احببت مذيع (روايات ليبية )

حلقة 11🔥 ما قبل النهاية 🔥

#أحببت_مذيع 🔥ماقبل الجزء الآخير 👌
ويا لهو من مذيع 😉 لا تفوتو تخلى عن شهرته علي شان معشوقته شوفو 👇
هذه هو الحب الحقيقي  👌🔥
من بعد مشيت عبود مع عروسته ايه عدا ايمن بسرعه ركب في سيارته وفي طريقه لاعند اسراء في المستشفى قعد يبتسم كلما يذكرها له أسبوعين شايفها غيرتله حياته وصل للمستشفي وعدا يجري لغرفتها خداه نفس وفتح الباب وهي ركزت في جهت الباب وسمعت صوت انفاسه وهو ياخد في نفس ابتسمت عشان جاه ومع ان قال عنده عرس رفيقه بس جاه حست بخطواته البطيئه وهو يبحت فيها قرب منها اكتر وقعد مقابلها
نزل علي ركبيه وهي قعده عالسرير امتعها وهي حاسه بكل حركه يديرها رفعت يديها وقعدت تتلمس حتى وصلت لوجه وهو ابتسم وغمض عيونه مش عارف شنو صايرله يحب يكون معاها وهي نفس الشي خلت يديها بين وجه وبصوت هامس طلع منها تمنيت نشوفك ونزلت دمعه منها وهو فتح عيونه وشاف هالدمعه يلي قطعت قلبه مسحها لها وبحت فيها المهم انا يلي نشوفك المهم انك تحسي بوجودي وقعد جنبها وبحت فيها انتي شنو درتي فيا انا نعترف اني درت علاقات مع بنات بس مافيش وحده لفتت نضري بالشكل هضا زي ما درتي انتي وهي شدت علي يده بس انا كفيفه كيف لفتت نضرك وسيبت كل وحده اتشوف وهو قرب يدها وحطها علي قلبه مش مهم انها تشوف المهم ان قلبي دق لها
وهي ارتبكت وهي تسمع في دقات قلبه
وهو كمل المهم انك تحسي بيا وبصراحه حاسس روحي حبيتك بجد وانتي نتمنه انك ما تقولي العكس لان حبيتك والله ❤ كنت ما جيتك بعد زفت رفيقي كنت ماجيتك في هالوقت توا الساعه 12 في الليل اعترفت لك بحبي وغمض عيونه مستعد نقعد كفيف كيفك علي شان ترضي بياا واندير اي شي علي شانك انتي بس المهم تكوني جنبي ومعايا علي طول وهي دقات قلبها زادت وهو حس برعشت يديها حط يديها علي خده وابتسم حبيتك والله
واسراء نطقت بتردد زي ما حبيتك والله
ايمن...طار من الفرحه تحكي جد انتي حبيتيني فعلا زي ما حبيتك ابتسمت وهزت راسها وهو فرح وحضنها وهي 🔥
من قربه خلاص بحت فيها نعشقك والله
وباس راسها وهي قعدت مجنونه فيه 🔥
مددها عالسرير وغطاها لازم تتريحي
اسراء...تبي تمشي وشدت علي يدها
ايمن..لالا مش ماشي وطفى الضي وسكر الروشن وقعد جنبها انا قعد مش حانخليك
في  حد يخلي روحه ويمشي ياروحي وهي ابتسمت وقلبها يدق قعد ماسك يديها ويبحت فيها وفي نفسه ملاك وانا لازم نتصرف عشان تشوفني 🙈🔥👏
وضحك علي نفسه وهي من ضحكته راحت فيها بزياده تبي قربه وبس ما خلاها تقعد بروحها كل يوم عندها واوقات يطلعها في الحديقه تتمشى اذمنت عليه وعلي وجوده جنبها 🔥 وزادت فرحتها بأعترافه بحبه لها 🙈🙈
.................
#صباح_يوم_جديد
......
