيها
عبود...كلماتها تتردد هي قالت علي شان تشوفه شخصيا خشت للكليه هذي مش عارف شنو صايرله بس كلما يحكي معاها يتريح ابتسم وانا موافق بكرا نتقابلو الساعه كم انجيك يا ايه ؟
ايه...بفرحه الساعه 11 بعد برنامجك بساعه ❤
عبود...لا ما شاء الله حافظه وعارفه كل شي يخصني وحتى مواعيدي 😊
ايه...ابتسمت من زمان يا عبود انت تهمني وانا حانقولك انك اروع مذيع تشوفه عيني ربي يحفظك بجد ❤
عبود...ابتسم ويحفظك يا ايه وتمام بكرا نتلاقو ع 11 في الكافتيريا
ايه...تمام تصبح علي خير
عبود...( ما كانش يبيها تسكر صوتها ريحه )  تنهد وانتي بخير يا أيه ❤
ايه...ابتسمت وسكرت وقعدت تنط وفرحانه وهو نزل التليفون من وذنه وتنهد حس بإحساس غريب عكس ان تتصل عالهواء الكل يسمع ويشوف فيه بس توا يحكي معاها هي وبس مافيش حد تاني يسمع الكلام وكلماتها مش قادر ينساهم عبود لبس توته وحط راسه عالمخده وتفكيره فيها ما عمره بنت لفتت تفكيره بالشكل هضا كان مهتم بطموحاته وشغله ولكن هالبنت طلتها وكلماتها الحلوه يحب يسمعهم حتى قرر يسمع كلام رفيقه معتز ويشوفها شخصياا ❤
........
وايه من الفرحه خلاص اتصلت بنورا
نورا...شنو صار
ايه...وصلني هدايه يا نونا منه هو وبعتهم مع واحد 😍 فرحت واجد
نورا...ابتسمت باهي شنو جاب
ايه...جاب تليفون جديد اخر موديل وحاط رقمه فيه ومش جايب شفره وجاب علبه كبيره وفيها شوكلاطه فخمه وجائزة بأني زهرة كل برنامج يقدمه هو وابتسمت
نورا...قصدك حاط رقمه وانتي اتصلتي
ايه...اها من بعد تفكير قررت نتصل لان يا نونا رقمي مخزن عنده راه في الاذاعه بس ما حابش ياخده هو بطريقته خلاني نتصل بنفسي وبجد راقي بكل حتى بعد حكيت معاه علي انفراد سألني علي اسمي وطلب يشوفني يا نونا مش مصدقه ان حانشوفه شخصيا 😍🔥 بكرا في الكافتيرياا يبي يجي
نورا...اوبااا لا اصدق معقوله هضا كله صار يا قرده طلعتي مش هوينه
ايه...حبي له مجنني كل شي فيه نعشقه صدقيني هو ولا أروع انسان لطيف بمعنى الكلمه ومش ندمانه اني حبيته لان غير نحس ان هو قدري وان مكتوب ليا وانا من النوعيه ان ما نستسلم وهو ما هاني ولا ذلني بالعكس حنون وكويس ومخليني نزيد نعشقه يا نونا ما تحطميني خليني فرحانه وبكرا نقابله ونشوفه شخصيا الله مش مصدقه بجد طاير عقلي ❤🔥
نورا...ابتسمت باهي مش تعقبيلي منها الشوكلاطه يلي جابها 😎😉
ايه...ما ابردك انا نحكيلها عن حبي وهي تفكر في شوكلاطه 😂
نورا...مافيش شي يستحق نفكر فيه غير بطني 😂😉 مافيش حد مهتم بصحته زيه 😂 كلكم مهتمين بالحب والقطف الفاضي يلي ما يجيب ألا وجع الراس انا حتى العرسان نرفض فيهم دايرتهم كلهم خوتي من الرضاعه 😂😂🔥🔥
ايه...هههههه حيوانه 😂 ما احقرك وحق ربي وسكرت في وجها وضحكت علي صديقتها نورا يلي ضحكت حتي هي ورقدت وحتي هي رقدت وطولت ما نعست لان تفكيرها في بكرا 🔥💞
............
ومعتز معصب من حنان عدا خش لغرفته واتصل ولقاه يرن مش مقفل
وهي كانت تقرا شفاته تأففت ماردتش
وهو كرر اتصال ورا اتصال حتي ردت بتأفف ... شنو تبي عليش
متصل بيا عقاب الليل
معتز...مش ناسي يلي درتيه فيااا
حنان...شنو انديرلك يعني الغلط غلطكم
معتز...شد علي يده راك زودتيهاا
حنان...لا ما زودتها ولا شي انتو تجمعو ماتفكروش في الناس يلي قرت وتعبت لليل نهار وهي تقرا في الاخير تقررو
ان الامتحان يتعاود ليش يعني مش حرام شنو ذنب الناس يلي حلت فهمني وتوا انا صاهره نقرا في امتحان بكرا وانت جعزتني وضيعت وقتي وسكرت عليه 
معتز...سكت وهالمره جاه معاها كان واضح انها مهتمه بدراستها و وجعها ان الامتحان حايتعاود تنهد وغمض عيونه
...........
صباح يوم جديد 🔥🔥
.....
عند ايه ناضت وعدت للكليه ونورا قابلتها غادي وايه ولعت النت وحطت عاليوتيوب تتفرج علي حلقة اليوم 😂🔥
نورا...تي حتى هناا
ايه...اها ومانيش حاضره المحاضره بعد نكمل متابعة برنامج امتعه حايجي هو ويقابلني 😍🔥
نورا....هبله باهي جبتي شوكلاطه يلي قتلك عليها 😂🔥
ايه...وووو منك اها جبتها وطلعت عطتها طرف بس
نورا....ما ابخلك وووو 😐
ايه...من الحبيب مانبيش نكملها 😂🔥
نورا...خزي بارده هي ماشيه للمحاضره باي
ايه...اربحي هي نرجا في عبودي
نورا...اربحي انتي وياه 😂😂
ايه...تافهاا وألتهت بمتابعة برنامجه وهو استغرب ان ما اتصلت اليوم بس ابتسم لان حا يقابلهاا بعد برنامجه 🔥🔥
..........
#يتبع
.......