على عرسان اخر زمان 😜🔥
ما رقدش بكل طول الليل يتفرج عليها كيف راقده وكل مره تلف لجهة حركتها واجده 😂 وهو يبتسم وبس حول خصيلات شعرها يلي غطن وجها وقعد يذاعب في خدها بصوابع يده قعد يجعز فيها وهي راقده وطالعه باربي 😂🔥
ايه...تأففت ودفت يده حول يا انس مش برادتك علي الصبح نبي نرقد
عبود...مسك ضحكته وقرب باس خدها
ايه...فتحت عيونها تبي تهزبه ولقت عبود في وجها انصدمت وهو ضحك اشششش
عبود...مجنونه نسيتي ان امس عرسنا
ايه...اذكرت يلي صار وجها قعد احمر وغطت وجها بين ايديها وهو ضحك علي هبالها وقعد يحول في يديها من علي وجها .... ليش هك بس بدل ما تتغزلي فيا تتصرفي هك 😎 وين الغزل يلي زمان اه بس راح بعد الزواج يا حظي المتفترش
ايه...هههههههههههه راح الغزل من قربك مني وخر توا نغازلك والله
عبود...صبا من مكانه وقعد حداه الروشن هيا غازليني يا غزل انتي 😉👌
ايه...😂🔥🙈 انت تجنن تجنن وبالاخص عالصبح وكيف شعرك مبعتر علي وجك 🙊 وهضا احلى صباح عندي اني نتصبح علي انسان كنت انوض علي شان نتفرج عليه عالشاشه وتوا انوض ونلاقيه حدايا وهو زوجي وحبيبي توا 🙈🔥 ومش شايفه غيره وهو ضحك وجاه قعد جنبها كل هالحب ليا ياريت من زمان خديتك اول ما اتصلتي بيا وكان هالاتصال في برنامجي قبل سنه 😜
كنت توا متزوجك وعندنا حتى بيبي اخرا
وهي وجها احمر قعد وهو ضحك وكرها في حضنه وهمس مجنونه والله وقعد يلعب علي شعرها مزلتي نعسانه ياعمري
ايه...اها انا متعت نوم غار قبل انوض بدري علي شان برامجك بس توا قعد حدايا عليش انوض وغمضت عيونها
عبود...ههههههه وانا ما رقدت طول الليل
ايه...فتحت عيونها والله
عبود...والله وتوا حانرقدو مع بعضنا وغمزلها وهي ضحكت وتمدد جنبها وهي حطت راسها علي صدره وغمضت عيونها وهو ابتسم ومسك يديها وغمض عيونه وهمس انحبك وهي بصوت خجول نعشقك ابتسم وبعد وقت غفوه ورقدو اخرا الكسولين 😂👌
..............
ناضت بدري ولقاته باعتلها مسج
يا صباح الحلاوه يلي واخده قلبي امعاك
ابتسمت هضا حايجنني والله وبعتت له صباحوو يا مجنوني انت ❤
معتز...ضحك امتى بس ناخدك ونطلع عرسي يا صغيرتي الجميله
حنان...😂😂 مزال مزال راجي كم سنه لو فعلا تحبني راجي
معتز...للعمر انراجيك حتى لوقعدت شايب وانا انراجي في اميره
حنان...احلى شايب والله 😂🙊
معتز...باهي باه توا تشوفي من الشايب غار تقعدي زوجتي وتوا انوريك
حنان...ضحكت وسكرت في وجه للمره المليون 🐸👌
نجمه...يا حنان تعالي
حنان...اه كنت نبتسم وانا نفكر فيه 🙊 وتنهدت وصبت لاعند امها صباحوو
نجمه...صباح الخير عدي بوك يبيك
حنان...هيا وين قعد
نجمه...في غرفته
حنان...عدت لاعنده وخدت
نفس ودقت الباب وخشت
صباح الخير بابا 😊
يونس...صباح النور تعالي اقعدي جنبي
حنان...في نفسها خير ان شاء الله وعدت قعدت جنبه وهو بحت فيها
يونس...امس معتز رفيق عبود زوج اختك عطاه كلمه فيك علي شان لو حد طلبك مني انقوله طلبها حد قبلك وهي وجها قعد احمر وهو قال ان مش توا ولكن جامعتها تكملها في حوشي واكيد تعرفيه المذيع معتز وهي ارتبكت وهزت راسه
بونس...وشنو موافقه في الكلام يلي قاله
حنان...بخجل يلي تشوفه انت
يونس..لا جاوبيني انتي عشان انقوله ان الامور تمام
حنان...نفكر ونقول ماما تردلك خبر وصبت تجري وهو ضحك علي بنته وهي قلبها يدق وطارت من الفرحه من يلي سمعاته توا ❤❤🙈🙈
........... 
نورا بعد ناضت توقعت تلاقيه متصل او باعت مسج بس ما شافت شي تنهدت ومع ان كان جوهم حلو الايام يلي فاتو سمعت امها ادق علي غرفتهاا وفتحتها
زينب...صباح الخير نايضه
نورا...صباح النور اها من اشويه نضت
زينب...باهي صبي خطيبك في مربوعه يبي يحكي معاك وقعد مع بوك
نورا ...انصدمت قصدك حمزه في مربوعه
زينب...كم عندك خطيب انتي 😂
قصفتها امها 🔥👌
نورا...ضحكت علي نفسها هههه لا واحد وصبت تجري خشت للحمام وغسلت وجها وهي فرحانه مش مصدقه ان جاه هنا علي شان يشوفهاا بعدها طلعت وصلت واختارت لبسه حلوه لبستها وغطت شعرها وعدت شور المربوعه ودقت الباب بترددد... وصوت هامس صباح الخير
حمزه وبوها يحي ... صباح النور
وحمزه يفصل فيها تفصيل 😂👌
وهي ارتبكت لما جات عينها في عينه
يحي...نخليك اشويه مع خطيبك وتوا انجي وطلع وهي ارتبكت
حمزه...تعالي قربي وقعد يلعب علي لحيته وحط كرع علي كرع اخرا 😂👌
وهي واقفه زي الصنم وما تحركت
لقد وقعت بنار الحب 😂🔥👌
حمزه...رفع حاجبه وشنو حاكينا نحنا توا
مش قلت تعالي والله نصبيلك 😎
نورا...لا خلاص جايه وقعدت جنبه
حمزه...مسك يدها وهي ارتبكت وهو حس برعشتها ابتسم وبحت فيها ....
حكيت مع بوك ان العرس في نهاية الشهر يناسبك هالموعد او نغيره
نورا...🙊🙈 دير يلي تبيهاا
حمزه...سقم قعدته وقرب همس قرب وذنها زوجه مطيعه يعني تسمع في الكلام من توا شاف بسمتها يلي ذوباته 🔥
وهي غمضت عيونها لو كملت حانخش
حمزه...غار خليكي وانتي مستعجله
شوفيني بحتي فيااا
نورا...لالا
حمزه...رفع حاجبه وعليش ان شاء الله
نورا...مانقدرش والله قلبي وكلما نشوفك وكأن خبطني ضي 🙊
حمزه...😂😂  للهدرجه ما تعودتي عليا ومسك وجها وخلاها اتبحت فيه وسرح في عيونها يعني العرس في نهاية الشهر
نورا...هزت راسهاا
وهو ابتسم وباس راسها
وهمس قلبي قعد هك من لما تعرفت عليك ❤ وهي ابتسمت وهو كر خدها خشي جوا وغمزلها وهي وجها احمر وهربت منه تجري وهو ضحك وهمس مهبوله هالبنت بس تجنن والله قعدت مهوس فيهاا 👌
............
بعد وعت حست بيديها في يده عرفاته ما عدش وقعد جنبها ابتسمت وفرحانه عشان قعده جنبه تمنت تشوفه زعما كيف شكله كيف يبحت فيا نبي نشوف نضاراته ليا تنهدت حست عليه تحرك وهو بحت فيها قرب وباس راسها وهي قلبها دق ابتسم وقعد يبحت فيها لوقت وهمس ( وقعت بي حبك يا فتاتي ) 🔥
نط مفجوع من فتحت الباب وعم اسراء كيف يبحت فيهم  ....شنو يلي قعد يصير هنا شنو هالمهزله هذي ممرضه قالت ان المذيع ايمن  كل يوم عندها وحتى ان جاه الليل  وما طلعش قعد في غرفتهاا
ايمن...بلع ريقه بس انا ما درتش شي غلط
اسراء...عمي انا يلي طلبت منه يقعد
عمها...طلعتي حقيره كيف تخلي حد غريب يقعد معاك واخرا قعد علي سريرك
ايمن...صبا وجاه يبي يطلق يدها شدت عليها وهو بحت فيه صدقني والله ما صار شي بس قعدت معاها وانا رايدها للبنت
عمها...اطلع برا ونشوفك هنا اتشوف توا نفضح بيك خلي الناس تعرفك علي حقيقتك ويحكو بسيرة المذيع ايمن
اسراء...بصوت عالي عميي قتلك هو ما دار شي وانا طلبت منه يقعد وانا انحبه
عمها....حباتك قراده ان شاء الله وحده ماتشوف وادير هك كيف لو شفتي قليلة اذب وانت اطلع برا وقعد يكر فيه يبي يطلعه وهو يبحت فيها كيف نزلو دموعها وماسكه في يده وماتبي تطلقه
اسراء...انا مانبيش يمشي لو تبيه يمشي انا حانمشي معاه وما ننحرم من وجوده
هو يلي قعد معايا وانت عمي ومانسمع في صوتك بكل ولا تزور فيا بالرغم اني قعده في مستشفي امتعك ماتكلفش نفسك انك تسأل عليا وتشوفني ولكن ايمن يلي تبي تشوه سمعته هو احن منك وانا نبي نقعد معاه ما نبيكش انا نكرهك
عمها...جاه يبي يضربها بس يد ايمن مسكاته وبحت فيه ايدك لا تقربها منها
مره تانيه وهو يبحت فيه بحقد
اسراء....نبي نمشي معاك يا ايمن خوذني ولا تخليني بالعذاب هضاا تعبت
ايمن...ما تخافيش حانخدك
عمها....خودها واطلعو برا وانت سيرتك حاتبقى علي كل لسان حانشوه سمعتك وتشوف
ايمن....بحت فيه دير يلي تبيها وسمعتي هي اسراء بنت خوك وبس وشالها بين ايديه وبحت فيه بإستحقار وطلع والكل يبحت فيهم ومصدوم وفي يلي قعد يصور وانتشر الخبر بسرعه في جميع التواصل الاجتماعي ان المذيع ايمن علي علاقة مع اسراء الكفيفه وهو ما عدلش فاتهم كلهم وشالها للفندق وحجز غرفتين مقبلات بعضهم ....
ايمن...شالها لغرفتها وقعدها عالسرير
اسراء...مسكت يده انت ندمان شوف سمعتك علي كل لسان
سكتها وحط يده علي شفايفها
ولا كلمه اششش انتي سمعتي وروحي
شنو نبي في الشهره بدون حب وقلب صافي زيك هاا تكلمي وكر خدها واتصل بصاحب الايذاعه .... انا اعتزلت ونتأسف منكم وسكر في وجه
اسراء...ليش هك
ايمن....اشش قتلك وانا من الاخير رايدك بالحلال وعيلتي انا ميته وعايش بروحي في الاستراحه امتعي وتوا نقرا فاتحتك عليا لو موافقه نتصرف ونجيب اصحابي يساعدوني
اسراء...نطلع هبله لو رفضت شخص زيك ضيع شهرته وسمعته علي شاني في وحده ترفض راجل بمعنى الكلمه رجل مثالي
ايمن...ابتسم وباس راسها الليله حاتكوني حلالي وهي وجها احمر قعد وهو ابتسم واتصل برفيقه حمزه ومعتز وطلب منهم  يجيبو شيخ للفندق كذا وسكر في وجهم 
وهي ابتسمت وهو سرح في بسمتها
........
وفعلا بعد وقت جاب حمزه ومعتز الشيخ وحكالهم ايمن يلي صار وان يبيها وحمزه ومعتز انصدمو وان كيف يتجوز هك بهالسرعه وهو عناد وان توا تنقرا فاتحته معاها تنهد حمزه ومعتز وقعدو في صالة الفندق والشيخ قرا الفاتحه والناس عرفاته ايمن ان تجوزها وصورو يلي صار وانتشر الخبر وهو بالعاني يبي خبر زواجه ينتشر وما يحكو علي اسراء بحرف وان خلاص تزوجت وقعد معاها بالحلال ومش بالحرام
...........
ع 5 العصر
......
فتحت عيونها ولقت روحها في حضنه ارتبكت وجات تبي تصبي بس هو مكتفها وكأن خايف عليها تمشي من حداه 😂
وهي قعدت تبحت فيه ما احلاه من قرب يجنن كل شي فيه حلوو بسمته وضحكته ليا ونضاراته يلي يذوبن فيا قربت وباست خده بحب وابتسمت وهمست انحبك
عبود...بخبث وانا انحبك وفتح عيونه فجأه شهقت وهو ضحك وصبا شالها بين ايديه وعدا بيها للحمام وهي مصدومه وعباها اميه 😂😂👌👌 وهي تضحك قعدت خدوها كله لعب وطولو وهمسلها لو مش ورانا مشيه للعيله وفي الليل سفره ما كنت طلقتك وهي وجها قعد احمر
ايه...باهي اطلع نبي ندوش
عبود..حقي حالتي كيف نطلع وانا مبلول
ايه...بحتت فيه بس انت يلي درت هك
عبود...الله غالب علي شان ما تلزيني من الحمام وضحك وهي شهقت وهو سكر الباب بالمفتاح ودسه في الرف الفوقاني وزلق 😂👌 طاح وهي خافت عليه
ايه....حبيبي انت بخير
عبود....ااااه خليك جنبي توا نتحسن
ايه....باه 😂🙊 وهو ضحك وحط راسه في كترها خليني هك اشويه حتى يحول الوجع من قربك وهي راحت فيها 🔥
.......
وبعد وقت طلعو وجهزو نفسهم وعدو زارو العيلتين يلي ودعتهم وام ايه بكت حاتودع بنتها يلي حاتسافر وحنان حضنتها لأيه وحضنت انس يلي اول مره يتأثر ان يفقد اخته بحت فيها من يلي نقوللها يا متعت عبود ونستفزها قربت همستله استلم حنان وقوللها يا متعت عزو
ضحك وبحت في حنان وحرك حواجبه بطريقه مستفزه وحنان ما سمعتهم كانت تبكي فطنت له كنك تبحت هك يا مهبول
انس....اسكتي يا متعت عزو 😎
حنان...شنو وبحتت في ايه يلي انفجرت ضحك وجات تبي تضربها عدت تجري تضحك وكلهم وراها وعبود برا مع بوها وهضا كله يسمع في صوتها وصوت ضحكها ابتسم
............
سمعت صوت غرفه انفتحت قلبها دق وعرفاته جاه وقدم بخطواته منها وقعد جنبها ومسك يديها وباس يدها
وهي 🔥 همست ايمن
ايمن....عيونه وقلبه وباس خدهاا
اسراء....مش اليوم وسكتت
ايمن....ابتسم وانا مستحيل نقرب وانتي مش راضيه يا سمحه وباس راسها
اسراء..انا زدت حبيتك من يلي درته
ايمن....اششش وحضنهاا وهي 🙈🔥
.................
الايام مرت بسرعه
وعبود كل يوم يدهور فيها في باريس وشالو للملاهي وهي خافت من المرتفعات وهو ضحك عليها 😂 وماسكه فيه طول الوقت وشالها ركبها عالحصان وركب وراها وهي راحت فيها خلاص يجنن 🙈🔥 وكل تصرفاته وحبه لها زاد جننهاا
...........
#في_نهاية_الشهر
.....
اليوم الكل موجود اليوم عرس نورا وحمزه وطالعه تجنن نورا وايه جنبها وما خلتها وهي متوتره بكل وحتى ما ضحكت 😂🙊 وايه تضحك عليها وعلي تصرفاتها
وبعد وقت عدو لقاعة العرس ورحبو بيهم الظيوف ونورا 🙈🔥
وحمزه مع الشباب يجهزو فيه وطالع يجنن وطلته الحلوه واصحابه فرحوله واخيرا شافوه فرحان 🔥
وبعد وقت عدو للقاعه واجواء حلوه وحمزه يسقم في قرواطه وبحت في الساعه وابتسم الوقت قرب ونشوفها
وبعد وقت وصلو وقعدو يبيبو ونورا 🙊
وايه ضحكت عليها وبعدها خش العريس وفجأه اخرا كلهم شهقو وهو يمشي بسرعه قول سياره 🚙 😂 وقرب منها ورفع طرحتها بسرعه كل شي بسرعه وباس راسها وتهرب من نضارات الكل وهمسلها مانبيش نقعد هنا اكتر نبو نمشو
وحك خده وهي بتردد خلينا نصورو علي الاقل ذكرى حلوه ❤
همس توا نصورو ولكن مش هنا وهي زعلت ونزل طرحتها وعدو بسرعه والكل استغرب وهو مايحبش الهرجه يبي يقعد معاها بروحهم وابتسم ساعدها تركب
وقعد وبحت فيها اسف من يلي صار توا بس انا مانحبش الضوضاء وغمزلها وهي ذابت في هالغمزه وشالها لمركز التصوير وساعدها تنزل وصورور اجمل صور مع بعضهم وطالعين يجننو ❤❤🙈🙈
وبعدها شالها للحوش 🔥🔥
عبالي حبيبي عبالي حبيبي
أغمرك ما إتركك إسرقك
ما رجعك إحبسك 🙊🙈
ما طلعك من قلبي ولا يوم
أخطفلك نظراتك ضحكاتك
حركاتك علقهن بغرفتي نيمهن
عفرشتي إحلمهن بغفوتي تيحلى
بعيني النوم عبالي حبيبي ليلة
الإلبسلك الأبيض وصير ملكك
والدني تشهد وجيب منك إنت
طفلك إنت مثلك إنت عبالي حبيبي
عيش حدك عمر أو أكثر
وحبي يكبر كلما العمر يكبر
عبـــــــــالي حبيبي..عبالي حبيبي
...........
#يتبع 🔥
.....
لت تفوتو الجزء الاخير 🔥
في نفس الوقت 👌😉
وصباحكم حلو زي حلاوتكم ❤
.......
#تحياتي